ManiTek TV
JF-Expert Member
- Jun 3, 2011
- 410
- 159
[h=1]Smartphone Zaongoza Kwa Mauzo[/h]
Kwa mara ya kwanza katika historia ya mauzo ya simu, simu aina ya smartphone zimeuzwa nyingi kuliko simu za kawaida kwa mujibu wa taarifa ya wachambuzi na watafiti wa takwimu za gajeti IDC. Katika ripoti hiyo 51.6% ya simu zote ni smartphone huku Samsung ikiwa ni muuzaji namba moja katika soko hilo Duniani. Wakati Nokia na Sony hazimo katika wauzaji tano bora, Samsung imeuza karibu mara mbili ya Apple ambayo inashikilia nafasi ya pili. Pia tukizingatia kwamba Apple hutoa simu moja kwa mwaka kushika nafasi hii kunaonyesha jinsi kampuni hiyo ilivyo ngangari katika mauzo.
Katika kampuni tano bora za mauzo hayo ya smartphone Apple ndio kampuni pekee kutoka nchi za magharibi, ambapo mbili zimetoka Korea ya Kusini yaani Samsung na LG na mbili zilizobaki ni kampuni za China yaani Huawei na ZTE, hivyo soko la smartphone nalo ni ushahidi wa kuhama kwa nguvu za kiuchumi kutoka Magharibi kwenda Mashariki ya Mbali.
Smartphone zimeongezeka kwa 4% katika robo hii ya kwanza ya mwaka 2013 kulinganisha na robo kama hii mwaka jana. Samsung sio tu imeshikilia nafasi ya kwanza, bali pia imeuza smartphone nyingi kuliko kampuni zote nne zinazoshikilia nafasi ya pili mpaka ya tano zikijumlishwa kwa pamoja. Apple iliyoendelea kushikilia nafasi ya pili kama mwaka jana imepata ongezeka la mauzo ya 6.6% kulinganisha na robo ya kwanza ya mwaka jana huku iPhone 5 ikiendelea kupata mauzo mazuri.
LG ambayo katika robo mbili za mwisho za mwaka jana ilitolewa katika tano bora imerudi na kushikilia nafasi ya tatu ikiwa imeuza smartphone milioni 10.3, LG imesaidiwa na mauzo mazuri kwa Smartphone za bei rahisi na LG Nexus 4, moja kati ya simu maarufu mno kwa mwaka huu. Huawei imepanda mno na kushika nafasi ya nne ambapo mwaka jana katika robo kama hii kampuni hiyo iliuza Ascend chache tu. ZTE nayo imeendelea kukua ikitamba zaidi katika soko la Asia/Pacific na hata katika bara la Marekani ya Kaskazini.
Takwimu za IDC zinaonyesha kwamba katika robo hii ya kwanza ya mwaka 2013; Samsung imeuza Smartphone milioni 70.7, Apple wameuza iPhone milioni 37.4, Huawei iliyoshika nafasi ya nne imeuza simu milioni 9.9 na ZTE imeuza smartphone milioni 9.1, takwimu hizi zinathibitisha kwamba kwa upande wa Nokia na Blackberry bado hali ni ngumu katika mauzo.
Chanzo: gajetek habari
Kwa mara ya kwanza katika historia ya mauzo ya simu, simu aina ya smartphone zimeuzwa nyingi kuliko simu za kawaida kwa mujibu wa taarifa ya wachambuzi na watafiti wa takwimu za gajeti IDC. Katika ripoti hiyo 51.6% ya simu zote ni smartphone huku Samsung ikiwa ni muuzaji namba moja katika soko hilo Duniani. Wakati Nokia na Sony hazimo katika wauzaji tano bora, Samsung imeuza karibu mara mbili ya Apple ambayo inashikilia nafasi ya pili. Pia tukizingatia kwamba Apple hutoa simu moja kwa mwaka kushika nafasi hii kunaonyesha jinsi kampuni hiyo ilivyo ngangari katika mauzo.
Katika kampuni tano bora za mauzo hayo ya smartphone Apple ndio kampuni pekee kutoka nchi za magharibi, ambapo mbili zimetoka Korea ya Kusini yaani Samsung na LG na mbili zilizobaki ni kampuni za China yaani Huawei na ZTE, hivyo soko la smartphone nalo ni ushahidi wa kuhama kwa nguvu za kiuchumi kutoka Magharibi kwenda Mashariki ya Mbali.
Smartphone zimeongezeka kwa 4% katika robo hii ya kwanza ya mwaka 2013 kulinganisha na robo kama hii mwaka jana. Samsung sio tu imeshikilia nafasi ya kwanza, bali pia imeuza smartphone nyingi kuliko kampuni zote nne zinazoshikilia nafasi ya pili mpaka ya tano zikijumlishwa kwa pamoja. Apple iliyoendelea kushikilia nafasi ya pili kama mwaka jana imepata ongezeka la mauzo ya 6.6% kulinganisha na robo ya kwanza ya mwaka jana huku iPhone 5 ikiendelea kupata mauzo mazuri.LG ambayo katika robo mbili za mwisho za mwaka jana ilitolewa katika tano bora imerudi na kushikilia nafasi ya tatu ikiwa imeuza smartphone milioni 10.3, LG imesaidiwa na mauzo mazuri kwa Smartphone za bei rahisi na LG Nexus 4, moja kati ya simu maarufu mno kwa mwaka huu. Huawei imepanda mno na kushika nafasi ya nne ambapo mwaka jana katika robo kama hii kampuni hiyo iliuza Ascend chache tu. ZTE nayo imeendelea kukua ikitamba zaidi katika soko la Asia/Pacific na hata katika bara la Marekani ya Kaskazini.
Takwimu za IDC zinaonyesha kwamba katika robo hii ya kwanza ya mwaka 2013; Samsung imeuza Smartphone milioni 70.7, Apple wameuza iPhone milioni 37.4, Huawei iliyoshika nafasi ya nne imeuza simu milioni 9.9 na ZTE imeuza smartphone milioni 9.1, takwimu hizi zinathibitisha kwamba kwa upande wa Nokia na Blackberry bado hali ni ngumu katika mauzo.
Chanzo: gajetek habari
