Postmortem: HapaKaziTu na Utumbuaji!

Rev. Kishoka

JF-Expert Member
Joined
Mar 7, 2006
Posts
4,526
Reaction score
1,552
Ni miezi 15 tangu awamu ya Tano chini ya Rais Magufuli na kaulimbiu za HapaKaziTu na Utumbuaji zilipoingia madarakani na kuongoza Taifa.

Pamoja na shauku kubwa ya wananchi na Taifa zima kuona kasi yenye umakini na hasa suala la HapaKaziTu na Utumbuaji, uhalisia unaoonekana ni kukwama kwa unyoofu wa kimatendo wa kaulimbiu hizo (fluidity and sound execution).

Je ni kitu gani kimetokea na kusababisha kuporomoka kwa ufanisi wa kaulimbiu hizo ambazo zaweza simama pekee bila kuhusishwa na matokeo ya siasa na kauli za Kiki?

Je Rais Magufuli alikuwa amejiandaa kivipi kuanza kutimiza na kutoa matokeo chanya ya HapaKaziTu na Utumbuaji?

Kinachoonekana sasa hivi ukikipima kwa umakini ni fahari ya macho na vipodozi: iwe ni vyeti feki,utumbuaji, kubana matumizi, kubana Usiasa au hata ukuswanyaji wa mapato.

Kama Taifa tumeendelea kushangulia matukio na kauli zinazozungumzia vitu ambavyo ni sawa na viini macho, lakini uhalisia wa hali ya Mtanzania bado uko pale pale: Masikini, Mjinga na mwenye Maradhi.

Je ni wapi Rais Magufuli na kaulimbiu zake amekosea? je Ilani ya CCM na kujitutumua kwa kudai sasa ni CCM mpya na hata"matokeo" ya mabadiliko ndani ya chama na hata serikali (utumbuaji) kumesaidia kunyoosha kwa udhati, uhakika na umakini mfumo mbovu wa kiutawala,sera na hata kuonyesha kuwa HapaKaziTu si kauli ya kuombea kura bali kuna mfumo unaoeleweka katika kila ngazi ya jamii nzima kuwa tunakuwa na umahiri wa uzalishaji kutumia juhudi na maarifa?

Tunapoangalia Utumbuaji na hata ujio wenye kauli za "kushughulikia" au "kuwaonyoosha" Watanzania, je jamii yetu kiuhalisia na ukweli wa dhamiri, nafsi na hata matendo imebadilika na "kujirudi" au jamii nayo imebaini utamu wa kauli na lugha tamu kwa kujifanya ikiwa wanyenyekevu, watimiziaji na hata waoga wa Kutumbuliwa na HapaKaziTu?

Je Rais Magufuli na serikali yake, imeweza kuwa kinara wa matendo kufanya mambo kwa uadilifu, kufuata kanuni na sheria au nayo imetumia udhaifu wa kisheria, kikanuni na kikatiba kujifanyia mambo na kuyahalalisha kuwa ni sehemu ya utimizaji wa ahadi ya Tanzania mpya yenye kujitegemea, ongezeko la uzalishaji na pato la Taifa na lenye uadilifu?

Je Rais Magufuli amefanikiwa kuuza fikra zake kwa wateuliwa wake na wao wakawa wabunifu endelevu (progressive thinkers) katika kila sekta zao kujenga mifumo imara ya utendaji, uzalishaji na matokeo halisi na si kukimbilia vipaza sauti kubwekakauli mbiu hizo?

Sina haja ya kutoa mifano kujenga hoja yangu ili malumbano na majadiliano yaendelee, lakini kwa nafsi na nadhiri iliyo safi(clear conscious) bila kuleta ushabiki wa upingaji au pongezi,ni kitu gani Rais Magufulina Serikali yake(hata ndaniyaChama) inabidi kufanya kubadilisha hali namuonekano hasiunaojijenga kwa wananchi kwa vipengele vifuatavyo:

Uchumi
Uzalishaji Mali
Elimu
Afya
Huduma za Jamii
Demokrasia
Uwazi na Uwajibikaji
Utawala Bora
Haki za Binadamu

Wikiendi njma!
 
