Bajaji Mpya inauzwa kati ya shilingi milioni 5-6. Unaposema mtumba nadhani unamaanisha uliyotumiwa na mtu hapa nchini, hapo bei haiwezi kutabirika lakini kwa wastani ni kati ya shilingi milioni 3-4. Chini ya bei hiyo basi itakuwa imechoka sana au muuzaji ana shida na pesa ya haraka.
Binafsi sikushauri sana ununue bajaji mtumba labda kama wewe ni fundi wa Bajaji au una uzoefu mkubwa katika biashara hiyo. Ila kama ndio unaanza itakusumbua sana.
Kuhusu faida yake kulinganisha na pikipiki, hapo inategemea na mambo haya.
1/Mazingira unayotaka kufanyia biashara. Kwenye vijiwe vya uhakika mjini, bajaji inalipa zaidi. Na bajaji inataka barabara nzuri kama za lami, kwenye barabara mbovu (Rough) pikipiki ni bora zaidi. Pikipiki inapiga kazi popote japokuwa uhakika wa hesabu wakati mwingine unazingua.
2/Matumizi yako. Kama ni bajaji maana yake utaendesha wewe mwenyewe hivyo una uhakika na chombo chako na faida yako. Ila kama ni bodaboda 3, hapo itahitaji kuajiri pia vijana na ndipo utagundua kuwa vijana wa kitanzania huenda wote wanafanana kiakili, maana utapata maumivu ya kichwa ambayo hujawahi kuyapata maishani mwako.
Je, pikipiki ipi ni bora?
Jibu ni kuwa inategemea na mazingira na tamaduni za eneo husika. Kwa maeneo ya mjini, Boxer ndio utamaduni wake(Luxury, haina mlio mkubwa, haina moshi mbaya, inatumia mafuta kidogo, ni ghali zaidi kuinunua na spear zake ni ghali zaidi).
Kwa maeneo ya nje ya mji, vijijini nk. Kinglion au Fekon ndio mpango mzima. Inapiga mzigo wa hatari na haichoki, ni punda wa kichina.
