Sakata la Madini: Rais Magufuli ameagana na Nyonga?

[mwankuga]

JPM AMEAGANA NA NYONGA?

Katika makala ya jana nilieleza kinagaubaga jinsi ambavyo madini na mafuta yalivyokuwa muhimu kuliko hata uhai wa binadamu (ubepari ni unyama?). Nilitoa mfano wa Patrice Lumumba mwana halali wa Afrika ambaye alitolewa uhai kwa sababu aliamua kusimama upande wa wananchi kutetea rasilimali za DR Congo. Mataifa ya Ulaya na Marekani hayawezi kuishi bila kuchukua rasilimali zetu, ndio maana wanafanya kila namna kuhakikisha wanafanikisha hilo. Kwa sasa wanatumia makampuni makubwa ya Kimataifa kufanikisha adhima yao wakisaidiwa na baadhi ya wazawa wasio wazalendo. Katika Riwaya ya Makuwadi wa Soko Huria, Profesa Chachage Sethy Chachage ameeleza kinagaubaga jinsi mnyororo wa unyonyaji unavyoendeshwa.

Katika vita ambavyo Magufuli ameanzisha (kama sio kuendeleza), nimetahadhalisha na kueleza kwamba ni vita ngumu. Hivyo Rais Magufuli anatakiwa kusaidiwa ili kuweza kufanikisha adhima hiyo. Ni muhimu sana wananchi kuwa nyuma ya serikali, wakati wabunge wakipata fursa ya kupitia mikataba ya madini na kufanya marekebisho kwa faida ya wananchi na makampuni yanayochimba. Kama Magufuli ameamua kwa dhati ya moyo wake kupigana vita hii, atambue kwamba anapambana na mataifa makubwa ya Ulaya na Marekani. Asijidanganye kwamba anapambana na Barrick, Accasia au Ashanti Gold Mines. Ukiyagusa makampuni hayo umegusa masilahi ya nchi zao.

Je, Magufuli ameagana na nyonga? Amejipanga kupigana vita hii kwa dhati ya moyo wake? Ni pekee yake au ni vita ya serikali yake nzima? Washauri wake na watalaam mbalimbali katika sekta ya madini na mafuta na sheria wanashirikishwa jambo hili? Anajua hila za Mataifa ya Ulaya na Marekani? Amejiandaa vipi na madhara yatakayotokana na hii vita?

Maswali ni mengi sana ambayo mtu anaweza kujiuliza. Hili si suala la kufanyia propaganda, ni suala nyeti ambalo wabunge wanatakiwa kutimiza wajibu wao, watalaam wengine washauri kwa kadri ya ufahamu wao, na sisi wananchi tushauri kwa kadri tunavyojua. Hayo yote tusiyadharau. Kwa bahati mbaya sana, Taifa letu linaugua ugonjwa wa chuki. Mtu anayetoa mawazo tofauti na wewe anaonekana kama hamnazo, ana wivu na anakosa uzalendo. Hiki ni kitu kibaya sana. Watu wapate nafasi ya kupumua. Tukiwazuia tusishangae wakiwa upande wa adui.

Lengo la makala hii ni kumpa tahadhali Mhe. Rais katika vita hii ambayo ameianzisha. Patrice Lumumba, Thomas Sankara na wapigania uhuru wengi kote Afrika walifanya makossa ambayo yaliwapotezea uhai wao. Walikuwa na nia njema sana, lakini hatua ambazo walikuwa wanachukua, nyingi hazikuwa sahihi. Kwa mfano, Lumumba alijichanganya mwenyewe. Aliwatumikia mabwana wawili kwa wakati mmoja. Akawa na uhusiano na USSR na Marekani kwa wakati mmoja. Alihatarisha masilahi ya Marekani ndani ya Congo na kuwapa nafasi zaidi nchi za Kijamaa, na wakati huo alitegemea kupata msaada kutoka kwa nchi zote. Hiki ni kitu kigumu.

Kuna kitu tukitegemee huko mbeleni kama vita hii itaendelezwa. Lazima tuangalie upya mahusiano yetu na nchi ambako makampuni ya madini yanakotoka. Tunachokifanya hakiwafurahishi na wakati huo huo tunategemea kupata msaada kutoka kwao. Wana mbinu nyingi sana za kuweza kutuvuruga. Siku hizi hawaji na wanajeshi kukupiga. Wanatumia makampuni ya kimataifa na wananchi wachache kupitia NGOs na vyama vya siasa. Migogoro mingi ndani ya Afrika, mfano iliyotokea Afrika Kaskazini ilipandikizwa.