Kwanza niseme hakuna kipindi ambacho nimempigia kura kwa confidence rais kama JPM. Nilimwamini kupindukia nikampigia kura nikiwa mtu wa tatu katika foleni. Miezi 15 ya JPM hakufanikiwa na haioneshi atafanikiwa.
Kwa mtazamo wangu rais wangu alikuwa na bado ana dhamira njema kabisa, bahati mbaya mwanzo kabisa ya safari amekumbwa na ukungu mzito na hivyo haoni anapotupeleka. Ukungu unaompofusha ni mapenzi ya chama chake. Mwanzoni kabisa mwa safari yake dhamira ya mapenzi ya chama ikamtuma afikirie kuvifuta vyama vya upinzani directly au inderectly. Akafuta mikutano ya vyama, akafuta bunge mubashara, akatoa kauli za kuogofya dhidi ya wapinzani wake (AKASEMA HAJARIBIWI), Mchakato wa katiba ukawekwa kapuni, nk.
Bahati mbaya dhamira njema ya rais wangu inatekelezeka tu katika mazingira ya demokrasia iliyotalamaki na si vinginevyo. Maadui wake si vyama vya upinzani bali ni wasaidizi wake wachache wanaomuasi, kisa tu wanatoka chama tawala. Rafiki zake walipaswa kuwa viongozi wa upinzani ambao laiti wangeruhusiwa wangempigia filimbi kila alipokaribia kukosea. Wasaidizi wake hawamwambii ukweli wanamsoma na kuanza kuimba anavyotaka rais. Hivi karibuni rafiki yangu mfanyabiashara aliefanikiwa sana aliniambia " watu wanaonisifu hawaniongezei chochote bali wanaonikosoa ndio wanaonisaidia kuvijua vikwazo mapema na kuviruka"
Rais wangu ili afanikiwe aruhusu demokrasia ipumue, aruhusu ukosoaji katika nia yake njema, amalie mchakato wa katiba. Maana ameahidi na mimi namuunga mkono ya kuwa anataka kuinyoosha nchi, tatizo ni kuwa anataka kuinyoosha chi kwa kutumia katiba gani? Maana rais ni takwa na zao la katiba.
Wakatabahu.
 
Labda nipindue kidogo nilichoandika kwa kuuliza maswali ya ziada ili kueleweka zaidi.

1. Rais Magufuli anayafanya haya kwa utashi wake na mtazamo wake, je sisi tunapokea na kumuunga mkono yeye kama mtu na haiba yake au tuna dhamira ya kuwa na mfumo endelevu wa uwajibikaji na mipango inayoeleweka na kukamilika?

2. Mabadiliko yanayosemekana yanaonekana ni ya kweli? au ni mabadiliko ya mpito/muda ya funika kombe mwana haramu apite nikimaanisha "kujisahihisha" kunakoonekana ni kutokana na kumuogopa Rais Mkali?

3. Leo (au kesho) akiondoka Rais Magufuli, "kasi na uimara" wa "mabadiliko" utaendelea kuwepo bila kujali ni nani mrithi wake au tutarudi kulekule kusiko na "mwelekeo au utashi" wa "umadhubuti" wa mfumo na kuishia kuwa Taifa,jamii na mfumo tegemezi wa nani Raisi kuhakikisha ufanisi,uwajibikaji na nidhamu zinaendelea bila kutetereka?

4. Je Rais Magufuli ameandaa au ana andaa nini kuhakikisha uimara,uthabiti na udhibiti wa mfumo endelevu wa uwajibikaji bila kujali mtu au chama kuhakikisha Tanzania inasonga mbele na haitegemei mtu au chama bali ni mfumo wa nchi kikatiba,kisheria, kikanuni, kisera na kiutendaji/tekelezaji ulio imara na huru?

Nawasilisha!
 
