Rais Kikwete abanwa Bunge la Katiba

[Cybercrime]

Mkuu hilo tamko hata mimi sikua na taarifa nalo ila leo kabla ya kufunga ibada PAROKO akalisoma na kulitolea ufafanuzi.

Hilo lilikuwa kwa ajili ya ujenzi wa Kanisa, inaonekana waumini mmegoma kutoa michango, Ka5iba na matamko makanisani wapi na wapi?

 

[LESIRIAMU]

Mkuu inaonekana kifurushi chako ni kwa ajili ya kazi hii nini?

Ingekuwa ni kwa kazi hii nisinge kuelekeza gazeti la kununa. Inaonyesha ulivyo na mawazo mafupi.

 

[Cybercrime]

Familia Takatifu Rukwa.

Huyo paroko anaitwa nani?

 

[Aaron]

Huyo atakuwa anasali kwa Kakobe au Gwajima, kule wanakovuliwa pete za dhahabu kuwa ni dhambi

Ni tamko lilisomwa nchi nzima. Hapa mwanza taktibani makanisa yote limesomwa na porokia niliyosali mimi limesomwa pia. Kama uamini tanzania daima nenda JUKWAA LA katiba kuna tamko zima bila editing yoyote

 

[Cybercrime]

Ingekuwa ni kwa kazi hii nisinge kuelekeza gazeti la kununa. Inaonyesha ulivyo na mawazo mafupi.

Wewe ndo umejichanganya mkuu, tusingefika huko kote, wewe kama uko humu kikazi hizo ni njaa zako

 

[hexacyanoferrate]

Weka tamko lenyewe lilosainiwa na Jukwaa hilo si lipo? Usitfanye majuha na uzushi wako. NI JUKWAA hilohilo lililowataka UKAWA warudi bungeni kufanya walichotumwa na wananchi badala ya kuranda randa mitaani

Mbona unawayawaya we mchumia tumbo!watanzania wanajua inachofanya ccm,ccm ni chama cha matapeli na mabinafsi tu!huko waliko bungeni wanachofanya ni kurekebisha Katiba iliyopo,huu ni ubakaji wa demokrasia,kulikuwa na haja gani ya kukusanya maoni?

 

[hexacyanoferrate]

Kanisa gani hilo lililo juu ya Serikali wakati vitabu vitakatifu vinaagiza mamlaka zote kuheshimiwa?

Sasa mjifanye mbakiburi muone!

 

[DIUNATION]

Huyo atakuwa anasali kwa Kakobe au Gwajima, kule wanakovuliwa pete za dhahabu kuwa ni dhambi

RC is ma place

 

[JIULIZE KWANZA]

Janja ya Nyani ccm kushajua bana ccm kushakuwa chama ya upinzani tarajiwa

Weka tamko lenyewe lilosainiwa na Jukwaa hilo si lipo? Usitfanye majuha na uzushi wako. NI JUKWAA hilohilo lililowataka UKAWA warudi bungeni kufanya walichotumwa na wananchi badala ya kuranda randa mitaani

 

[adolay]

Wewe ndo umejichanganya mkuu, tusingefika huko kote, wewe kama uko humu kikazi hizo ni njaa zako

Mkuu mbona hivo tena...........Polepole mkuu.

Katiba ya wananchi, watanzania wote, wakristu, waislam, wapagani, dini zingine, wasioamini na wanaoamini.

Katiba sio mali ya Sendeka, werema, makamba, wassira, Lukuvi au ccm, ccm kujitwalia madaraka na kubadilisha maoni

yetu watanzania nakujiwekea ya kwao niutovu wanidhami. Kikwete afahamu ccm haiwakilishi wote, bali baadhi tu.

