Ngurumbizi
Member
- Aug 8, 2011
- 97
- 114
Kwa:
Mkurugenzi Mkuu
Baraza la Taifa la Hifadhi na Usimamizi wa Mazingira (NEMC)
S.L.P 63154
Dar es Salaam, Tanzania
Yah: Ombi la Ufafanuzi Kuhusu Matumizi ya Plastic Wrapping kwa Mizigo ya Abiria wa SGR
Ndugu Mkurugenzi,
Napenda kuwasilisha taarifa na lalamiko kuhusu mwenendo unaoendelea kwenye vituo vya reli ya kisasa (SGR), ambapo abiria hulazimishwa kufunga mizigo yao kwa kutumia plastiki (plastic wrapping) kabla ya kuruhusiwa kupanda treni.
Taratibu hizi zimekuwa zikitekelezwa na wahudumu wasiobainishwa wazi kama ni wa TRC au watoa huduma binafsi, na mara zote huambatana na malipo kwa abiria. Hali hii imeibua maswali kwa umma, hasa kwa kuzingatia kuwa Tanzania ina marufuku rasmi dhidi ya matumizi ya mifuko ya plastiki kwa mujibu wa Kanuni za GN No. 291 ya mwaka 2022, zinazosimamiwa na NEMC.
Zaidi ya hayo, ipo hali ya mkanganyiko wa wazi: abiria wanaowasili katika viwanja vya ndege vya kimataifa hapa nchini huonywa kuondoa wrapping ya plastiki kabla ya kutoka uwanja wa ndege, kwa mujibu wa kanuni hizo za mazingira. Swali linajitokeza:
Kwa nini wrapping hiyo inakataliwa kwenye uwanja wa ndege kama ni hatari kwa mazingira, lakini ikiruhusiwa au kulazimishwa kwenye vituo vya SGR ndani ya nchi?
Naomba kufahamu yafuatayo:
1. Ni taratibu au Sheria gani imetumika kuhalalisha matumizi ya plastic wrapping kwenye vituo vya SGR?
2. Iwapo hakuna,
je NEMC inaweza kuchukua hatua dhidi ya utaratibu huu usio rafiki kwa mazingira?
3. Kuna sababu ipi ya msingi inayosababisha utofauti huu wa utekelezaji wa sheria kati ya viwanja vya ndege na vituo vya reli?
Naamini kuwa Baraza lenu lina nafasi muhimu ya kuhakikisha utekelezaji wa sheria za mazingira unafuatwa kikamilifu katika taasisi zote za umma na binafsi.
Natumaini barua hii itapokelewa na kufanyiwa kazi ipasavyo.
Wako katika utunzaji wa mazingira,
Dudumizi Ngurumbizi
Mkurugenzi Mkuu
Baraza la Taifa la Hifadhi na Usimamizi wa Mazingira (NEMC)
S.L.P 63154
Dar es Salaam, Tanzania
Yah: Ombi la Ufafanuzi Kuhusu Matumizi ya Plastic Wrapping kwa Mizigo ya Abiria wa SGR
Ndugu Mkurugenzi,
Napenda kuwasilisha taarifa na lalamiko kuhusu mwenendo unaoendelea kwenye vituo vya reli ya kisasa (SGR), ambapo abiria hulazimishwa kufunga mizigo yao kwa kutumia plastiki (plastic wrapping) kabla ya kuruhusiwa kupanda treni.
Taratibu hizi zimekuwa zikitekelezwa na wahudumu wasiobainishwa wazi kama ni wa TRC au watoa huduma binafsi, na mara zote huambatana na malipo kwa abiria. Hali hii imeibua maswali kwa umma, hasa kwa kuzingatia kuwa Tanzania ina marufuku rasmi dhidi ya matumizi ya mifuko ya plastiki kwa mujibu wa Kanuni za GN No. 291 ya mwaka 2022, zinazosimamiwa na NEMC.
Zaidi ya hayo, ipo hali ya mkanganyiko wa wazi: abiria wanaowasili katika viwanja vya ndege vya kimataifa hapa nchini huonywa kuondoa wrapping ya plastiki kabla ya kutoka uwanja wa ndege, kwa mujibu wa kanuni hizo za mazingira. Swali linajitokeza:
Kwa nini wrapping hiyo inakataliwa kwenye uwanja wa ndege kama ni hatari kwa mazingira, lakini ikiruhusiwa au kulazimishwa kwenye vituo vya SGR ndani ya nchi?
Naomba kufahamu yafuatayo:
1. Ni taratibu au Sheria gani imetumika kuhalalisha matumizi ya plastic wrapping kwenye vituo vya SGR?
2. Iwapo hakuna,
je NEMC inaweza kuchukua hatua dhidi ya utaratibu huu usio rafiki kwa mazingira?
3. Kuna sababu ipi ya msingi inayosababisha utofauti huu wa utekelezaji wa sheria kati ya viwanja vya ndege na vituo vya reli?
Naamini kuwa Baraza lenu lina nafasi muhimu ya kuhakikisha utekelezaji wa sheria za mazingira unafuatwa kikamilifu katika taasisi zote za umma na binafsi.
Natumaini barua hii itapokelewa na kufanyiwa kazi ipasavyo.
Wako katika utunzaji wa mazingira,
Dudumizi Ngurumbizi