Rev. Kishoka,

Kwa bahati mbaya, this is the price we have to pay in the interest of maintaining a populist, charismatic leader in power. Isitoshe, its quite clear by now kwamba focus kubwa under this populist regime ni kushinda uchaguzi wa 2020 kuliko kuboresha maisha ya wananchi.

Kisera - Nchi bado haina dira, badala yake inaendeshwa kwa matamko. Kwa mfano, kipindi cha 2005-2015, nchi iliongozwa kwa matamko ya kasi mpya, ari mpya, nguvu mpya, huku baadae yakifanyika marekebisho kwa kuondoa neno mpya na kuweka neno zaidi. Awamu ya Tano, ikaja kauli mbiu mpya ya Hapa Kazi tu, ambayo basicallt ilitungwa na mtu mmoja siku moja, lakini leo ukiuliza wananchi wengi Dira ya taifa ni nini, jibu la ni HAPA KAZI TU! Hawana uelewa taifa lao linaelekea wapi. Hata kwa upande wa viongozi ndani ya chama tawala na hata baadhi ya mawaziri wenye dhamana ya sekta muhimu za uchumi wa nchi, ukiwauliza tunaelekea wapi kama Taifa, dira ni nini? Jibu la weng kama sio hapa kazi tu basi utasikia, tunajenga uchumi wa viwanda. Mbaya zaidi ni kwamba kwenye suala la kazi tu, kila kiongozi ana tafsiri yake. Kwenye suala la uchumi wa Viwanda, hakuna any meaningful attempt kubadisha the colonial structure. Tunaendelea kuhimiza uzalishaji wa mazao ya biashara for exports suala ambalo deepens country's external integration. Tuna madini mengi kama Dhahabu lakini hakuna dalili yoyote kwamba serikali imejipanga to sow the gold to transform our human, technological and productive capabilities. Iwapo fedha za kukopa tunazipoteza kwenye masuala yasiyo na tija kwa wananchi walio wengi, siku ikitokea tukapata fedha zetu wenyewe kutokana na madini na rasilimali zetu, motivation ya kuzitumia kwa mambo ya maana itakuwa ni ipi?

Hakuna any attempt to build an economic base inayohitajika for an independent national economy. Uchumi unaotajwa kuwa ni wa viwanda - uwekezaji largely emphasizes import substitution yenye kutegemea tekinolojia ya kuazima kutoka nje - inputs, spare parts nk. Uchumi wa Viwanda utageuka kuwa ni uchumi wa madalali na wajanja wachache ambao wataugeuza kuwa ni uchumi wa biashara badala ya uzalishaji. Madalali hawa are lined up kusubiria tender za kuleta vipuri and other inputs kutoka nje. In effect, serikali itaishia kufanya promotion ya uchumi tegemezi, wenye kuweka emphasis on consumption, na kupuuza production.

Serikali ya awamu ya Tano ingefanikiwa iwapo ingeanza kwa kuweka kipaumbele kwenye kuendeleza productive forces. Ingawa development of welfare services ni muhimu, ni lazima ifuate production, sio kutangulia production. Kwa maana rahisi - iwapo Kilimo chetu ni duni, basi viwanda vitaendelea kuwa duni, uchumi hautaweza kuzalisha vya kutosha, mapato hayatakusanywa ya kutosha to pay for welfare services.

Serikali hii ilitakiwa kuwa makini katika suala la internal integration of the economy kwa kuweka priority kwenye sekta ya Kilimo. This regime haven't been able to capture this essential pre-requisite for development, YET, it claims to seek for progress.

The regime is disarming the producers wakati huo huo ikitafuta sponsorship in the international community for projects designed to confer prestige rather than to achieve transformation. Kwa mfano, matumizi ya mabilioni kuendeleza mji wa Dodoma, Kununua Ndege kwa fedha taslimu badala ya kutumia fedha hizo hizo kuendeleza sekta za Elimu na Afya, ambazo ndio nguzo kuu for any modern economy.

