Ndoa hutegemea uwezo wako wa kujiongoza

[Miss Zomboko]

Ndoa huwa siyo mashindano kati ya mke na mume. Mashindano na mabishano ndani ya ndoa yamekuwa yakiwagharimu wanandoa wengi sana. Kwa sababu tu ya kukosa uwezo wa mtu mmoja mmoja ndani ya ndoa wa kujiongoza.

Wapendwa wanandoa, kama mkitaka muishi kwenye ndoa yenu kwa furaha na amani, kwa kupendana, kwa ushuhuda na kuwa kielelezo kwenye jamii yenu. Mnatakiwa kwa kukusudia mioyoni kila mmoja ajichunguze na kuchukua hatua ya kukuza uwezo wake wa kujiongoza, yaani kujizuia.

Uwezo wa kujiongoza ni ile hali ya kutawala hisia zako, kutawala mawazo yako, kutawala tabia zako, kutawala maneno yako, kutawala matendo yako, kutawala ulimbukeni (arrogance) yako, kutawala kiburi chako nk.

Mtu anayejitawala huwa siyo mbishi, siyo mwenye hasira, siyo mjuaji, siyo mwenye mashindano, siyo mbabe, siyo mpenda makuu, huwa ni mnyenyekevu, mwenye kuwatanguliza wengine kabla yake, kamwe huwa hatafuti mambo yake binafsi bali hufanya kwa ajili ya wote nk.

Mtu unapokuwa kwenye ndoa unatakiwa kutambua kuwa ni makampuni mawili tofati kabisa, yameletwa pamoja yakaunda kampuni moja ya pekee sana.

Lakini makampuni hayo mawili huingia kwenye ushirika wenza (partnership) huo, kila kampuni huwa na matarajio yake kwenye huo ushirika, misimamo yake, mila na desturi zake, inaamini mambo gani, na kuna mambo iliyoaminishwa huko itokako juu ya ushirika wenza huo.

Lazima tukubaliane ukweli huu, kuwa mwanaume na mwanamke waliumbwa tofauti. Na tofauti zao huja kukuzwa sana na mila na desturi za kule alikokulia, yaani malezi kutoka kwa wazazi na jamii iliyomzunguka wakati wa makuzi yake.

Kwa hiyo, kama huna uwezo wa kujisimamia, uwezo wa kujiambia wewe mwenyewe kuwa hili hapana na hili ndiyo. Uwezo wa kujiambia hapa kweli nimemkosea mke au mume wangu ngoja niombe msamaha. Uwezo wa kujiambia hapa ngoja ninyamaze. Uwezo wa kujiongoza mwenyewe kabla ya kutaka kuwaongoza wengine nk. Ndoa lazima itakutoa jasho tu.

Kuza uwezo wako wa kujiongoza na kujisimamia, ndipo utaifurahia ndoa yako.

Kuza misuli ya kujizuia kufoka au kukasirika au kununa hata kama ni kweli umekosewa.

Kuza uwezo wako wa kutojihesabia haki kupita kiasi. Hata kama amekosea, msamehe hata kabla hajakuomba msamaha.

 

[radicals]

ujumbe mujarabu huu, umenigusa. Naamini utawagusa wengi pia

 

[MIXOLOGIST]

Hakunaga mwarobaini wa ndoa, kila mtu apambane na hali yake

 

[Sokoro waito]

ndoa ni takatifu na iheshimiwe na watu wote

 

[Karucee]

Na ndoa raha utoe ushauri ukiwa ndani.

Ukiwa ndani yaani safi sana. Unajua where the shoe pinches.

You encourage the unmarried ones to avoid sin and embrace the institute of marriage, you give hope to those in troubled marriages as you work on your own.

 

[Iceman 3D]

Sijaoa ila naamini ndoa haina forumula. kila walio kwenye ndoa wana nguzo zao muhim zinazo shikiria ndoa yao. Ndio maana walio oa au kuolewa hutoa ushauri tofauti kabsa kutoka ndoa moja na nyingine.
Na nikija kuingia kwenye ndoa ntaishi kiformula yangu mwenyewe na ntakaye muoa.

