Neno La Leo: Hata Kama Utakalo Ni Haki Yako, Kama Si Faida kwa Wengi si Haki Kulifanya

[maggid]

Ndugu zangu,

Mwanafalsafa John Rawls anasema; hata kama utakalo ni haki yako ya asili, lakini, kama hilo utakalo halina faida kwa walio wengi, basi, si haki yako kulifanya.

Katika nchi yenye raia wengi wenye kujitambua na kujivunia taifa lao, akitokea mmoja wao, tena mbaya zaidi kiongozi, akasimama hadharani kumdhalilisha kiongozi wao mkuu, tena wa kuchaguliwa, basi, raia hao husikitishwa na hata kufikia kumpuuza raia mwenzao huyo.

Watafanya hivyo kwa vile, hata kama mwenzao huyo alikuwa na haki ya kufanya alilotaka, lakini, kwa raia hao walio wengi, na kwa kuzingatia mila na desturi zao, nao watasikitishwa na kumpuuza mwezao huyo kwa vile takwa la mwenzao huyo halikuwa na faida ya walio wengi, na kwa taifa lao.

Mwanafalsafa mwingine, Benjamin Disraeli, huyu alipata kuwa Waziri Mkuu wa Uingereza, atakumbukwa kwa kauli yake ifuatayo;

" A good leader knows himself and the times". Kwamba kiongozi mzuri hujijua na hujua wakati unaomzunguka.

Na hapa kuna mfano wa kule Marekani, kwenye kuwania Urais kati yake na Obama. John McCain katika moja ya mikutano yake ya kampeni zake aliruhusu maswali kutoka kwa wapiga kura.

Wakatokea watu wawili waliokuwa na mitazamo hasi juu ya Obama.
Mmoja wa wawili wale alimwuliuza McCain kama Obama alikuwa Mwarabu na mwingine akatamka kuwa Obama ni gaidi.

McCain alitumia dakika kadhaa kuwatuliza wapiga kura wale kwa kuwaambia; kuwa Obama ni Mmarekani kama wengine, na kuwa Obama anaishi maisha adilifu ya ndoa na familia yake. McCain akazidi kuongeza, kuwa Obama angeweza kabisa kuwa Rais wa Marekani. Alichofanya McCain ni kumweka mpinzani wake Obama mahali pa salama, kwa maslahi ya Marekani, hata kama watu wale wawili walikuwa na haki ya kufanya walilotaka.

Maneno yale ya McCain yalidhihirisha ni kwa jinsi gain McCain alitanguliza utaifa kwanza na kuacha nyuma maslahi ya kisiasa. McCain aliona hatari iliyokuwepo ya kuruhusu fikra kama zile zenye kuchochea moto wa ubaguzi na kuufanya kupenya na kuota mizizi katika bongo za Wamarekani.

Alisimama pale kumtetea mpinzani wake kwa maana ya Obama, lakini kubwa kabisa, alisimama pale kuitetea misingi ya kidemokrasia ya taifa la Marekani.

Hapo McCain alikuwa ni kiongozi aliyejijua na aliyejua wakati unaomzunguka. Angetetea ujinga ule wa wapiga kura wale, basi, McCain angejivunjia hadhi na heshima yake mbele ya macho ya wengi. Historia ingemkumbuka kwa upuuzi wake huo.

Ndivyo inanavyotakiwa iwe. Na si kwa Marekani tu, hata huku kwetu. Katika nchi zetu hizi tuachane na siasa za misimu na kutanguliza maslahi binafsi na ya vikundi vya wachache.

Ni Neno La Leo.

Maggid Mjengwa.

 

[JokaKuu]

..na ikitokea kiongozi akadhalilisha, na kuwakejeli, wananchi anaowaongoza, jamii inapaswa kuchukua hatua gani?

 

[Kilityme]

Mkuu yule Dc wa uyui bado anaendelea na kazi hajajitengua bado. Kwahiyo acha kujipendekeza nafasi bado ina mwenyewe..!

 

[Shimba ya Buyenze]

Nakukubali sana Maggid. Wewe ni mmoja wa waandishi wachache wanaofikiri. Jinsi tu ulivyowalea makamanda wako na kuwaacha wawe huru kufanya wakitakacho ni mfano wa kuigwa.