Kitachojiri kati ya sasa na 2020:

Populist politics are very contradictory and short lived. They sharpen many other contradictions internally - contradictions between the People and top heavy state apparatus; Between the state and the nation (and this is becoming obvious as people are increasingly understanding that the State and Chama Cha Mapinduzi can no longer be held synonymously); contradictions between workers and employers (public sector) and so forth. The inability to arrest these contradictions have (inevitably) led to repressive measures by the government against its own people, for instance denying them minimal democratic rights. Even outside politics, none of productive forces and active social forces for instance peasants, workers, entrepreneurs, youths, women - are allowed to organize; Freedom of speech and freedom of press have now become a luxury;

Again, its the price we have to pay for maintaining a populist, charismatic leader in power.
 
Rev. Kishoka umepindua maswali yako na kufunguka zaidi.
Mchambuzi kagusia hoja ya structure,baadhi tumeipigia kelele na kuonekana wendawazimu.

1. Structure (mfumo) wetu wa sasa unatoa nafasi ya maoni ya mtu na si watu.
Kwa mantiki tunashindwa kuwa na dira na vipaumbele.

Hatukai pamoja tukatafakari tuanze na nini na kwasababu zipi

Hapakazi: Tulisema mara tu baaba ya kuanza ulikuwa ni upepo tu.
Nia yake ni njema lakini hakuna sustainability.

Tuliuliza 'usipowajibika ole wako...' ya Mzee Mwinyi iliishia wapi na ilitoa matokeo gani?

Hakuna sustainability kwasababu ni mawazo ya mtu, watu wanayapokea kwa hofu si kwa utashi.
Hili linajibu swali la pili, ni funika kombe, mabadiliko ya mpito na populist tu kuangalia 2020

2. Kesho akija mwingine kutakuwa na ''sera'' tofauti.
Kilimo kwanza ya Pinda, ikabadilika ghafla elimu kwa wote, sasa ni viwanda,ni katika miaka 10.

Je tuliwahi kutathmini kwanza mafanikio ya kila kimoja kabla ya kwenda kingine

Tunarudi kwa hoja ya Mchambuzi, hatuna dira kama Taifa tuna maono ya watu binafsi

3. Hakuna maandalizi ya kuhakikisha tunaendelea kwa mfumo unaoeleweka usiozingatia tofauti
Kukataa katiba ambayo ingetusaidia kujitathmini baada ya miaka 50 ni kukataa kujitathmini.

Mstari wa mwisho wa hoja yako(namba 4) unaeleza kwa kila kitu.
Hatuna mfumo wa kikatiba, kisheria , kikanuni na kisera au kiutekelezaji na kiutendaji.

Ndio maana yaliyoanzishwa kwa shamra shamra yamefeli na hayatakuwa na mwisho 'sustainable'

Mifano michache.
Tuliahirisha sherehe ili kufanya usafi siku ya Uhuru. Je, tunaendelea na hilo?
Tuliambiwa utumbuaji majipu, je, tunatumbua majipu ''kikanuni'' au tunachagua majipu?
Tukapiga marufuku sukari kutoka nje, kwanini tunaagiza kutoka nje kwa sasa?
Orodha inaendelea na ni ndefu sana

Kibaya kuliko vyote ni kutokubali kukosoa au kukosolewa.
Kutokubali mawazo mbadala na kudhani wanadamu ni sawa na kundi la ng'ombe linaloongozwa kwa mijeledi ni makosa. Lazima tukubaliane hata kama hatukubaliani kuwa na mitazamo tofauti

Endapo hatutakubali kutafuta mwafaka hata ikibidi kwa kuzozana, tutaendelea kufeli

Tumejaribu kufuata mawazo ya watu wachache kwa amri, matokeo ni kudorora tunakokuona
 
Mkuu Rev. Kishoka, ni kama ulishatoa hukumu katika post yako ya kwanza, kisha ukaja kuuliza tena kilekile ulichotolea hukumu.

