Hotuba yake ya Mwanza, ya Raisi Magufuli,
Ndege ameleta kwanza, sasa ataleta meli,
Hakujali kila kinza, Raisi katawakali,
Kwanza ndege sasa meli, Raisi twampongeza.
Raisi twampongeza, daima kwenye shughuli.
Nchi ameiangaza, tunaona hadi mbali,
Jua limeshachomoza, mwangaza kila mahali,
Kwanza ndege sasa meli, Raisi twampongeza.
Meli zitaleta kheri, na kupunguza ajali,
Zitaondoa hatari, mizigo zitahimili,
Shida zote za safari, watu walistahamili,
Kwanza ndege sasa meli, Raisi twampongeza.
Chato imeleta mwana, mwana usiku halali,
Mwana huyu kakazana, ili iwe nzuri hali,
Mwana kaweka bayana, kwamba nchi ina mali,
Kwanza ndege sasa meli, Raisi twampongeza.
Tanzania ni tajiri, tazama maliasili,
Mengi yameshadhihiri, yalofungiwa kufuli,
Rais mwenye dhamiri, katuongeza akili,
Kwanza ndege sasa meli, Raisi twampongeza.
Nchi inayo madini, tena madini asili,
Yenye bei duniani, na thamani iloghali,
Vipi nchi masikini, nani atajibu swali ?
Kwanza ndege sasa meli, Raisi twampongeza.
Tunangojea treni, Rais katoa kauli,
Mzee hana utani, amefanya jedwali,
Hata hao wapinzani, wengi wameshakubali,
Kwanza ndege sasa meli, Raisi twampongeza.
Tunaona madaraja, hayakuwepo awali,
Itakua ni faraja, kwa magari ni sahali,
Hakuna cha ngojangoja, Magufuli ni mkali,
Kwanza ndege sasa meli, Raisi twampongeza.
Nyerere alitabiri, kuja kwa Msema kweli,
Sote sasa tunakiri, huyo mtu kawasili,
Jina lake mashuhuri, John Pombe Magufuli,
Kwanza ndege sasa meli, Raisi twampongeza.
Kimasomaso mwanangu, Atakulinda Jalali,
Watakufa kwa uchungu, mahasidi majahili,
Hapa ndio mwisho wangu, chereko kila pahali,
Kwanza ndege sasa meli, Raisi twampongeza.
Abdallah Bin Eifan (Kinyamkera)
Jeddah, Saudi Arabia,
Ndege ameleta kwanza, sasa ataleta meli,
Hakujali kila kinza, Raisi katawakali,
Kwanza ndege sasa meli, Raisi twampongeza.
Raisi twampongeza, daima kwenye shughuli.
Nchi ameiangaza, tunaona hadi mbali,
Jua limeshachomoza, mwangaza kila mahali,
Kwanza ndege sasa meli, Raisi twampongeza.
Meli zitaleta kheri, na kupunguza ajali,
Zitaondoa hatari, mizigo zitahimili,
Shida zote za safari, watu walistahamili,
Kwanza ndege sasa meli, Raisi twampongeza.
Chato imeleta mwana, mwana usiku halali,
Mwana huyu kakazana, ili iwe nzuri hali,
Mwana kaweka bayana, kwamba nchi ina mali,
Kwanza ndege sasa meli, Raisi twampongeza.
Tanzania ni tajiri, tazama maliasili,
Mengi yameshadhihiri, yalofungiwa kufuli,
Rais mwenye dhamiri, katuongeza akili,
Kwanza ndege sasa meli, Raisi twampongeza.
Nchi inayo madini, tena madini asili,
Yenye bei duniani, na thamani iloghali,
Vipi nchi masikini, nani atajibu swali ?
Kwanza ndege sasa meli, Raisi twampongeza.
Tunangojea treni, Rais katoa kauli,
Mzee hana utani, amefanya jedwali,
Hata hao wapinzani, wengi wameshakubali,
Kwanza ndege sasa meli, Raisi twampongeza.
Tunaona madaraja, hayakuwepo awali,
Itakua ni faraja, kwa magari ni sahali,
Hakuna cha ngojangoja, Magufuli ni mkali,
Kwanza ndege sasa meli, Raisi twampongeza.
Nyerere alitabiri, kuja kwa Msema kweli,
Sote sasa tunakiri, huyo mtu kawasili,
Jina lake mashuhuri, John Pombe Magufuli,
Kwanza ndege sasa meli, Raisi twampongeza.
Kimasomaso mwanangu, Atakulinda Jalali,
Watakufa kwa uchungu, mahasidi majahili,
Hapa ndio mwisho wangu, chereko kila pahali,
Kwanza ndege sasa meli, Raisi twampongeza.
Abdallah Bin Eifan (Kinyamkera)
Jeddah, Saudi Arabia,