Bila shaka hapa unamsema Zitto -mwanasiasa hatari mchumia tumbo na mweneza sumu kwa nchi yetu. Hata wenzake wa UFIPA walimshindwa. Na dhambi ya usaliti ni sawa na kula nyama ya mtu....

 

[Earthmover]

Mkuu yule Dc wa uyui bado anaendelea na kazi hajajitengua bado. Kwahiyo acha kujipendekeza nafasi bado ina mwenyewe..!

.....
.....hahahaha J4 bana

 

[Dozza]

Hapa tulishuhudia Nape, Msukuma na wengine wakimtukana Lowassa jukwaani na Magufuli alishangilia.

 

[Retired]

Maggid, ulishawahi kuandika utumbo humu, you were blasted to the maximum. Leo umerudi tena. Utaifa gani wa huyo unayemsema sijui ni Trump? . Makada wa chama ndio wameshika nafasi zote za kazi na uongozi. Utaifa gani, ni mwendo wa aliye madarakani na "kundi lake". Watu wako mahabusu kwa uonevu, judiciary is no longer working! Katiba inasiginwa, sheria hazifuatwi, haki za binadamu zinavunjwa! Eti kachaguliwa na watu! Unasema utaifa, you must be crazy and cheo monger!

 

[Heci]

Ngoswe na kambo yake tunamuachia ye MWENYEWE

 

[Wakudadavuwa]

Kuntu

 

[MKWEPA KODI]

U-DC wa uyui utawatoa roho mwaka huu

 

[marveljt]

Vipi kuhusu unayesema kachaguliwa akitoa kebehi kwa waliomchagua? Mda mwingine tuwe wakweli,acha kuegemea upande mmoja. Hata kama umechaguliwa siyo fimbo ya kufanya vile ambavyo wewe unataka.

 

[Nguruvi3]

..na ikitokea kiongozi akadhalilisha, na kuwakejeli, wananchi anaowaongoza, jamii inapaswa kuchukua hatua gani?

Kuna kitu kinaitwa 'mutual respect' ikimaanisha kwa kiswahili kuheshimiana

Rais Obama alikuwa anatumia maneno haya ''Treat people the way you want to be treated'
Kuna misemo ya kuongezea inayosema ' talk to people the way you want to be talked'

Na msemo mwingine ' Respect is earned not given'

Uzalendo ni tunu inayogusa kila mmoja katika jamii bila kujali nafasi yake.

Ndicho chombo kinachobeba umoja na utaifa. Uzalendo usitumike kama 'chaka' la kuwabagua wananchi, kwamba wapo wanaopaswa kusimamia uzalendo na wapo wanaopaswa kutumikia uzalendo

Mwananchi asiyemheshimu kiongozi aliyewekwa madarakani na wananchi hana sifa ya uzalendo
Equally, kiongozi asiyewaheshimu waliomweka madarakani hana uzalendo

 

[OKW BOBAN SUNZU]

Magid Mjengwa DC Uyui

 

[Daudi Mchambuzi]

Nakukubali sana Maggid. Wewe ni mmoja wa waandishi wachache wanaofikiri. Jinsi tu ulivyowalea makamanda wako na kuwaacha wawe huru kufanya wakitakacho ni mfano wa kuigwa.

Bila shaka hapa unamsema Zitto -mwanasiasa hatari mchumia tumbo na mweneza sumu kwa nchi yetu. Hata wenzake wa UFIPA walimshindwa. Na dhambi ya usaliti ni sawa na kula nyama ya mtu....

Swali, Je kiongozi aliyechaguliwa na wananchi akisimama na kuwakebehi waliompigia kura tena kwa maneno yasiyo na staha anapaswa kuchukukiwa hatua gani tofauti na kukanywa kwa njia ile-ile aliyoitumia yeye mwenyewe?

 

[Daudi Mchambuzi]

Kuntu

Songwe njaa imeshamiri wananchi wanakula mchwa.

 

[ZILLAHENDER MPEMA]

Akitokea mtu mmoja na kumdharirisha kiongozi hadharani ni kosa,vipi kuhusu kiongizi anayewadharirisha raia wake na kuwatusi hadharani,yeye tumuweke kundi gani?