 

[RWAMAIGI]

CCM ni sikio la kufa halisikii dawa....!!!!

ccm ni la kuvunda halina ubani

 

[hexacyanoferrate]

Mwaka huu mtahangaika sana, mtawasingizia mapadre maaskfu, mashehe lakini wembe nn ule ule mpaka katiba ipatikane

Ndugu yangu,inaonekana hilo tamko limekuumiza!ccm sasa inaenda kuzikwa rasmi,ikiwa maaskofu watasema sasa basi,ccm lazima mfungashe,kumbuka waumini wa kikristo huwaheshimu sana viongozi wao kuliko hiyo mi ccm,kwahiyo watakachokisema tu ndicho kitakachofanyiwa kazi,ccm 2015 itapitea rasmi kwenye uso wa dunia hii.

 

[DIUNATION]

Huyo paroko anaitwa nani?

Kazi yangu ni kusali na sio kujua jina la paroko.Uliza mtu yeyote wa huku atakuambia jina lake mi huku napita tu safarini.

 

[bandu bandu]

Katiba ya ccm,nitapiga kura ya big NO.

 

[Inside10]

Familia Takatifu Rukwa.

atakuwa padri Pambo huyo! kijana ni tunda safi la kanisa yupo safi sana upstairs.

 

[Jaslaws]

Nipo parokia ya ngaramjini uku pia tamko limesomwa na watu wameshangilia sana...

 

[Aaron]

Na kama walivyokataa kuwa na Mungu katika
fahamu zao, Mungu aliwaacha wafuate akili zao
zisizofaa, wafanye yasiyowapasa. Wamejawa na
udhalimu wa kila namna, uovu na uuaji, na fitina,
na hadaa; watu wa nia mbaya, wenye kusengenya,
wenye kusingizia, wenye kumchukia Mungu, wenye
jeuri, wenye kutabakari, wenye majivuno, wenye
kutunga mabaya, wasiowatii wazazi wao, wasio na
ufahamu, wenyekuvunja maagano, wasiopenda
jamaa zao, wasio na rehema; si hivyo tu, bali
wanakubaliana nao wayatendao”

 

[DIUNATION]

atakuwa padri Pambo huyo! kijana ni tunda safi la kanisa yupo safi sana upstairs.

Inawezekana mkuu mimi simjui ni mgeni huku.

 

[permanides]

Jukwaa la Wakristo Tanzania (TEC)latoa masharti sita mazito

JK abanwa Bunge la KatibaWAKATI Rais Jakaya Kikwete, akikutana na vyama vya siasa kutafuta maridhiano ya mchakato wa Katiba, Jukwaa la Wakristo Tanzania, limetoa tamko zito lenye masuala sita, likimwomba Rais aliahirishe Bunge Maalum ili kuepusha ishara za aina mbalimbali za kuanzisha sintofahamu nchini na hali yoyote inayoweza kuathiri vibaya mshikamano, umoja na amani ya Taifa.

Tamko hilo lilitolewa Agosti 28 mwaka huu, na jukwaa hilo linaloundwa na Baraza la Maaskofu Katoliki Tanzania (TEC), Baraza la Makanisa ya Kipentekoste Tanzania (CPCT), Baraza la Kikiristo Tanzania (CCT) na Jumuiya ya The Seventh Day Adventists (SDA).
“Ifahamike kuwa wananchi wa Tanzania wako juu ya wajumbe wa Chama Cha Mapinduzi. Kwa mantiki hiyo, tunakuomba uepushe Watanzania kuhamasishwa kukikataa CCM kwa kuwa tu kimeyapuuza na kimekataa maoni yao waliyotoa kwa dhati baada ya kuaswa na kuhimizwa kufanya hivyo na viongozi wa nchi,” linasomeka tamko hilo.

Kwamba, wajumbe wa Jukwaa la Wakristo Tanzania, tulikutana Agosto 27 hadi 28 Agosti mwaka huu, jijini Dar es salaam na kupata fursa ya kutafakari, kujadili na kujielimisha kwa kina yaliyomo katika rasimu ya pili ya Katiba na mjadala unaoendelea katika Bunge Maalum la Katiba.
“Baada ya mjadala wa kina, tunatoa tamko letu kwa kuipongeza Tume ya Mabadiliko ya Katiba ambayo ilikusanya maoni ya wananchi kuhusu mabadiliko hayo na kutuletea rasimu yenye maoni mengi ya Watanzania bila kujali dini zao, upande wa Muungano walikotoka, hali zao za kimaisha, jinsi na kabila.
“Pia tunaipongeza Tume kwa kuandaa nyaraka na kumbukumbu mbalimbali kama Randama, nyaraka zenye maoni ya wananchi, picha, tafiti mbalimbali na hata orodha ya watu walioshiriki kutoa maoni katika Tume,” walisema.