Wakuu, nafikiri sasa itakuwa imetosha kama ni kujadili tu pasi na kuchukua hatua juu ya DIRA YA TAIFA, tumeimba sana hili. Ninafikiri sasa ni wakati wa Kutafuta njia ya Kufikia Dira Ya Taifa letu. Limetugharimu vya kutosha.

Yamesemewa matendo ya serikali kuwa yanalenga Uchaguzi Mkuu wa 2020, naomba kuhoji haya.

Je, hayo matendo yana ubora wa kuibeba serikali ya CCM vile tunavyofikiri?

Kama yana Ubora ni upi, na kwanini tubeze kudai yanalenga uchaguzi na si ustawi wa umma? Yangefanyika wakati gani ili tusiyahusishe na uchunguzi?

Na kama hayana ubora, yatawezaje kuibeba CCM 2020?

NA KAMA YATAWEZA LICHA YA UOZO WAKE, IPI I NAFASI YA SANDUKU LA KURA KUFIKIA USTAWI WA UMMA? je, hiki si KIINI MACHO cha kwanza kabla ya upuuzi unaofanywa na vyama vyetu?

Sanduku la Kura halibebi dhamana ya Ustawi wa Umma, limejaa uroho wa madaraka, ubinafsi na wizi wa rasilimali za umma. Wanaanza watu kwanza kabla ya Katiba, sera na sheria, je wapo? Unaanzaje kuwapata?

Shamba linavunjwa, si magugu wala migomba inayosimama, hakuna kitakachojisimika imara si uhalali wala ubatili, vyote vina nafasi sawa ya kuanza upya.

Ni nani mwenye wajibu wa Dira ya Taifa?

Anaita sasa.
 
Dhana ya kusema kuwa hakuna ulazima wa kuweka sawa mfumo au kuweka katiba mpya ni kosa la kwanza la unachosema nani mwenye dira ya Taifa.

Mkapa alipotumia mamlaka bila kuwa checks and balances imara na huru,alijifanyia mambo tukalaumu. JK naye akaja na mkumbo huohuo wa madhaifu ya mfumo, inferior and compromised checks and balance naye akajifanyia anavyotaka kisa na mamlaka.

We are seeing the same pattern repeating itself with Magufuli, mbaya zaidi he is very open kuvunja na hata kudharau umuhimu wa check and balances (Katiba, Bunge, Mahakama) na kuzuia mazungumzo na tunachoshuhudia ni uimla na upambe ambaounatupeleka "ends justifies the means".

Dira ya Taifa imeshikiliwa Mateka na Rais na Washauri/Wapambe ambao wanaona mawazo na kauli zao pekee ndio muafaka na zinazohitajika kwa Taifa.

Wengine na opposing/different views, subirini muda wenu mtakapoingia madarakani kutawala!
 
Mfumo usiofanyiwa tathmini ni kosa tunaloendelea kulitenda.

Miaka 50 tangu uhuru tunapaswa kukaa chini na kujiuliza kama tunakoelekea na mbinu tunazotumia ni sahihi au la.

Hatusemi lazima katiba ibadilishwe, tunasisitiza kuna umuhimu wa kukaa na kuiangalia tena kama njia ya kujitathmini.

Kwa haraka tu tunaweza kuona katiba ya leo haikuandikwa kwa mazingira ya leo.

Ni katiba iliyozingatia chama kimoja na ilikuwa katika uchumi wa nyakati hizo.

Dunia inabadilika kila uchao nasi kama wachanga hatuwezi kukaa tukisubiri

Mwinyi aliingia na dira ya soko huria. Bila kuwa na dira kamili Mkapa akaja na yake.