Falsafa ya ufagio ni unyenyekevu, laiti ufagio ungekuwa na kiburi na majivuno kama ya hawa watawala wetu,dunia hii isingekuwa mahali salama pa kuishi,ingejaa kila aina ya uvundo utokanao na uchafu,lakini kwa unyenyekevu wa fagio,tunaweza kuutumia ufagio kuondolea takataka zote na kuyafanya mazingira yetu kuwa safi.

Ukubwa ni jaa,tulihitaji kiongozi awezaye kutusikiliza na anayekubali kujishusha na kuwasikiliza anaowaongoza,kiongozi asiyeshaurika,anayejiapiza mbele ya umma kuwa atampoteza ndani ya dk.5 yeyote atakaye mpinga,anayewaita watoto wa masikini kuwa ni vilaza huku masikini hao wakitumia neno vilaza dhidi yake wanaishia jela,anayetamani malaika washuke na kuja kuizima mitandao kwa sababu mitandao ni jukwaa linaloujadili utawala wake hivi mtu wa aina hiyo watu wana nini cha kujifunza toka kwake?

Tuwe wakweli,pamoja na kumpa dhamana ya kuwa "Amiri jeshi mkuu", pia tulimpa tunu ya kuwa mfariji mkuu,kiongozi anayeibukia katikati ya majanga na kuwaambia wahanga kuwa tetemeko halijaletwa na serikali yake,serikali yake haina shamba na kauli kadha wa kadha za kebehi dhidi ya umma unaohitaji huruma yake unatarajia nini toka kwa watu wanaosikia maneno yake?

Hivi ni busara kwa kiongozi kuwahoji Wanakagera katika mkutano kuwa wana nini hadi majanga yote yawe kwao?Kwamba ukimwi ulianza kwao,tetemeko kwao,wana kijiji kinaikwa katerero,na wana mto unaitwa mto ngono,hizo ni kauli za kiongozi dhidi ya raia wake?

Tunapaswa kuwaheshimu viongozi wetu,lakini viongozi wetu wanapaswa kuwa wasikivu,wenye busara na watu wanaouchunga ulimi wao,kukiruhusu kinywa kiropoke kila neno bila kujali madhara yawezayo kuletwa na matamko yako ni uthibitisho wa wazi wa kupungukiwa stadi za kiuongozi.Maneno ya hekima na busara yataliunganisha Taifa,lakini matusi,dharau na kiburi vitaliharibu Taifa.

 

[mshunami]

Kwa maoni ya Maggid, Waganda walikuwa na makosa makubwa kumpinga Idd Amin!!!

 

[Chige]

Haya bhana

 

[mlogolaje]

Natamani nijue namna ya kuupata,nisifie nini

 

[Pascal Mayalla]

Kuna kitu kinaitwa 'mutual respect' ikimaanisha kwa kiswahili kuheshimiana

Rais Obama alikuwa anatumia maneno haya ''Treat people the way you want to be treated'
Kuna misemo ya kuongezea inayosema ' talk to people the way you want to be talked'

Na msemo mwingine ' Respect is earned not given'

Uzalendo ni tunu inayogusa kila mmoja katika jamii bila kujali nafasi yake.

Ndicho chombo kinachobeba umoja na utaifa. Uzalendo usitumike kama 'chaka' la kuwabagua wananchi, kwamba wapo wanaopaswa kusimamia uzalendo na wapo wanaopaswa kutumikia uzalendo

Mwananchi asiyemheshimu kiongozi aliyewekwa madarakani na wananchi hana sifa ya uzalendo
Equally, kiongozi asiyewaheshimu waliomweka madarakani hana uzalendo

Mkuu Nguruvi 3, naunga mkono hoja, respect is earned and not forced, ili kiongozi uweze kuheshimika, kwanza ujiheshimu na kuwaheshimu wengine ili ile heshima ikurudie na wewe! .

Ukionyesha dharau, majigambo, kujisikia wewe ndio wewe, wewe ndio Alfa na Omega, watu watakeheshimu machoni kwa sababu wanakuopa lakini moyoni wanakudharau!.

Respect is earned and not forced! .

Paskali