Tamko hilo liliongeza kwua Tume pia iliweza kuandaa Tovuti iliyokuwa na kumbukumbu zake na maoni yote yaliyotolewa, kwamba hii ni ushahidi kuwa tume iliandaa rasimu kwa weledi na kwa mujibu wa Sheria ya Mabadiliko ya Katiba kwa kuzingatia maoni ya wananchi.
“Baada ya Tume kuwasilisha rasimu kwenye Bunge Maalum la Katiba, Taifa likaanza kushuhudia “uasi wote na uovu wa wanadamu wapingao kweli kwa uovu” (Warumi 1:18).

“Katika mijadala ya Bunge Maalum la Katiba yakaanza kujitokeza mambo mengi yasiyo ya maslahi kwa wananchi na ukiukwaji wa sheria na kanuni,” wanasema na kuyataja mambo yanadhihirisha madai yao.

Wanaelez kuwa Tovuti ya Tume ilifungwa bila sababu za msingi kutolewa wakati mchakato unaendelea, hali ambayo imefanya zile nyaraka na kumbukumbu zilizoandaliwa kwa ajili ya rejea na kuwezesha mjadala wa rasimu ya Katiba kuendelea katika mwanga na ufahamu wa nyaraka hizo kutowezekana kabisa.

Kwamba, tumeona Bunge Maalumu la Katiba likiendelea kupotosha takwimu na taarifa mbalimbali ambazo wananchi hawawezi kuzipata kwa ajili ya kuoanisha baina ya kinachojadiliwa bungeni na kilichomo katika rasimu na viambatanisho vyake vyote.
“Tunajiuliza jambo hili limefanywa na nani na kwa maslahi ya nani? Bunge la Katiba limeshindwa kusimamia Kanuni kama ambavyo zilipendekezwa na kuridhiwa na wajumbe wake. Kushindwa huku kusimamia kanuni kumesababisha vurugu ndani ya Bunge na kumekwamisha matarajio ya wananchi kupata Katiba bora ya nchi yetu.

“Matumizi ya ubabe na wingi wa wabunge wa CCM, badala ya Kanuni za Bunge na maridhiano, kumefanya mchakato wa Katiba kuhodhiwa na CCM dhidi ya maslahi ya wamanchi,”walisisitiza.
Jukwaa hilo lilisema kuwa mijadala katika Bunge imekuwa ya kejeli, matusi, vitisho, ubabe na kupuuza hata kupotosha maoni yaliyotolewa na wananchi kwa Tume, jambo lilowafanya baadhi ya wajumbe wa Bunge hilo kuamua kususia vikao na wengine kuendelea bila kukumbuka kuwa katiba ni matukio ya tendo la maridhiano.

“Hatua iliyofikiwa ni dhahiri, mjadala wa Bunge unaoendelea umeondoa kwa kiasi kikubwa maoni yaliyotolewa na wananchi kuhusu muundo wa Muungano, kupunguza mamlaka ya Rais, uwajibikaji na uwajibishwaji wa wabunge, ukomo wa ubunge na kuwezesha maoni na maslahi ya CCM kwa uongozi wa kikundi cha wanasiasa wachache wasio na uaminifu na uadilifu wa kutosha kuwekwa kama mapendekezo ya Katiba mpya kwa nia ya kulinda maslahi binafsi au ya makundi,” walisema.