Kauza mashirika ya umma, viwanda n.k. bila kuangalia nini mbadala na nini tunataka kufanya baada ya hapo

JK akaja na sera zake tukashuhudia tuking'oa maturuma ya reli kana kwamba usafiri umefika kikomo
Hatukuwa na dira baada ya hapo nini tufanye katika sekta ya uchukuzi

JK akaja na suala la bandari Bagamoyo kama mkombozi wa uchumi. Hili lilikuwa wazo lisilojadiliwa na umma

Magufuli alipoingia wazo la Bandari likafa , likaja jingine la Viwanda ambalo halijawa defined ni vya aina gani

Mifano hiyo michache inaonyesha jinsi ambavyo mawazo ya wachache na si umma yanavyotuyumbisha

Katika miaka 10 kuna sera za elimu na afya, uchukuzi na mawasiliano kibao ambazo hatujui zimetoa matunda gani

Hatuwezi kwenda mbali kama hatuna muafaka wa kitaifa kwa pamoja. Hatuwezi kufanikiwa kama hatusikilizani

Yote yapo chini ya mwamvuli wa mfumo usio na checks and balances ambao hutoa uhuru wa kutenda bila maono
 
Wakuu, ninafikiri mmeninukuu vibaya juu ya DIRA YA TAIFA.

Nilichosema ni hiki, hakuna Tulichoacha kujadili juu ya nafasi ya Dira ya Taifa katika kuleta ustawi wa umma.

Tumejadili vya kutosha kabisa juu ya mahusiano ya wazi na nyeti yaliyopo kati ya Dira ya Taifa na Maendeleo ya Taifa. HAVITENGANISHIKI.

Sijawahi kupinga uwekwaji wa mfumo, kwani ni wazi Nyakati na Mazingira yaliyopo leo si ya kipindi cha Uhuru au Azimio.

Ni lazima tupate Mfumo mpya zao la Mazingira na Nyakati zetu leo.

Na tunaposuka mfumo, Dira ya Taifa ndio kitu cha kwanza.

Mijadala ya aina hii tumeifanya ya kutosha, hoja yangu ilikuwa hii, Kama tunatambua nafasi ya Dira ya Taifa katika Maendeleo, kwanini tusijadili namna ya kuipata?

DIRA YA TAIFA, SAWA. TUNAIPATAJE? Hilo swali ndilo linalobeba wajibu wetu. Tunaifikiaje?

Kuhusiana na hoja ya Uchaguzi wa mwaka 2020, nafikiri hamjasemea.

Nilichohoji kililenga kutathimini Nafasi ya Sanduku la Kura 2020 katika kufikia Ustawi wa Umma ukihusianisha na hali halisi iliyopo leo Tz.

Ni Maslahi ya Umma dhidi ya Sanduku la Kura 2020, si nani atashinda ama kushindwa.


Je, tuna matumaini? Kama hayapo nini kifanyike?

Anaita sasa.
 
Kwa hali ya leo, CCM na Rais Magufuli wanadai kuwa dhamana "waliyopewa" Kutawala inawapa absolute powers na unilateral decision making on behalf ya Watanzania.

Wengine tunaambiwa tusubirizamu yetu at sametime kuna suppression ya hali ya juu kuzuia opposing views and ideas to flourish.

Soma hata vitu vya kijamii kama Msiba wa Arusha jisni gani Serikali ya CCM imeamua kuwa na exclusive rights za maombolezo na rambirambi!
 


Sina hakika ya ulicholenga kusema hapa hasa ni nini.

Ni wazi kwa aina ya Katiba tuliyonayo, yanayoendelea si ya kustaajabisha sana, japo yapo yaliyovuka mipaka pia. Na hilo ndilo linalopelekea haja ya kuwa na Mfumo Mpya, na Dira ya Taifa ndio jiwe la msingi katika kuunda huo mfumo. TUNAFANYA NINI?

Unapowataja wengine mnaoambiwa msubiri zamu yenu, ni wazi unavitaja vyama vya siasa hasa vya Upinzani.

Hivi haiwezekani kweli kuwaza Dira ya Taifa nje ya Boksi la Vyama vya Siasa?

Nimehoji, nini kifanyike ili tuwe na Dira ya Taifa katika mazingira yaliyopo. Kuendelea kulaumu hakutatufikisha kokote, Mifano iko mingi mno ya upuuzi mwingi, Bado haitoi majibu ya Tuanze wapi?

