mngony
JF-Expert Member
- Jul 27, 2012
- 5,755
- 7,270
sikukuu 14: 3-5 basi ikawa watu wa muungano wa nchi zile mbili walipokutana katika kutaniko kuu ndipo akainuka Mkuu wa ule Muungano, mwana wa Mrisho kutoka kabila la watu wa Mashariki, tena ilikuwa yapata miaka 2014 tangu alipozaliwa Masihi. Basi katika kutano lile walikuwapo watu wengi, mkuu wa nchi alivyoona macho ya watu yakimtazama kwa huruma akazijua nyoyo zao, kwa maana watu wake walipenda kujisherehesha kwa nyama za kuoka na pombe za vimea. Basi mwana wa Mrisho akapaza sauti yake na kusema, enyi watu wa bara, na enyi watu wa visiwani sikieni, natangaza ya kwamba siku ya tano ya wiki itakayofuata mpumzishe miili yenu, na mle bata na hata jua litakapochomoza tena endeleeni hata litakakapozama mpaka pale siku ya tano ya wiki itakapofika. Na tazama palitokea yowe kubwa, halikuwa la vita wala la kuogofya bali la furaha, la kugonga viganja na kupongezana
