Rais Magufuli atoa siku 7 anataka majibu ni kwa namna gani dawa zitaongezwa katika hospitali ya Masumbwe, Mbogwe na maeneo mengine

[Miss Zomboko]

Rais John Magufuli ametoa siku saba kwa Waziri wa Afya Maendeleo ya Jamii, Jinsia, Wazee na Watoto Dk. Dorothy Gwajima na Waziri wa TAMISEMI Selemani Jafo wampe majibu ya kwa nini Mkoa wa Geita wanapunjwa madawa.

Rais Magufuli ameyasema hayo leo akizindua vituo vya afya vya Masumbwe na Mbogwe mkoani Geita ambapo alisema mwaka 2015 bajeti ya madawa mkoa wa Geita ilikuwa bilioni 2.35 mwaka 2020 ilikuwa bilioni 2.75.

Amesema anataka majibu ni kwa namna gani dawa zitaongezwa katika hospitali ya Masumbwe, Mbogwe na maeneo mengine.

"Inawezekana kuna upunjaji wa mgawo wa madawa katika Mkoa huu ikiwemo Masumbwe, bajeti ya madawa imeongezeka lakini madawa yanayotolewa hapa ni kidogo, Waziri wa Afya na wa TAMISEMI mnaopanga bajeti ya madawa mkakae ndani ya siku saba mlete jibu, "amesisitiza

Aidha Rais Magufuli amewashukuru wana Masumbwe na Mbogwe kwa kumpigia kura nyingi.

"Nawashukuru wana Masumbwe na wana Mbogwe kwa kura nyingi sana mlizonipa na kuniwezesha kuwa Rais, mlinipa mimi mkampa na Maganga awe Mbunge wa jimbo hili na mkawapa kura nyingi sana madiwani wa CCM asanteni sana"-

 

[johnthebaptist]

Ngoja tuone!

 

[Shocker]

CCM hooei

 

[Bujibuji Simba Nyamaume]

Kaka anataka Geita haswa Chato ipewe robo ya dawa zinazoagizwa nchini

 

[denooJ]

Anavyoshukuru kwa kura nyingi utadhani hajui kilichotokea, msema kweli mpenzi wa Mungu.

 

[zipompa]

dawa gani zaidi ya panadol,huko ambako ukiandikiwa dawa tofauti na panadol lazima ukajinunulie.

 

[paka_wa_Simba]

Budget ya wizara ya afya ilitekelezwa kwa asilimia ngapi vile?

 

[Manjagata]

Nawashukuru wana Masumbwe na wana Mbogwe kwa kura nyingi sana mlizonipa na kuniwezesha kuwa Rais, mlinipa mimi mkampa na Maganga awe Mbunge wa jimbo hili na mkawapa kura nyingi sana madiwani wa CCM asanteni sana"-

Anamdanganya nani huyu?

 

[zithromax]

Budget ya wizara ya afya ilitekelezwa kwa asilimia ngapi vile?

Hiyo ndo swala la msingi hiyo bajeti ya 260b ni kwa mwaka 2016/17 kuazia miaka inayofuata hawakuwahi kutoa hicho kiasi na yeye anajua

 

[Lovebird]

kuna mikoa naona haitokaa itembelewe hadi mwisho wa muhula huu

Je nayo inafikiriwa katika uboreshwaji wa dawa, vifaa tiba na vitendanishi?

 

[Shift]

Anavyoshukuru kwa kura nyingi utadhani hajui kilichotokea, msema kweli mpenzi wa Mungu.

Nawezaje kupata vichekesho vingine kama hivyo??

 

[Twilumba]

Ngoja tuone!

Tusuburi ghala kubwa la dawa kuzinduliwa Chato hivi karibuni.....

 

[Behaviourist]

Huyu dubwasha anafikiri kuwa Tanzania ni kanda ya ziwa peke yake!

 

[JuniorGee]

Ccm ni ileile

 

[gimmy's]

Siasa kitu kibaya sana,unaagiza mwenyewe budget ichotwe ipelemwe kwenye stigglers halafu unawataka uliowaagiza mwenyewe wachote pesa kupeleka kwenye ujenzi wa stigglers wajieleze kwanini dawa hazitoshi.

Yani yote ni kutaka uonekane wewe mwema sana wengine si wema wakati ukweli tatizo ni wewe mwenyewe.

 

[MENGELENI KWETU]

Eti anashukuru kwa kura nyingi walizompigia...
Mwizi ni mwizi tu

 

[Karungikana]

Jizi kubwa si la kura tu, hata pesa za kodi zetu! Mungu atakuona tu siku moja; UTALIPA!