Mohamed Said
JF-Expert Member
- Nov 2, 2008
- 20,921
- 30,265
SHEIKH JUMA MWINDADI
Imenichukua miaka mingi kuitafuta picha ya Sheikh Juma Mwindadi.
Hatimae picha ya Sheikh Jjuma Mwindadi nimeipata kutoka kwa familia yake.
NImefahamishwa kuwa ingawa watu wamezoea kumwita ''Juma,'' yeye jina lake ni ''Jumaa Mwindadi Jumaa.''
Mara ya kwanza kukutana na jina hili ilikuwa katika Nyaraka za Sykes.
Nimemsoma Sheikh Juma Mwindadi katika nyaraka hizi zikimweleza Sheikh Juma Mwindadi kuwa alikuwa Mwafrika wa kwanza kuchaguliwa katika Dar es Salaam Municipal Council na Mwafrika wa pili alikuwa Kleist Sykes.
Ningependa msomaji wangu usome kipande hiki nilichokitoa katika kitabu cha Abdul Sykes ili uwe na uelewa mpana wa hali ya siasa katika miaka ile kuelekea kuundwa kwa TANU:
''Kueleweka kwa nini Abdulwahid alimuunga mkono Nyerere inahitajika uchambuzi kuelewa siasa za mfumo wa kikoloni katika Tanganyika.
Mwaka wa 1951 Abdulwahid na Mwapachu walipokuwa wakishughulika kuifufua TAA, walijiwa na Ivor Bayldon, Brig. Scupham na V.M. Nazerali kuombwa kuunga mkono kuundwa kwa chama cha kisiasa kitakachojumuisha Watanganyika wa rangi zote.
Hawa walikuwa wajumbe wa Baraza la Kutunga Sheria.
Bayldon alikuwa mlowezi tajiri kutoka Nyanda za Juu za Kusini na alikuwa amehamia Tanganyika kutoka Afrika ya Kusini.
Wajumbe wa Kiafrika wa Baraza la Kutunga Sheria walioliunga mkono wazo hili walikuwa Chifu Kidaha Makwaia na Liwali Yustino Mponda wa Newala.
Watu wengine mashuhuri walioshauriwa na kuombwa kuunga mkono chama hiki walikuwa: Dr Joseph Mutahangarwa, Chifu AbdIel Shangali wa Machame, Chifu Mkuu Thomas Marealle wa Marangu, Chifu Adam Sapi Mkwawa, Chifu Haruna Msabila Lugusha, Dr Wilbard Mwanjisi, Abdulkarim Karimjee, Dr Vedasto Kyaruzi, Liwali Juma Mwindadi, H.K. Viran, Stephen Mhando, Ally Sykes na Dossa Aziz.
Huu ulikuwa mchanganyiko wa Wazungu ambao tangu hapo walikuwa raia wa daraja la juu, baadhi yao kama Bayldon walikuwa walowezi; machifu kama vile Marealle, Waafrika wasomi kama Mwapachu; tabaka ya wafanyabiashara wa Kiasia kama Karimjee na watu wa mjini kama Dossa Aziz na Juma Mwindadi.
Wote hawa walikuwa viongozi waliokuwa na wafuasi katika jumuiya zao.
Katika barua Nazerali aliyomtumia Ally Sykes miaka miwili baada ya kudhihiri kuwa chama kile walichokusudia kisingeweza kuundwa, kwenye sehemu moja alikuwa na haya ya kusema: ''Haja kubwa ilikuwa kuandaa kikundi cha watu walio wakweli, waaminifu na wenye imani katika maendeleo ya watu katika nchi yetu, pamoja na fursa sawa kwa wote.''
Nikaja kukutana tena na Juma Mwindadi katika Nyaraka za Rajabu Ibrahim Kirama wakati natafiti maisha yake.
Nyaraka hizi za Rajab Ibrahim Kirama zinakaribia miaka 100.
Msome Juma Mwindadi kama nilivyomweleza katika kitabu cha Rajabu Ibrahim Kirama:
''Haukupita muda mrefu uongozi wa Al Jamiatul Islamiyyah Fi Tanganyika ukawatumia barua viongozi wa Muslim Association (Umoja wa Waislamu) Machame kuwataarifu ziara ya Sheikh Hassan bin Ameir lakini barua ilimtaja Sheikh Hassan bin Ameir peke yake.
Inaelekea palitokea mabadiliko na Mwalimu Juma Mwindadi akaongezeka katika safari ile.
