Neno la mwaka mpya: Tugange yajayo

[maggid]

Ndugu zangu,

Tumeingia mwaka 2017. Maisha binafsi na ya taifa lazima yasonge mbele.
Ni kwa kutekeleza kwa vitendo yale tuliyoazimia, kwa binafsi yetu na kama taifa.

Kuna ya kujifunza kutoka maisha ya tembo. Msafara wa tembo huwa na kawaida ya kutorudi nyuma. Ndio maana porini huzioni nyayo za tembo zenye kwenda mbele na kurudi nyuma.

Ni ukweli, kuwa tembo ni mnyama mkubwa na ndiye mfalme wa pori. Lakini, hufika mahali tembo akasumbuliwa na siafu kiasi cha kuweweseka na hata kutamani kulihama pori.

Ni kwa kosa la tembo kukanyaga kichuguu cha siafu.
Naam, siafu mia tano ni wengi kuliko tembo mmoja, pamoja na ukubwa wa tembo.

Adili ya jambo hili ni ukweli kuwa hapa duniani mkubwa anapaswa kumuheshimu mdogo, na mdogo pia kumuheshimu mkubwa. Hivyo, wanadamu tunapaswa kuheshimiana.

Kwenye ngazi ya taifa tuwe na mtazamo wa timu ya mpira. Timu bora ni ile yenye uwezo wa kushindana. Maana, timu inaweza kushindana ikiwa haina uwezo wa kushindana kuweza kushinda na kupata inachokitaka. Duniani hapa kuna tofauti ya kushiriki kushindana na kuwa na uwezo wa kushindana.

Ndio maana kwenye Fifa kila nchi mwanachama hupewa nafasi ya kushindania kucheza kombe la dunia. Hata hivyo, ni timu zile zenye uwezo wa kushindana ndizo hufika hatua za mbali kwenye kushindania kuwania tiketi ya kucheza kombe la dunia. Nyingi hupukutikia hatua za mwanzoni tu za mtoano.

Tanzania ni nchi yetu. Tuna wajibu, bila kujali tofauti zetu za kiitikadi na kimitazamo. Bila kujali ni Serikali ya chama gani iko madarakani, kufanya yote kuhakikisha tunaisadia Serikali iliyo madarakani ifanikiwe katika kuifanya nchi yetu kuwa yenye uwezo wa kiushindani kwenye dunia ya ushindani.

Huko ni kutimiza wajibu wetu wa kizalendo kwa nchi tuliyozaliwa na tunayoipenda.

Tuendelee kutekeleza wajibu huu kwenye mwaka huu wa 2017 na inayokuja.
Mungu Ibariki Afrika
Mungu Ibariki Tanzania.
Happy New Year!
Maggid Mjengwa.
Iringa.

 

[CHAZA]

Umesema vyema mkuu

Nikiangalia hiyo picha naona kama ni IKOKOTO vile au Viwengi/Lungamatwe

 

[MKWEPA KODI]

Watakuelewa?, maana nchi inaendeshwa kwa matamko ya mtu mmoja

 

[likikima]

Paza sauti kuhusu udikteta unaokuwa kwa kas Tanzania !kumbuka bible inasema MTU mmoja mwenye laana anaweza kuangamiza taifa!hata pia ktk family level mmoja ndio lango la baraka Na inaweza ikawa laana tupu maana huondoa baraka za Mwenyezi Mungu!

Viongozi waache viburi Na jeuri waendeshe nchi kwa kanuni Na kumtanguliza mungu!wasijifunike ngozi ya kondoo huku ndani ni mbwa mwitu!

Kumbukeni laana ya Noah alivotaka kuangamiza maelfu ya watu ktk meli kisa kakataa kutii sauti ya Mungu!!tuombe busara ndiio ufunguo Wa kipato Na huinua taifa!

 

[Pascal Mayalla]

Ndugu zangu,
Tumeingia mwaka 2017. Maisha binafsi na ya taifa lazima yasonge mbele.

Tanzania ni nchi yetu. Tuna wajibu, bila kujali tofauti zetu za kiitikadi na kimitazamo. Bila kujali ni Serikali ya chama gani iko madarakani, kufanya yote kuhakikisha tunaisadia Serikali iliyo madarakani ifanikiwe katika kuifanya nchi yetu kuwa yenye uwezo wa kiushindani kwenye dunia ya ushindani.

Huko ni kutimiza wajibu wetu wa kizalendo kwa nchi tuliyozaliwa na tunayoipenda.

Tuendelee kutekeleza wajibu huu kwenye mwaka huu wa 2017 na inayokuja.
Mungu Ibariki Afrika
Mungu Ibariki Tanzania.
Happy New Year!
Maggid Mjengwa.
Iringa.

Mkuu Maggid, nimeguswa hii mistari hivyo nami nimekuwa inspired kuandika kitu.
Asante

Kwa kuanzia, kwanza naunga mkono hoja kuhusu heshima, heshima ni two way traffic, kwa mkubwa aheshimu mdogo na mdogo aheshimu mkubwa, inafanyakazi kwa mtindo wa reciprocity. Heshima ya kweli mzizi wake ni upendo, upendo ndio utangulie kwa watu wote tupendande, bila kujali tofauti zetu, ndipo heshima ya kweli ipatikane, kwenye upendo wa kweli kunakuwa na amani na mshikamano.