Haitoi majibu ya Mahusiano yaliyopo kati ya Ustawi wa Umma na Sanduku la Kura.


Kinachotugharimu ni Fikra potofu za kila Movement kulenga Ikulu.

Sifa kuu ya chama cha siasa, ni kuwa na uwezo wa kufanya tathimini huru juu ya mienendo ya Serikali madarakani.

Sifa hiyo inapelekea wajibu tatu kuu. Wajibu wa kwanza ni KUIUNGA MKONO SERIKALI katika kila jambo lenye maslahi ya umma. Wa pili ni KUIKOSOA NA KUIKEMEA IKIBIDI SERIKALI katika yale yenye kuhatarisha maslahi ya umma. Na mwisho ni KUONESHA MBADALA /SULUHISHO la a yale yanayoonekana kutishia Ustawi wa jamii.


SIO KUBEZA NA KUIDHIHAKI SERIKALI. Tunapokosa Sifa msingi za Vyama vya Siasa, ni wazi hatutoweza kutimiza wajibu wetu.

Anaita sasa.
 

Anajaribu ku-implement game plan ya rafiki yake Kagame ingawa sasa anajikuta inamuwia vigumu kuitekeleza katika mazingira ya kwetu. Anamuadmire Kagame jinsi alivyofanikiwa ku-implement miradi ya maendeleo pamoja na kunyamazisha aina yoyote ya upinzani.

Alifikiri mara tu akifanikiwa kudhibiti matumizi ya serikali, kupiga marufuku safari za nje n.k. basi moja kwa moja pesa zitamiminika za kumuwezesha kuendesha nchi kwa raha mustarehe. Lakini mambo yanaenda kinyume na matarajio ndio maana sasa hivi mpaka askari usalama barabarani nao wako busy kukusanya mapato!
 
Nimevutiwa na post yako.Hata hivyo ninaomba utushirikishe zaidi juu ya kile ulichoeleza.

1. Game plani ya Kagame ni ipi na mazingira gani unamaanisha yanayomzuia kutekeleza hiyo Game plan?
2. Mimi nadhani Wa kwetu anamu'admire' kweli Kagame kwenye miradi ya maendeleo la kwenye kunyamazisha wapinzani si kweli. Wa kwetu ananyamazisha wapinga maendeleo hanyamazishi wapinzani! (..huwezi kusema nchi isusiwe kisiasa , kiuchumi, kidiplomasia na kisha tukakuita wewe mpenda maendeleo na mpinzani wa kisiasa). Labda kama ulimaanisha unyamazishaji mwingine naomba utushirikishe.
3. Kwa nini hauoni kile anachokifanya ni jambo muhimu la kuimalisha nidhamu ya ulipaji kodi, na nidhamu ya kuimiza watu watii sheria bila shuruti?
 
Mpinga maendeleo ni nani, yanapingwa vipi?

Pili, Rais Magufuli alipoingia madarakani alikataa pesa za MCC akisema tumisaada tunadhalilisha
Kauli hiyo inakitu gani tofauti na ile ya kunyimwa misaada?
Kwanini hatukuhamaki wakati ule
3. Kwa nini hauoni kile anachokifanya ni jambo muhimu la kuimalisha nidhamu ya ulipaji kodi, na nidhamu ya kuimiza watu watii sheria bila shuruti?
Click to expand...
Kutii sheria bila shurti ni haki ya mwananchi.

Haki hiyo ni pamoja na kutendewa sheria kila inapowadia zamu yake.
Kutendewa sheria ni kupewa haki za msingi ndani ya katiba

Utii wa sheria ni two way traffic. Sheria zipo kukulinda na kukuhumu siyo suala la kuchagua kipi na wakati gani. Bila hivyo, utii wa sheria bila shurti unaingia shurbati
 
Taifa lolote linalodharau katiba yake na kutothamini haki za raia wake na the so called kiongozi ni kufoka foka tu na kutoa vitisho huku akipandikiza chuki za kutisha miongoni mwa raia wa nchi husika, Taifa hilo haliwezi kupata maendeleo yoyote ya kuridhisha.
 
