Kadogoo Dr. Slaa aliukana upadri siku nyingi, si ana mke? ama alipokuwa padri alipata baraka za pope akaruhusiwa kuoa?
Gazeti la Tanzania Daima nao wameandika habari ya Pengo kumuonya Slaa.
HABARI MPYALA JANAMATANGAZOBEI ZETUWASILIANA NASITUMA HABARIjumatatu, 23 agosti 2010
Yaliyopita
Warning: mktime() expects parameter 4 to be long, string given in /hermes/bosweb/web098/b983/glo.freemanm2/daima/habari.php on line 181 " 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 1 2 3 4 5 6 7 8 9 10 11 12 2010 2009 2008 2007 2006
Pekua Tovuti
Pengo acharuka
Awaonya mapadri wasitumiwe kisiasa
na Happiness Mtweve, Dodoma
Askofu Mkuu wa Kanisa Katoliki Jimbo Kuu la Dar es Salaam, Mwadhama Policarp Kadinali Pengo, amewaonya viongozi wa dini na waandishi wa habari wasikubali kutumiwa na wanasiasa wapumbavu.
Alisema kama viongozi wa dini na waandishi wa habari hawataikwepa mitego ya wanasiasa hao hasa katika kipindi cha uchaguzi, taifa linaweza kutumbukia kwenye maafa makubwa kama yaliyotokea nchini Rwanda.
Onyo hilo alilitoa jana mjini hapa, alipokuwa akihubiri kwenye kilele cha kongamano la mwaka wa mapadri wa Kanisa Katoliki lililofanyika kwenye uwanja wa hijja wa Mbwanga.
Kongamano hilo ambalo lilifanyika kwa muda wa siku tatu katika Chuo Kikuu cha Dodoma na jana kilele chake kuadhimishwa katika uwanja huo wa Mbwanga liliwakutanisha mapadri na maaskofu wote wa kanisa hilo waliopo hapa nchini.
Pengo alisema kuwa si nchi ya Rwanda peke yake ndiyo yenye wanasiasa wapumbavu, hata Tanzania kuna wanasiasa wa aina hiyo wanaoweza kuwarubuni mapadri na kuwafanya washiriki katika matukio mbalimbali ya kisiasa ambayo yanaweza kuleta maafa kwa taifa.
Alibainisha kuwa wanasiasa wapumbavu waliwateka mapadri nchini Rwanda mwaka 1994 na kujihusisha katika mauaji ya halaiki nchini humo yaliyosababisha vifo vya watu zaidi ya milioni moja.
Askofu Pengo alisema kutokana na kushiriki katika maovu hayo, baadhi ya mapadri walifungwa magerezani kutokana na tukio hilo la kinyama ambalo halimpendezi binadamu na Mungu.
Alisema kufungwa kwa baadhi ya mapadri hao ambao ni wenzao kusiwe sababu ya kuchafuka kwa mapadri wote duniani na kuonekana kuwa kazi yao haina maana.
Kadinali Pengo alisema kuwa kumekuwa na maneno ya kuwaondolea thamani mapadri na kutaka watu wasiwasikilize kwa kusema kuwa wao ni kati ya watu wanaoshiriki katika kuleta maafa na ndio maana mapadri wengine wamefungwa magerezani.
Mauaji hayo ya halaiki yaliyofanyika nchini Rwanda hayakuanzishwa na mapadri kwani mapadri hao walirubuniwa na wanasiasa wapumbavu ambao hata hapa nchini Tanzania wapo, cha msingi ni kujiepusha nao, alisema.
Askofu huyo alisema padri yeyote atakayejiunga na kushirikiana na wanasiasa atakuwa mpumbavu kama walivyo wanasiasa wapumbavu.
Aidha Pengo aliwataka viongozi wa dini kutovunjika moyo na kauli za kuwakejeli na badala yake waendelee kuhubiri habari njema kwa maskini na matajiri kwa kupiga kelele katika nyakati zinazofaa na zisizofaa.
Pengo alisema kuwa kazi ya mapadri na maaskofu ni kuhubiri Injili na habari njema kwa watu wote na si kushiriki katika masuala ya kisiasa ambayo wakati mwingine yamekuwa yakisababisha kuvunjika kwa amani ya nchi.
Alisema si lazima kiongozi wa dini kila anapohubiri apigiwe makofi ndipo atakuwa amefanya vizuri bali uzuri wa kazi yao unaweza kuonekana wakati wowote.
Alibainisha ni busara kwa mapadri na maaskofu kutotafuta matokeo ya haraka bali wawe na subira kwa kila jambo wanalolifanya.
Mapadri msidanganyike, endeleeni kuhubiri habari njema za wokovu kwa watu wote kwani msipopiga kelele nyie hata sauti iliayo nyikani itapiga kelele, alisema Pengo.
Naye Askofu wa Kanisa Katoliki Jimbo la Dodoma Yuda-Tadei Rwaich, amevitaka vyombo vya habari kutotumiwa na wanasiasa kupotosha jamii wakati huu wa kuelekea kipindi cha uchaguzi. Alisema kuwa vyombo vya habari wakati mwingine vimekuwa vikitumika kama chambo katika kupotosha jamii kutokana na maneno ambayo yamekuwa yakisemwa na wanasiasa hao kipindi chote na hasa nyakati hizo za uchaguzi. Kongamano hilo ambalo lilihudhuriwa na mapadri na maaskofu kutoka katika nchi nzima ya Tanzania ambalo limekuwa likifanyika kila mwaka lengo lake kuu katika mwaka huu wa mapadri ni kuwa mapadri kuwa ishara ya matumaini mapya katika ulimwengu wa leo