Viongozi wa chama tawala wawapende kwa dhati wapinzani, kukiwa na upendo wa dhati, CCM itawaheshimu wapinzani na wapinzani wataiheshimu CCM na kushirikiana nayo kwa pamoja kuleta maendeleo endelevu.

Akitokea kiongozi anayejisikia yeye ndio yeye, kwa vile chama chake kimeshinda uchaguzi na yeye ndie mkuu, basi anajiona yeye ndie kila kitu, yeye ndie alfa na omega wa Tanzanian, na mtu akikohoa tuu kama Lema alivyokohoa kwenye ile ndoto yake, then ataozea jela!. Katiba inatoa haki fulani za msingi sana, halafu anajitokeza mtu mmoja aliyeapa kuilinda hiyo katiba na kuzizuia haki zilizotolewa na katiba, kiongozi wa namna hii haonyeshi dalili ya upendo wa kweli toka moyoni, huu ni ubabe. Tanzania tulizoea viongozi wanaoongoza kwa mifano na kuonyesha njia, na sio mtawala kuongoza kwa kutoa amri, huu ni type ya uongozi ya unyapara type. Nyapara ataheshimiwa na amri zake zitatekelezwa ila hata heshimiwa kwa upendo bali ataheshimiwa kwa heshima ya uoga. Watanzania wote wakiwemo wapinzani, watatii kila amri sio kwa utii wa upendo, bali kwa utii wa nidhamu ya uoga!.

Tanzania ni yetu wote, Tupendane kwa dhati kwa upendo wa kweli, tuheshimiane, tuijenge nchi yetu. Tukipendana, tutaheshimiana na tutashirikiana kuleta maendeleo ya kulijenga taifa letu na kuliletea maendeleo.

Heri ya Mwaka Mpya 2017.

Paskali

 

[Marlex Jr El]

Uzalendo wa viongozi wetu wa kiafrika ni wakati wa uchaguzi hapo uwa na Uzalendo usio na kifani...

Upendo wa viongozi wetu wa kiafrika kwa wananchi wake ni wakati wa uchaguzi, hapo uwa na Upendo usio na kifani...

Hekima za viongozi wetu wa kiafrika huja baada ya kustaafu, hapo hekima uwa wanazo zaidi ya Suleman...

Uchambuzi makini wa kuona uzuri na ubaya wa viongozi kwa wananchi wa kiafrika subiri ustaafu, sahv Jk ni lulu...

Upumbavu na ujinga wa wananchi wa kiafrika, kipimo sahihi wapime wakati wa uchaguzi...

Umasikini ni laana "Ole wa Jamii inayo mchagua kiongozi mwenye fikra za kimasikini" kulia na kusaga meno si adhabu sahihi juu yao....

Safisha nyumba yako kwanza...

Imiza na dumisha upendo ndani mwako kwanza...

Timiza wajibu dai haki yako...




Heri ya mwaka mpya ndugu zangu.
Amani na Upendo vikawe juu yetu ktk mwaka 2017.
Ibarikiwe...
Tanzania
Afrika na
Dunia.

 

[Wakudadavuwa]

Hoja kuntu ya kufungulia mwaka 2017.

 

[Bila bila]

Majid na Pasco mmeongelea kitu kimoja kwa dhana mbili tofauti lkn zenye mlengo mmoja. Kilivhokosekana nchi hii ni Upendo. Kinachoendelea sasa ni kujiinua nafsi kulikopitiliza. Ukiwapenda adui zako watakosa pa kutokea. Kama msikitini na makanisani tunahimizwa kupendana, kujiiunua kunatoka wapi. Acha watu wakuinue lakini unapolazimisha kupendwa na kila mtu kwa kujiinua utaishia kupata aibu mwisho wa safari. Tunapojadili haya kwa mustakabali Wa taifa letu utaona watu wengine watakuja na povu kushambulia utu wa Majid au wa Pasco bila kujali kilichomo katika maoni yao. Wataulizwa elimu, umri hata idadi ya watoto. Tunaangamia kwa kukosa maarifa siyo kwa kukosa elimu. Wenye elimu nchi hii tunao lakini tunakosa wenye maarifa ya kutufikisha tulipodhamiria kama taifa. Tumekosa mtu wa kutuunganisha kwa kutumia tofauti zetu. Tumebaki kujikuza na kila mtu anadhani anaweza peke yake. Nchi haitaendelea kwa mawazo ya mtu mmoja, taasisi moja, Chama kimoja au dini moja. Tanzania ni yetu sote na kila mmoja ana haki sawa na mwingine kuifaidi. Ukichukua hata nusu ya haki ya mwenzio kwa uhasidi huwatendei haki watanzania wote. Turudi tulipojikwaa, kuanza upya si ujinga (Mrisho Mpoto alituasa). Ukimchukia mtu mmoja kwa sababu ya Itikadi yake ya kisiasa unajua unakuwa umekosana na watanzania wangapi? Ukimchukia mtu mmoja kwa sababu ya dini yake unajua una kuwa umekosana na watanzania wangapi? Taifa la chuki haliwezi kupiga hatua kwani MUNGU hakai kati ya wenye chuki. Heri ya mwaka mpya 2017.