 

[narumuk]

Na ndoa raha utoe ushauri ukiwa ndani.

Ukiwa ndani yaani safi sana. Unajua where the shoe pinches.

You encourage the unmarried ones to avoid sin and embrace the institute of marriage, you give hope to those in troubled marriages as you work on your own.

Hopeful she is also married! Let her (miss zomboko ) confirm first

 

[Nkolandoto]

Usikurupuke kwenye ndoa na kuwa mwongeaji au hujui kuwa mpaka kuna washuri wa ndoa ila ndoa zimewashindaaaa

 

[Determinantor]

My Rose, Rositha wangu @rosemdenye jana tumekupumzisha salama nyumbani Ludewa. Umelala hautaamka wala kurudi tena hata siku ya mwisho kwa imani yetu ya Kikristo. Kwenye ibada yako ya mazishi baba ako mkubwa alokupenda mnooo Father Ngailo alizungumza mambo nitaya-share na ambao hawakuwepo Ludewa mama Gidi. Father alisema haya;
.
WANAWAKE na WASICHANA: ndoa ni jambo la heri ikiwa na heri na sio shari. Father ametukumbusha wanawake na wasichana kuwa tusivumilie matendo ya ukatili tunayofanyiwa na wanaume kwa sababu ya ndoa. Ametuasa sana kuvijua VIASHIRIA vya ukatili kwa sababu huwa hauji ghafla. Amesisitiza wanawake tuondoke haraka sana ndoani tutakapoona hivyo viashiria maana hatukuzaliwa na hawa wanaume....tusisubirie kukutana na ulemavu wa kudumu au kifo. Hata wao kama walezi wa imani wako tayari kusikiliza mashauri haya na kuvunja ndoa za aina hii.
.
WANAUME na WAVULANA: Father amesema tuwajulishe kuwa mkituchoka na mkiwachoka wake zenu waacheni kwa amani na sio kuanza kuwafanyia ukatili. Mruhusu mwanamke aondoke kwako au ondoka wewe na ukaanze maisha hayo mengine kuliko kusababisha ulemavu au kifo. Ulipokabidhiwa mwanamke au binti huyo, wazazi wake walikuamini kuwa utalinda uhai wa mtoto wao. Mrudishe akiwa mzima na sio akiwa maiti au mwenye ulemavu mkubwa.
.
WAZAZI na WALEZI: ifike mahali mtoto wa kike anaporudi nyumbani kuwaeleza kuwa maisha yake yapo hatarini basi aeleweke hivyo. Mzazi uwe tayari kupigania uhai wa mtoto wako wa kike wakati wowote. Imekuwa desturi mzazi kumrudisha mtoto na kumwambia kavumilie ndoani maana ndoa ndivyo zilivyo. Akirudi kwa kupigwa kofi moja tu hiyo ni sababu tosha ya kukujulisha kuwa maisha ya mtoto wako yako hatarini...sababu tosha kuwa anaeishi na mtoto wako ni katili. MTOTO KWA MZAZI HAKUI
.
VIONGOZI WA DINI: umefika wakati ambao viongozi wa dini wanapaswa kubadili mtazamo wao juu ya ndoa. Ndoa yenye ukatili na manyanyaso sio ndoa tena inayopaswa kuendelea kukingiwa kifua. Ifike mahali binti anapokuja kwa viongozi wa dini kuwa yupo tayari kuondoka kwa mumewe kwa sababu ananyanyasika na anafanyiwa ukatili basi asikilizwe. Mwanaume KATILI habadilishwi kwa vikao ambavyo havichukulii umaanani.endelea na MAOMBI huku ukiendelea na maisha mbali naye.
.
Pumzika ROSE [emoji257][emoji257][emoji257][emoji257] @ Ludewa, Njombe

 

[Deleted member 485868]

Haya 3 za mwisho nimezielewa

 

[Ndalilo]

Ndoa haina mwalimu, haina washauri, haina marafiki, haina ndugu, haina wazazi........

Ndoa ina WANANDOA tu.