Baada ya kujadili na kuona haya, Jukwaa la Wakristo Tanzania limetoa maoni yake na kutaja mambo sita ya kuzingatia ambapo linaitaka serikali kupitia Wizara ya Katiba na Sheria, irudishe tovuti ya Tume ya Mabadiliko ya Katiba na nyaraka zake zote kwa ajili ya wananchi kuendelea kuona kazi waliyoifanya, kujifunza na kujadili rasimu kwa uwazi.

Kwamba, maoni ya wananchi hayawezi kufutwa na kudharauliwa na CCM, hivyo basi, Bunge Maalumu linaloendelea lijadili na kuboresha tu maoni yaliyomo katika rasimu ya Katiba na sio kufanya mabadiliko katika Katiba ya mwaka 1977.
Jukwaa pia linapendekeza mchakato wa Katiba usimamishwe ili kupisha majadiliano, maelewano na maridhiano muafaka, uchaguzi mkuu na wa serikali za mitaa.

“Mabadiliko ya Katiba ya 15 ya mwaka 1977, yafanyike kuwezesha chaguzi kufanyika kwa uwazi na haki. Pia, kuweka kifungu kitakacholinda rasimu ya pili na kumtaka kiongozi ajaye kuendelea na mchakato wa Katiba,” walisema.
Katika sharti la nne, wanasema baada ya Bunge Maalum kuanza shughuli zake tena, Mwenyekiti wake, afanye kazi kwa mujibu wa kanuni na Sheria ya Mabadiliko ya Katiba badala ya kutumia ubabe na kiburi cha wingi wa wajumbe wa CCM.

Pia wananchi wanashauriwa kuendelee kusoma na kujadili maoni yaliyoko katika rasimu ya pili ya Katiba, na kufuatilia kitakachokuwa kinajadiliwa kwenye Bunge la Katiba ili kuwawezesha kupiga kura ya maoni wakiwa na uelewa wa kutosha.

“Tume ya Mabadiliko ya Katiba ihuishwe na kupewa mamlaka kisheria ili kuiwezesha kujibu maswali yanayojitokeza na kutoa ufafanuzi kwa Bunge Maalumu la Katiba na wananchi kwa jumla hadi Katiba mpya itakapokamilika na kukabidhiwa rasmi,” walisema.
Mkutano na vyama

Taarifa kutoka mkoani Dodoma, zinasema kuwa Rais Kikwete leo atakutana na viongozi wa vyama vya siasa kwa ajili ya kujadili na kutafakari maendeleo ya mchakato wa Katiba mpya chini ya utaribu wa Kituo cha Demokrasia Tanzania (TCD).
Mwenyekiti wa TCD, John Cheyo, aliwaeleza waandishi wa habari katikati ya wiki hii kuwa hatua hiyo ilitokana na kikao chao Agosti 23 makwa huu, ambapo na walikubaliana watafute nafasi ya kukutana na Rais Kikwete.

Habari zilizolifikia gazeti hili jana jioni, zilisema kuwa Rais atakutana wa viongozi hao kwa siku ya kesho mkoani Dodoma na hivyo mkutano wake na wazee wa mkoa huo umesogezwa mbele hadi Septemab 4 mwaka huu.

TCD inaundwa na vyama vyenye wabunge ambavyo ni CHADEMA, TLP, CUF, NCCR-Mageuzi, CCM, UDP na UPDP inayoviwakilisha vyama visivyo na wabunge.

Chanzo:Tanzania Daima

Tungefurahi sana kusikia BAKWATA na wao wakitoa tamko kupinga sinema inayoendelea Dodoma. Hapo ccm itakosa kichaka cha kujificha

 

[kmbwembwe]

Weka tamko lenyewe lilosainiwa na Jukwaa hilo si lipo? Usitfanye majuha na uzushi wako. NI JUKWAA hilohilo lililowataka UKAWA warudi bungeni kufanya walichotumwa na wananchi badala ya kuranda randa mitaani

Ukawa wamekwama nia yao kuyumbisha chama tawala kishindwe tekeleza majukumu yake. Bila shaka bmk halitayumba na litaendelea kuandaa katiba.