Dada huna pa kuupeleka huu upendo wako unakostahili?
Hujui kuwa kuna watu watauheshimu na kuuthamini huu upendo wako?
Mbona unaudhalilisha namna hii huu upendo?
Kosa kubwa sana ambalo hua mnajidanganya ni kuwa mnadhani kuwa kuna mtu anaweza kumbadilisha yoyote yule
Ukweli ni kwamba hakuna mtu anaeweza kumbadilisha yoyote yule
Mtu hubadilika mwenyewe akitaka
Kama kuna mtu ambae amembadilisha mtu basi ujue huyo aliyebadilika ni kwasababu za woga fulani tu na siku huo woga ukiisha utaziona rangi zake
Dada sasa mko kwenye uchumba na umeona vituko na unyanyasaji mkubwa kiasi hicho halafu bado unataka kuingia kwenye hiyo ndoa,au unataka kufa?
Kudhani kuwa mtu atabadilika ni kujidanganya dada yangu
Ngoja nikupe siri moja kubwa sana,duniani kuna wajinga wakubwa na wengi sana ambao wao kupendwa ni ishara ya ujinga,hivyo ukimpenda mtu wa aina hiyo ni sawa na kuweka chakula kitamu mbele ya mwendawazimu ataishia kukimwaga chini chakula hicho na kwenda kula jalalani
Huyo bweg.e [samahani kwani sina namna nyingine ya kumuita] anajua kuwa unampenda ndio maana anafanya hayo madudu
Onesha msimamo kwa kufanya yafuatayo:
Sitisha uchumba
Sitisha mipango ya ndoa
Acha kumtembelea
Katisha mawasiliano naye
Yote hayo yafanye kimya kimya,najua utajisikia maumivu sana lakini usiogope wala kutetereka kwani hata sindano nayo inauma lakini inakuponya
Ukiona unapita muda na hakutafuti endelea na maisha yako
Akija kukutafuta mkaushie kwanza hadi umuone ameteseka vya kutosha maana watu wa aina hiyo huwa ni dhaifu sana,kisha kaa nae chini na umuambie namna unavyohitaji mahusiano yenu yawe,kisha weka time frame ya kumkagua
Time frame ni muhimu kwakuwa hao hawakawii kurudia madudu yao,ukimuona amejirekebisha fungua taratibu za ndoa,ukiona hafai tupa kule!!