 

[Benjamini Netanyahu]

Bila upendo amani haipo isipokuwa hofu, tupendane wote bila kujali tofauti zetu na Mungu atatubariki.

Happy new year 2017

 

[maggid]

Umesema vyema mkuu

Nikiangalia hiyo picha naona kama ni IKOKOTO vile au Viwengi/Lungamatwe

Chaza, shukran, hapo ni juu ya mlima Gangilonga. Unachokiona ni mahame, ya tangu enzi za Azimio la Arusha. Mwenye kibanda hicho alitakiwa kwenda kujiunga na kijiji cha Ujamaa. Tumetoka mbali.

 

[Nnangale]

majid Mungu awe nawe,busara hizi na hekima na wale awape tusonge mbele.

 

[maggid]

majid Mungu awe nawe,busara hizi na hekima na wale awape tusonge mbele.

Amen, shukran sana ndugu Nangale.

 

[Rohombaya]

Dah.. kila mzunguko una ngazi/steji zake....mara nyingi vitendo vyako hutegemea pale ulipo... Ili kupata shamba zuri lazima ung'oe visiki na mizizi yake.... Tatizo kubwa tulilokuwa nalo hapo nyuma ni nidhamu hasa katika matumizi ya mali ya umma na uwajibikaji wa viongozi wetu... Tulitibu kwanza hilo. ...hata mgonjwa mwenye presha ya juu na anayesumbuliwa na magonjwa mengine hushushwa kwanza presha yake ndiyo matibabu mengine huendelea ...
Mwaka Mpya mwema..

 

[Pascal Mayalla]

Mkuu Maggid, nimeguswa hii mistari hivyo nami nimekuwa inspired kuandika kitu.
Asante

Kwa kuanzia, kwanza naunga mkono hoja kuhusu heshima, heshima ni two way traffic, kwa mkubwa aheshimu mdogo na mdogo aheshimu mkubwa, inafanyakazi kwa mtindo wa reciprocity. Heshima ya kweli mzizi wake ni upendo, upendo ndio utangulie kwa watu wote tupendande, bila kujali tofauti zetu, ndipo heshima ya kweli ipatikane, kwenye upendo wa kweli kunakuwa na amani na mshikamano.

Viongozi wa chama tawala wawapende kwa dhati wapinzani, kukiwa na upendo wa dhati, CCM itawaheshimu wapinzani na wapinzani wataiheshimu CCM na kushirikiana nayo kwa pamoja kuleta maendeleo endelevu.

Akitokea kiongozi anayejisikia yeye ndio yeye, kwa vile chama chake kimeshinda uchaguzi na yeye ndie mkuu, basi anajiona yeye ndie kila kitu, yeye ndie alfa na omega wa Tanzanian, na mtu akikohoa tuu kama Lema alivyokohoa kwenye ile ndoto yake, then ataozea jela!. Katiba inatoa haki fulani za msingi sana, halafu anajitokeza mtu mmoja aliyeapa kuilinda hiyo katiba na kuzizuia haki zilizotolewa na katiba, kiongozi wa namna hii haonyeshi dalili ya upendo wa kweli toka moyoni, huu ni ubabe. Tanzania tulizoea viongozi wanaoongoza kwa mifano na kuonyesha njia, na sio mtawala kuongoza kwa kutoa amri, huu ni type ya uongozi ya unyapara type. Nyapara ataheshimiwa na amri zake zitatekelezwa ila hata heshimiwa kwa upendo bali ataheshimiwa kwa heshima ya uoga. Watanzania wote wakiwemo wapinzani, watatii kila amri sio kwa utii wa upendo, bali kwa utii wa nidhamu ya uoga!.

Tanzania ni yetu wote, Tupendane kwa dhati kwa upendo wa kweli, tuheshimiane, tuijenge nchi yetu. Tukipendana, tutaheshimiana na tutashirikiana kuleta maendeleo ya kulijenga taifa letu na kuliletea maendeleo.

Heri ya Mwaka Mpya 2017.

Paskali

Kwa vile leo ni mwisho wa mwaka, nafanya tuu marejeo, niliwa kushauri nini, nini kilifanyika, na matokeo ni nini.
Kwaheri 2020, karibu 2021.
Mimi na familia yangu tawatakia Heri ya Mwaka Mpya.
Paskali

 

[wa stendi]

Kwa vile leo ni mwisho wa mwaka, nafanya tuu marejeo, niliwa kushauri nini, nini kilifanyika, na matokeo ni nini.
Kwaheri 2020, karibu 2021.
Mimi na familia yangu tawatakia Heri ya Mwaka Mpya.
Paskali

Amen mkuu mzidi kubarikiwa

Sent using Jamii Forums mobile app