Kuna makosa KJ alofanya ambayo yalitokana na ubinadam wake .
Mfano :Kushindwa kutumia Mamlaka yake kutuletea katiba mpya ambayo ingejenga Taifa imara sana duniani na mfano wa kuigwa.
Nadhani CCM ina staili yake ya kutawala yenye siri kubwa sana za kutafuna utajiri wa dunia hii.
Shetani alimwambia Yesu ukiniabudu nitakupa utajiri na vitu vyote mana nimevipewa mimi.
KJ na makada wenzake waliona upepo wa katiba mpya ulikua unaisomba CCM mana wananchi walikua wamechoka kutawaliwa kikoloni na katiba ya mkoloni na sheria za mkoloni ; walichoamua kufanya ni kuwahadaa wananchi kwa gharana kubwa sana kuwa ameamua kusikiliza kilio cha watanzania na hitaji la katiba mpya. Alipongezwa na wapambe wake kila kona kuwa ni msikivu lakini mioyoni mwao walijua wanachokifanya.
Ukiangalia kwa uhalisia wale wote waliopinga kwa nguvu zote Katiba ya Warioba ndio waliokuja kupewa madaraka kwa kazi waliyoifanya. Inaonyesha wazi kuwa hapakuwa na dhamira ya kweli ya kuleta Katiba mpya inayotokana na maoni ya walipa Kodi wa nchi hii ambao ni waajiri wa watawala.
Wengine walimpiga mitama Mwenyekiti wa ile time mchana kweupe. Walizawadiwa vyeo vya kuwa Kaka wa Wilaya na baadae mkoa na sasa wanapenya kushikilia maamuzi makubwa zaidi.
Awamu iliyofuata CCM walikuja kivingine.
Waligundua kuwa moto na upepo wa wapinzani kuhusu ufisadi ungesomba chama hicho cha kichina.
Walichofanya ni mbinu ile ile ya kujipindua na kuwahadaa wananchi kuwa wamesikia kilio chao na sasa wanapambana na ufisadi (kwa maana ya rushwa ,upendeleo,ukabila,uonevu,manyanyaso, ukosefu wa ajira, matumizi makubwa ya serikali kununua magari ya kifahari,misururu ya misafara, usiri wa mikataba,Ukiukwaji wa sheria ya manunuzi, kupeana tenda bila kushindanishwa kwa uwazi, kufanya kazi mapendekezo ya tume za kibunge, kulipa bunge Uhuru wa kuimulika serikali ili kubaini ubadhirifu na udhaifu wake, n.k).
Yote ni janja ya makada wa CCM ili kuhakikisha chama kinaendelea kutawala na wao wanaendelea kula utajiri wa dunia na watoto wao na wajukuu wao.
Wale makada wa CCM walioipigania katiba ya Warioba na kuzunguka nchi nzima wakiisifia kuwa italipeleka taifa letu mbele kwa karne moja ni hao hao Leo wanaonekana wakila bata na kucheza miziki huku wakizunguka nchi nzima kusema hakuna haja ya katiba mpya. (R.I.P Dr. Mvungi mtu pekee aliyeipigania katiba mpya toka rohoni.)
Wanasema maendeleo hayana Chama lakini je,wanatekeleza kwa vitendo?
Hakuna jambo halisi litakalofanywa kwa vitendo na kwa nia njema na CCM na Makada wake kwa sababu ni Chama cha Kichina na kimeiga mambo yake huko China.
Bidhaa za kichina ni nzuri kwa kuzitizama machoni .
JK ana mema yake mengi kama ulivyotaja lakini pia ana mapungufu yake kama binadam.
Kujenga Uhuru wa watu na kulinda haki za binadam ni jambo kubwa sana alilofanya kwenye utawala wake .Dunia itamuenzi kwa vizazi na vizazi.