Kususia Taifa tafsiri yake ni Kuzuia Misaada tu peke yake?

Aje na la Ukanda, ukabila na Undugu? Nikisema mimi inaweza kuwa sio shida sana, lakini sio Lissu. Ni sawa na kauli Spika Ndugai.

Hata kimaadili tu na Utashi wa Siasa tunazozihitaji, ni sahihi kuwalilia Mataifa ya nje juu ya kupishana kwetu kisiasa?

Anaita sasa!
 


Maendeleo ni nini? Ipi ni Gharama sahihi ya kuyafikia hayo Maendeleo ukihusianisha na aina ya Sheria na Katiba tuliyonayo?

Watz hatujui gharama halisi za matamanio yetu, na hilo ndilo kosa letu. Tumebaki kukaririshwa nyimbo za bezo na kejeli.

Anaita sasa.
 
Kwa huyu bwana ccm walifanya grace mistake. Maana wamechagua mtu asiye na mbele wala nyuma kwenye uongozi.

Miaka 5 itaisha hakuna cha maana kitakachofanyika.,ashukuru mungu aliachwa momentum na mtangulizi wake., angalau itafukia madudu ya miaka 2-3.

Nchi inaelekea shimoni kuanzia 2018/2019. Tujiandae kw akufunga mikanda. Kutakuwa na muanguko mkubwa wa uhumi.,ukosefu mkubwa wa ajira na umaskini mkali.
 
Rev. Kishoka, post: 21236665, member: 18"]Kwa hali ya leo, CCM na Rais Magufuli wanadai kuwa dhamana "waliyopewa" Kutawala inawapa absolute powers na unilateral decision making on behalf ya Watanzania.
Click to expand...
Sidhani kama inawapa absolute powers,pengine inawapa mandate ya kuendelea na sera walizoahidi.
Kuna mambo yanayoweza kufanyika unilaterally ambayo ni ya kisera.
Yapo ya kitaifa ''values' yanayohitaji national consensus

Tatizo walilo nalo ni kutoelewa kati ya absolute powers na mandate, policy na values
Wengine tunaambiwa tusubirizamu yetu at sametime kuna suppression ya hali ya juu kuzuia opposing views and ideas to flourish
Click to expand...
Ni makosa ya kutoelewa. Siasa ni kitu endelevu . Wajanja hutumia fursa ya kutawala kusahihisha makosa waliyofanya au mapendekezo ya nje ya yao kufanya mambo ya maana.

Mfano, sera inayopigiwa upata ya kupambana na ufisadi, wizi na ubadhirifu si ya CCM
Ni hoja ya wapinzani, hata hivyo kwa kuiiga wamefanikiwa na wanalisaidia taifa
Kukubali new ideas si udhaifu ni uimara na uthubutu
Soma hata vitu vya kijamii kama Msiba wa Arusha jisni gani Serikali ya CCM imeamua kuwa na exclusive rights za maombolezo na rambirambi!
Click to expand...
Ndiyo maana sikubaliani na watu wanaosema kiongozi fulani anazungumzia ukabila, ukanda au udini.

Watanzania wana asili ya unafiki. Udini, ukabila na ukanda havioti kama uyoga, ni zao la kutamalaki kwa chuki na kupitia mgawanyiko unaoletwa na chuki nyufa hutokea na hapo udini, ukanda na ukabila huanza.

Watanzania walikuwa kimya wakati chuki inapandwa, sasa ina mea kila mmoja anataka ing'olewe. Chuki za misibani haziishi hapo, huchanua haraka kwasababu zimepapaliwa na mbolea ya hasira, kukosa utu na kutothaminiana
 
You must log in or register to reply here.

Similar Discussions

Menu
Log in
Register
Cookies are required to use this site. You must accept them to continue using the site. Learn more…