Wakati tunajipanga kupigana hii vita, ni muhimu serikali ya JPM ikawa sikivu. Inawezekana ni kweli Rais ana dhamira ya dhati kabisa kuhakikisha rasilimali zetu zinawanufaisha wananchi, lakini njia zinazotumika zikawa na walakini. Tuwape nafasi watalaam kushauri na watendaji kufanya kazi zao. Rais hawezi kujua kila kitu. Awaamini watendaji wake, na kuwawezesha ili wafanye kazi kwa ufanisi mkubwa. Asipigane vita hii pekee yake, atashindwa. Aweke misingi endelevu ya kupambana vita hii, ili hata asipokuwepo mambo yawe yanaendelea. Rais asijijenge yeye peke yake, ajenge mfumo imara zaidi wa kupambania rasilimali zetu.

Nafasi ya vyama vya upinzani ni kubwa katika vita hii. Wanaweza kusaidia kushinda vita hii, au wanaweza kutuhujumu. Hayo yote yatategemea na jinsi tunavyowaona na kuwapa fursa. Tuache vyama vya upinzani wafanye kazi zao kwa wazi kabisa. Tukiwazuia, wanaweza kufanya hila. Vyama vya upinzani vipo kisheria. Wanafanya kazi zao kwa mujibu wa sheria, haina haja kuwazuia. Hii ni nchi ya kwetu zote, na kila mtu ana umuhimu wake. Pamoja na udhaifu wao, lakini wameibua mambo mengi sana mazuri ambayo serikali ilitakiwa kuwasikiliza. Suala la madini limezungumzwa sana na watu wa aina mbalimbali, wakiwemo viongozi wa vyama vya upinzani. Hoja anayokuja nayo Magufuli sio mpya ilikuwepo na pengine itaendelea kuwepo. Kuna watu makini sana na wazalendo kwenye vyama vya upinzani, tuwape nafasi, tuwasikilize maoni na mapendekezo yao, mazuri tuyafanyie kazi.

 

[Salary Slip]

Hii nchi ngumu sana ndugu yangu.

 

[DON]

Hii nchi ngumu sana ndugu yangu.

Tunachohitaji ni collective leadership, tukae pamoja kama watanzania vyama vikae pembeni tufanye maendeleo. Hii ni ngumu kwa wengine kwa sababu ni ndumilakuwili au kichwani hamna kitu ni bendera fuata upepo

 

[kabombe]

Haturudi nyuma na hatutishiki kwa hekaya za lumumba na sankara

 

[Two mbili]

Mwankuga ndg umeeleweka mno kwa aliye na shida ya kueleweshwa kama mimi labda na wengine kama mimi.Mimi huwa naumia sana kwa kitu kimoja!Hivi hawa viongozi wetu wa kisiasa na wataalamu wa aina mbalimbali waliosomeshwa kwa jasho la walipa kodi wa nchi hii,haswa walioko ktk nafasi za juu kabisa za uongozi au walioko hata karibu na hao viongozi hawajuagi haya?

Haturudi nyuma na hatutishiki kwa hekaya za lumumba na sankara

 

[falcon mombasa]

Hana rekodi ya kuagana na nyonga, nadhani ushanielewa

 

[zinyalulu]

tuanzie tulipo jikwaa sio tulipo angukia.tukifanya hivyo nadhani tutafanikiwa.

 

[Mama_Aheshimiwe]

Summarize

 

[kivyako]

Utaitwa mchochezi aliyekosa uzalendo!!!!

 

[iparamasa]

Makala muhimu sana hii,tunaweza kudhani tunapambana na Acacia kumbe tunapambana na mawakala wa nchi ya Canada ya kukusanya dhahabu! Duniani!

Tunaweza kudhani tunapambana na Acacia kumbe tunapambana na kampuni tanzu ya malkia wa uingereza ya kukusanya Dhahabu duniani

Tunaweza kudhani tunapambana na Acacia kumbe tunapambana na dunia ya kizayuni ambao ndio wameushika uchumi wa dunia.....nimeona Uzi hapa JF kwamba hii kampuni tunayopambana nayo ilianzishwa na mabepari ya kiyahudi yanayoishi marekani,yanachimba Dhahabu dunia nzima!

