Rais Magufuli amsimamisha kazi Mtendaji Mkuu wa DART

[Chachu Ombara]

Rais Dkt. John Pombe Magufuli amemsimamisha kazi Mtendaji Mkuu wa DART, Bi. Asteria Mlambo.

TAWALA ZA MIKOA NA SERIKALI ZA MITAA - TAMISEMI
TAARIFA KWA
VYOMBO VYA HABARI
​

Ndugu wanahabari nimewaita hapa leo ili mnisaidie kufikisha ujumbe kwa wananchi kuhusu mradi wetu wa Mabasi yaendayo Haraka katika Jiji la Dar es Salaam (DART – BRT).

Kama mnavyofahamu Serikali ilianzisha mradi huu ili kupunguza msongamano wa magari barabarani kwa madhumuni ya kurahisisha usafiri na usafirishaji katika Jiji letu.

Kutokana na kukamilika kwa sehemu ya ujenzi wa miundombinu ya Awamu ya Kwanza ya mradi, Serikali iliamua tuwe na mtoa huduma wa mpito (Interim Service Provider) kabla ya kumpata mtoa huduma wa kudumu (Service Provider).

Mtoa huduma wa mpito alipaswa kupatikana kwa mujibu wa Sheria ya Manunuzi ya Umma. Hata hivyo, Serikali imebaini ukiukwaji wa wazi wa sheria hiyo wakati wa kumpata mtoa huduma wa kipindi cha mpito.

Kufuatia hali hiyo nimeamua kumsimamisha kazi kuanzia leo tarehe 23 Desemba, 2015, Mtendaji Mkuu wa DART, Bi. Asteria Mlambo ili kupisha uchunguzi.

Sababu za kumsimamisha kazi ni:
i. Kushindwa kuzingatia Sheria ya Manunuzi ya Umma wakati wa kumpata mtoa huduma katika kipindi cha mpito;
ii. Kushindwa kuchukua hatua hata pale alipobaini kuwa mtoa huduma wa mpito amekiuka masharti ya mkataba wa kutoa huduma ya mpito; na
iii. Kufanya maamuzi makubwa pasipo kuishirikisha Bodi ya Ushauri ya DART.

Aidha, Serikali inatambua kuwa wapo watumishi wa DART ambao hawakumshauri vizuri Mtendaji Mkuu. Watumishi hao watachunguzwa na kuchukuliwa hatua na Kaimu Mtendaji Mkuu atakayeteuliwa.

Nimemwagiza Katibu Mkuu Ofisi ya Rais TAMISEMI kuendelea na taratibu za kinidhamu dhidi ya Mtendaji Mkuu aliyesimamishwa kazi.

Naitumia nafasi hii kuwahakikishia kuwa Serikali itaendelea kuchukua hatua kwa haraka na uangalifu ili mradi huu uweze kuanza kutoa huduma bora ya usafiri kwa wakazi wa Dar es salaam bila kuchelewa zaidi. Aidha, natoa rai kwa wananchi kuitunza na kuithamini miundombinu ya DART kwa kuwa imegharimu fedha nyingi kwa manufaa yao.

Imetolewa na:-
George B. Simbachawene,
Waziri wa Nchi, Ofisi ya Rais - TAMISEMI

 

[Ohooo]

Tupe story kamili mkuu. Majipu yanazidi kutumbuliwa

 

[Salary Slip]

Sijui atabaki nani!!

 

[fakalava]

Wacha asimamishwe maana kazi wanayoifanya haijilikani.

 

[Disailly]

Kazi IPO kwaka huu

 

[fakalava]

Chachu Ombara jipu lako likitumbuliwa usisite kutujuza.

 

[mgeni wenu]

Mabasi yalianza kwenda slow badala ya kasi au nini maana sjaelewa

 

[Chakaza]

Nadhani sasa atangaze kuwa watebdaji wakuu wote hamna kazi aweke wengine.

Sasa hivi wale ambao hawajafikiwa ni wasiwasi na kazi haziendi.

Mzee Pombe hebu asome makala ya Ulimwengu katika gazeti la Raia Mwema Leo inaweza kumpa mwongozo

 

[Gwallo]

Kwa kweli hii kasi ya Magufuli ni Noma, ametutaka Watanzania TUMWOMBEE!!!!!!!

 

[Jileka]

Tupe chanzo cha habari mkuu, ikiwezekana ongezea pia nyama ktk hiyo taarifa yako.

 

[Mahesabu]

tuache waandishi wanaolipwa ujira na wanasiasa na wafanyabiashara kurudisha nyuma juhudi hizi ambazo twaziona kuwa zina nia njema

TUMUOMBEE
TENA TUMUOMBEE ASIBADILIKE

 

[Barbarosa]

Nadhani sasa atangaze kuwa watebdaji wakuu wote hamna kazi aweke wengine.

Sasa hivi wale ambao hawajafikiwa ni wasiwasi na kazi haziendi.

Mzee Pombe hebu asome makala ya Ulimwengu katika gazeti la Raia Mwema Leo inaweza kumpa mwongozo

Ulimwengu ni kilaza mkubwa na hana chochote cha kumshauri Mkemia wetu
Dr.Pombe Magufuli!

​

 

[mito]

tuache waandishi wanaolipwa ujira na wanasiasa na wafanyabiashara kurudisha nyuma juhudi hizi ambazo twaziona kuwa zina nia njema

TUMUOMBEE
TENA TUMUOMBEE ASIBADILIKE

Yaani waandishi watu bure kabisaa, kazi kuchumia tumbo tu!!

 

[uhurubado]

Chachu Ombara jipu lako likitumbuliwa usisite kutujuza.

Mganga hajigangi. Kwahiyo siku akitumbuliwa yeye itabidi tupate mtu mwingine wa kutujuza

 

[Chakaza]

Ulimwengu ni kilaza mkubwa na hana chochote cha kumshauri Mkemia wetu
Dr.Pombe Magufuli!

​

Huo ni ushabiki wa kitoto tuu, siasa /management na kemia ni vitu viwili tofauti

 

[Habari ya Mujini]

Mkemia katika ubora wake💉

 

[nkongu ndasu]

ningefurahi sana kama muhongo angesimamishwa kuwa waziri wa nishati...

 

[mito]

Nilijua tu kwenye mradi huu wa mabus haponi mtu, watu wamepiga hela imebaki danadana tu

 

[Leonard Robert]

Fukuza fukuzi hii ina tija gani..?

 

[mkatagogo]

Ulimwengu ni kilaza mkubwa na hana chochote cha kumshauri Mkemia wetu
Dr.Pombe Magufuli!

​

Kemia ya ubaoni au IPI?