Mwaka wa 1945 Sheikh Hassan bin Ameir na Mwalimu Juma Mwindadi aliyekuwa Mwalimu Mkuu wa shule ya Al Jamiatul Islamiyyah fi Tanganyika, Dar es Salaam wakaenda Machame Nkuu kwa nia ya kufanya mkutano wa pamoja na viongozi wa Machame kwa ajili ya kuusukuma mbele Uislamu Kilimanjaro.
Kwa mara ya kwanza viongozi wa Al Jamiatul Islamiyyah fi Tanganyika kutoka Dar es Salaam, Sheikh Hassan bin Ameir na Sheikh Juma Mwindadi walifanya mkutano wa pamoja, Machame Nkuu na viongozi wa Al Jamiatul Islamiyyah fi Tanganyika Machame.
Katika muhtasari wa mkutano huu Sheikh Hassan bin Ameir ametajwa kama Mwangalizi wa Shule za Kiislamu, Mwalimu Juma Mwindadi ametajwa kama Mwalimu Mkubwa wa Muslim School, Dar es Salaam na Muslim Association Machame imetajwa kama tawi la Muslim Association ya Dar es Salaam. Mzee Rajabu Ibrahim Kirama akachaguliwa kuwa President, Makamu wake Ramadhani Marua na Salim Rajabu, Katibu.
Mara baada ya kikao hiki President wa Al Jummiat Islamiyyah “A” Tanganyika Terrritory, Seleman Rajabu akapeleka barua Al Jamiatul Muslim Association, Dar es Salaam kueleza hatua zilizochukuliwa na Machame Nkuu kwa kufika kwa Mkuu wa Wilaya (DC) katika kutafuta kiwanja cha kujenga shule.
Mzee Rajabu alifahamisha kuwa hakuna walichoambulia majibu yakiwa Mkuu wa Wilaya (DC) bado anashughulikia kupeleka habari Dar es Salaam na ikiwa lazima hadi kwa Gavana.''
Nimeelezwa mengi kuhusu Juma Mwindadi In Shaa Allah tutaeleza mchango wake katika siasa za Tanganyika utafiti ukikamilika.
Picha: Sheikh Juma Mwindadi, kitabu cha Rajabu Ibrahim Kirama na picha ya juu ni Paramouny Chief Thomas Marealle na chini ni Chief Abdiel Shangali, Barua ya Salim Rajabu ya tarehe 17/3/45 kwa Chief Abdiel Shangali, Sheikh Hassan bin Ameir.
Imenichukua miaka mingi kuitafuta picha ya Sheikh Juma Mwindadi.
Hatimae picha ya Sheikh Jjuma Mwindadi nimeipata kutoka kwa familia yake.
NImefahamishwa kuwa ingawa watu wamezoea kumwita ''Juma,'' yeye jina lake ni ''Jumaa Mwindadi Jumaa.''
Mara ya kwanza kukutana na jina hili ilikuwa katika Nyaraka za Sykes.
Nimemsoma Sheikh Juma Mwindadi katika nyaraka hizi zikimweleza Sheikh Juma Mwindadi kuwa alikuwa Mwafrika wa kwanza kuchaguliwa katika Dar es Salaam Municipal Council na Mwafrika wa pili alikuwa Kleist Sykes.
Ningependa msomaji wangu usome kipande hiki nilichokitoa katika kitabu cha Abdul Sykes ili uwe na uelewa mpana wa hali ya siasa katika miaka ile kuelekea kuundwa kwa TANU:
''Kueleweka kwa nini Abdulwahid alimuunga mkono Nyerere inahitajika uchambuzi kuelewa siasa za mfumo wa kikoloni katika Tanganyika.
Mwaka wa 1951 Abdulwahid na Mwapachu walipokuwa wakishughulika kuifufua TAA, walijiwa na Ivor Bayldon, Brig. Scupham na V.M. Nazerali kuombwa kuunga mkono kuundwa kwa chama cha kisiasa kitakachojumuisha Watanganyika wa rangi zote.
Hawa walikuwa wajumbe wa Baraza la Kutunga Sheria.
Bayldon alikuwa mlowezi tajiri kutoka Nyanda za Juu za Kusini na alikuwa amehamia Tanganyika kutoka Afrika ya Kusini.
Wajumbe wa Kiafrika wa Baraza la Kutunga Sheria walioliunga mkono wazo hili walikuwa Chifu Kidaha Makwaia na Liwali Yustino Mponda wa Newala.