Wakati chief mangungo wa msovero anasaini mkataba na kampuni ya Germany East Africa pamoja na Karl Peters,hakujua alikuwa ameipa kipande cha nchi Taifa la Ujerumani,yeye alijua ni kijikampuni tu!

Mugabe alipokuwa anayafukuza makampuni ya wazungu,alijua anayafukuza makampuni kabla hajaanza kusikia akina Tony Blair ,waziri mkuu wa uingereza,akina George walker Bush ,wanaanza kumpa za uso

 

[M-mbabe]

tatizo la nchi hii viongozi wa CCM na serekali yake huwa macho yao yote yapo kwenye uchaguzi mkuu unaofuata.

hivyo ni kutafuta kiki kwa kwenda mbele no matter what!

 

[Auz]

Ushirikishwaji wa wananchi wa kada na taaluma tofauti katika mambo ya Taifa lao, ni moja ya changamoto za uongozi. Wengi wanaamini katika kujipatia sifa kwa kufanya mambo ya maendeleo au yenye manufaa kwa Taifa, kama njia ya kujihakikishia uwepo wao katika madaraka. Matokeo ya hili, ni kuwa na wataalamu ambao hawatumii ujuzi wao, kwani hawasikilizwi wala kushirikishwa, hakuna muendelezo wa masuala muhimu ya Taifa, kila kiongozi anakuja na lake, akiondoka, na aliyokuwa anayasimamia yanasahauliwa kwa kuwa wengi hawakushirikishwa, hivyo hawajui nini cha kufanya. Kuna haja ya Taifa (kada na taaluma mbalimbali)kukaa na kujitafakari kwa nini mambo yetu yako hivi na tufanye nini? Tuwe na dira ya Taifa ya muda mrefu, malengo yetu ni yapi, na yatufikishe wapi baada ya kipindi gani. Kada na taaluma zote zishirikishwe katika uandaaji na utekelezaji wa dira na malengo yaliyowekwa, na hata kunapokuwa na mabadiliko ya uongozi, bado dira iko palepale ni juu ya uongozi kuonesha mwongozo wa utekelezaji.

 

[Ibambasi]

Makala muhimu sana hii,tunaweza kudhani tunapambana na Acacia kumbe tunapambana na mawakala wa nchi ya Canada ya kukusanya dhahabu! Duniani!

Tunaweza kudhani tunapambana na Acacia kumbe tunapambana na kampuni tanzu ya malkia wa uingereza ya kukusanya Dhahabu duniani

Tunaweza kudhani tunapambana na Acacia kumbe tunapambana na dunia ya kizayuni ambao ndio wameushika uchumi wa dunia.....nimeona Uzi hapa JF kwamba hii kampuni tunayopambana nayo ilianzishwa na mabepari ya kiyahudi yanayoishi marekani,yanachimba Dhahabu dunia nzima!

Wakati chief mangungo wa msovero anasaini mkataba na kampuni ya Germany East Africa pamoja na Karl Peters,hakujua alikuwa ameipa kipande cha nchi Taifa la Ujerumani,yeye alijua ni kijikampuni tu!

Mugabe alipokuwa anayafukuza makampuni ya wazungu,alijua anayafukuza makampuni kabla hajaanza kusikia akina Tony Blair ,waziri mkuu wa uingereza,akina George walker Bush ,wanaanza kumpa za uso

Kwa hiyo tuendelee kuibiwa?

 

[iparamasa]

Kwa hiyo tuendelee kuibiwa?

Tufuate taratibu za kimkataba kuzuia wizi,hata TRA huwa wanatoa notice kwa mdaiwa kama wanahisi kawapunja,sisi hao Acacia mpaka leo wanasema hawajui kilichomo kwenye ripoti ya mchanga!

Mikataba ya kimataifa ina taratibu za kutatua mgogoro baina ya pande husika,tumezifuata?

Kama tumeibiwa mbona hatuendi mahakamani tumebaki kuitisha wazee wa Dar es salaam,ma-tv na kadhalika?

Hatuna wanasheria?

 

[iparamasa]

Kuna tetesi kwamba hata migodi hii huwa tunaamua kuyapa makampuni haya baada ya kushindwa kulipa nchi zao madeni ya matrilioni na matrilioni,

Sasa mkikaa mezani,balozi wa nchi anakutupia mezani kabrasha la madeni ya mamia ya matrilioni ambayo nchi yake inakudai,ili ulinganishe na vibilioni unavyolalamikia

 

[R.B]

TUMESHAYAVULIA MAJI NGUO LAZIMA TUYAOGE
TUAANZA VITA YA KUIKOMBOA AFICA KIUCHUMI BAADA YA DHAMIRA YA KWANZA KUAKIKISHA KILA NCHI INAKUWA NA UHURU

 

[BAKOI]

Mkuu pale juu kashauri vizuri kabisa lakini yule namba 4 pale hata Uzi hajausoma lakini katoa pumba zake.

 

[iparamasa]

TUMESHAYAVULIA MAJI NGUO LAZIMA TUYAOGE
TUAANZA VITA YA KUIKOMBOA AFICA KIUCHUMI BAADA YA DHAMIRA YA KWANZA KUAKIKISHA KILA NCHI INAKUWA NA UHURU

Vita ya ukombozi wa afrika kisiasa ilikuwa na kamati kadhaa ikiwamo OAU ya kipindi hicho,

Sasa huu ukombozi wa kiuchumi utaufanya wakati hata kusafiri nje ya nchi unaogopa?

Uhuru kenyata alitembea duniani kwa marais wote akiwataka waipinge ICC na akafanikiwa,kesi ikafutwa!

Mkuu wetu angeenda huko makao makuu ya mabepari akajenga hoja kuhusu migodi,maliasili,akaungana nguvu na mataifa mengine ambako Barrick anafanya kazi,wakawa na nguvu moja kidiplomasia

Angefanya mpango walau akapata azimio la umoja wa afrika kuhusu raslimali,ingekuwa ni major diplomatic pressure!

 

[The Khoisan]

tuanzie tulipo jikwaa sio tulipo angukia.tukifanya hivyo nadhani tutafanikiwa.

Tatizo hii kitu ishakuwa politicized mno kiasi kwamba lazima itaback fire!! Mtuhumiwa lazima atahakikisha jina lake halichafuki. Ndiyo maana kinachoendelea kwa sasa siyo kuwa je tunaibiwa au hatuibiwi bali approach ni sahihi au siyo sahihi!!

Approach au reaction yako kwenye mambo ina impact kubwa sana kwenye outcome. Hata mtu anayekuibia mkeo kesho ukija kumvamia mbele za watu wewe mwnyewe unaweza kuishia na aibu. Ni human nature kujiprotect you image in public hata kama amekosea.

Kwa maoni yangu hata hakukuwa na sababu za kuzuia mchanga ili kila Mtanzania ajue kwa kuwa kila mtu tayari anaamini tunaibiwa. Unless huo mchanga this time ulikuwa umebeba zaidi ya siku zote tofauti na miaka au siku nyingine! Mwishoni mwa siku lazima itabidi kurudi kwenye negotiation table. Kwa hiyo approach ingekuwa kwenye hiyo direction. Kuundwa kwa tume kwa maoni yangu ni sawa ili uwe na facts wakati wa negotiation huko mbeleni na kukupa fursa ya kufanya informed decisions.

 

[iparamasa]

Tatizo hii kitu ishakuwa politicized mno kiasi kwamba lazima itaback fire!! Mtuhumiwa lazima atahakikisha jina lake halichafuki. Ndiyo maana kinachoendelea kwa sasa siyo kuwa je tunaibiwa au hatuibiwi bali approach ni sahihi au siyo sahihi!!

Approach au reaction yako kwenye mambo ina impact kubwa sana kwenye outcome. Hata mtu anayekuibia mkeo kesho ukija kumvamia mbele za watu wewe mwnyewe unaweza kuishia na aibu. Ni human nature kujiprotect you image in public hata kama amekosea.

Kwa maoni yangu hata hakukuwa na sababu za kuzuia mchanga ili kila Mtanzania ajue kwa kuwa kila mtu tayari anaamini tunaibiwa. Unless huo mchanga this time ulikuwa umebeba zaidi ya siku zote tofauti na miaka au siku nyingine! Mwishoni mwa siku lazima itabidi kurudi kwenye negotiation table. Kwa hiyo approach ingekuwa kwenye hiyo direction. Kuundwa kwa tume kwa maoni yangu ni sawa ili uwe na facts wakati wa negotiation huko mbeleni na kukupa fursa ya kufanya informed decisions.

Kweli kabisaaa....tatizo ni approach,sisi tunataka kulazimisha tunavyotaka,Barrick wanataka tukae mezani tuwape ripoti,tuwafafanulie kipengele kipengele jinsi kamati ilivyofikia maamuzi,