Watu wengine mashuhuri walioshauriwa na kuombwa kuunga mkono chama hiki walikuwa: Dr Joseph Mutahangarwa, Chifu AbdIel Shangali wa Machame, Chifu Mkuu Thomas Marealle wa Marangu, Chifu Adam Sapi Mkwawa, Chifu Haruna Msabila Lugusha, Dr Wilbard Mwanjisi, Abdulkarim Karimjee, Dr Vedasto Kyaruzi, Liwali Juma Mwindadi, H.K. Viran, Stephen Mhando, Ally Sykes na Dossa Aziz.
Huu ulikuwa mchanganyiko wa Wazungu ambao tangu hapo walikuwa raia wa daraja la juu, baadhi yao kama Bayldon walikuwa walowezi; machifu kama vile Marealle, Waafrika wasomi kama Mwapachu; tabaka ya wafanyabiashara wa Kiasia kama Karimjee na watu wa mjini kama Dossa Aziz na Juma Mwindadi.
Wote hawa walikuwa viongozi waliokuwa na wafuasi katika jumuiya zao.
Katika barua Nazerali aliyomtumia Ally Sykes miaka miwili baada ya kudhihiri kuwa chama kile walichokusudia kisingeweza kuundwa, kwenye sehemu moja alikuwa na haya ya kusema: ''Haja kubwa ilikuwa kuandaa kikundi cha watu walio wakweli, waaminifu na wenye imani katika maendeleo ya watu katika nchi yetu, pamoja na fursa sawa kwa wote.''
Nikaja kukutana tena na Juma Mwindadi katika Nyaraka za Rajabu Ibrahim Kirama wakati natafiti maisha yake.
Nyaraka hizi za Rajab Ibrahim Kirama zinakaribia miaka 100.
Msome Juma Mwindadi kama nilivyomweleza katika kitabu cha Rajabu Ibrahim Kirama:
''Haukupita muda mrefu uongozi wa Al Jamiatul Islamiyyah Fi Tanganyika ukawatumia barua viongozi wa Muslim Association (Umoja wa Waislamu) Machame kuwataarifu ziara ya Sheikh Hassan bin Ameir lakini barua ilimtaja Sheikh Hassan bin Ameir peke yake.
Inaelekea palitokea mabadiliko na Mwalimu Juma Mwindadi akaongezeka katika safari ile.
Mwaka wa 1945 Sheikh Hassan bin Ameir na Mwalimu Juma Mwindadi aliyekuwa Mwalimu Mkuu wa shule ya Al Jamiatul Islamiyyah fi Tanganyika, Dar es Salaam wakaenda Machame Nkuu kwa nia ya kufanya mkutano wa pamoja na viongozi wa Machame kwa ajili ya kuusukuma mbele Uislamu Kilimanjaro.
Kwa mara ya kwanza viongozi wa Al Jamiatul Islamiyyah fi Tanganyika kutoka Dar es Salaam, Sheikh Hassan bin Ameir na Sheikh Juma Mwindadi walifanya mkutano wa pamoja, Machame Nkuu na viongozi wa Al Jamiatul Islamiyyah fi Tanganyika Machame.
Katika muhtasari wa mkutano huu Sheikh Hassan bin Ameir ametajwa kama Mwangalizi wa Shule za Kiislamu, Mwalimu Juma Mwindadi ametajwa kama Mwalimu Mkubwa wa Muslim School, Dar es Salaam na Muslim Association Machame imetajwa kama tawi la Muslim Association ya Dar es Salaam. Mzee Rajabu Ibrahim Kirama akachaguliwa kuwa President, Makamu wake Ramadhani Marua na Salim Rajabu, Katibu.
Mara baada ya kikao hiki President wa Al Jummiat Islamiyyah “A” Tanganyika Terrritory, Seleman Rajabu akapeleka barua Al Jamiatul Muslim Association, Dar es Salaam kueleza hatua zilizochukuliwa na Machame Nkuu kwa kufika kwa Mkuu wa Wilaya (DC) katika kutafuta kiwanja cha kujenga shule.
Mzee Rajabu alifahamisha kuwa hakuna walichoambulia majibu yakiwa Mkuu wa Wilaya (DC) bado anashughulikia kupeleka habari Dar es Salaam na ikiwa lazima hadi kwa Gavana.''
Nimeelezwa mengi kuhusu Juma Mwindadi In Shaa Allah tutaeleza mchango wake katika siasa za Tanganyika utafiti ukikamilika.
Picha: Sheikh Juma Mwindadi, kitabu cha Rajabu Ibrahim Kirama na picha ya juu ni Paramouny Chief Thomas Marealle na chini ni Chief Abdiel Shangali, Barua ya Salim Rajabu ya tarehe 17/3/45 kwa Chief Abdiel Shangali, Sheikh Hassan bin Ameir.
