Naibu Meya Manispaa ya Iringa, Dady Igogo ajiuzulu

[Hivi punde]

​

Naibu Meya wa Manispaa ya Iringa, Dady Igogo ameandika barua ya kujiuzulu wadhifa wake wa Naibu meya .

Kwamujibu wa barua yake ya Februari 13 aliyoiwasilisha kwa Mstahiki Meya wa Manispaa hiyo, Alex Kimbe, Igogo amedai ameamua kujiuzulu wadhifa huo na kwamba atabakia na wadhifa wake wa udiwani.

Kaimu Mkurugenzi wa Halmashauri ya Manispaa ya Iringa, Omary Mkangama amethibitisha kupokea nakala ya barua ya kujiuzulu kwa naibu meya na kwamba hajatoa sababu za kujiuzulu wadhifa huo.

"Nikweli taarifa hizo ni za kweli, nimepata nakala ya Naibu Meya kujiuzulu wadhifa huo na kubaki diwani kata ya Gangilonga lakini hajatoa sababu za uamuzi wake" amesema Mkangama.

Jitihada za kutafuta Mstahiki Meya wa Manispaa hiyo, Alex Kimbe kuzunguzia taarifa hizo hazikuzaa matunda baada ya simu yake kuita bila kupokelewa.
Pia Igogo naye simu yake imeita bila kupokelewa.

Igogo amejiuzulu nafasi hiyo ya Naibu Meya wakati ambapo waliokuwa madiwani wa Halmashauri hiyo wapatao Tisa wakiwa wamejiuzulu nyazifa zao na kujiunga na CCM.

Kati ya Madiwani waliojiuzulu nyazifa zao ni sita kutoka katika kata na watatu viti maalum.

Kata ambazo waliojiuzulu ni Kata ya Kitwiru ambayo katika Uchaguzi mdogo uliofanyika Novemba 26 aliyekuwa diwani wa kata hiyo Baraka Kimata alifanikiwa kutetea kitu chake safari hii akipeperusha bendera ya CCM.

Kata nyingine ni Kihesa ambao Uchaguzi uliofanyika Januari 13 ambao Juli Sawani CCM ilipita bila kupingwa baada ya vyama Vya upinzani kususia Uchaguzi.

Kata nyingine ambazo ziko wazo hadi sasa ni Kwakilosa, iliyokuwa ikishikiliwa na Joseph Ryata aliyekuwa Naibu Meya, kata ya Mkwawa iliyokuwa ikiongozwa na Osca Kafuka, Mwangata Angelus Mbogo na Ruaha Gabriel Ndes.

 

[Magonjwa Mtambuka]

Ni wa chama gani, mbona unaficha sasa?

 

[mbikagani]

Ni hofu ya kutekwa na kupotezwa.

Watu wanalazimishwa kujiuzulu, vinginevy ni kupigwa na kuteswa.

 

[Mwifwa]

Hiyo barua iko wapi?

 

[chikundi]

Ni hofu ya kutekwa na kupotezwa.

Watu wanalazishwa kujiuzutu, vinginevy ni kupigwa na kuteswa.

Saafi mpk hili genge la wahuni lipotee kwenye ramani ya Tanzania.

 

[Mzee Mwanakijiji]

Kata nyingine ambazo ziko wazo hadi sasa ni Kwakilosa, iliyokuwa ikishikiliwa na Joseph Ryata aliyekuwa Naibu Meya, kata ya Mkwawa iliyokuwa ikiongozwa na Osca Kafuka, Mwangata Angelus Mbogo na Ruaha Gabriel Ndes.

Ndiye huyu kuchaguliwa kwake kulilalamikiwa na mmoja wa madiwani waliojiuzulu?

 

[habari ya hapa]

Hii inamaanisha awamu ya 5 ni mwendo wa chaguzi tu mpaka uchaguzi mkuu utakapofika

 

[ZE NDINDINDI]

Ndiye huyu kuchaguliwa kwake kulilalamikiwa na mmoja wa madiwani waliojiuzulu?

unachotaka kusema ni nini? hali mbaya huku,malaika wenu kavuruga vibaya,watu wako confused kiuchumi,kisocial,kisiasa hadi kipesa

 

[Kadhi Mkuu 1]

Jumla madiwani 9 wamejiuzuru, wameenda CCM. Ukiitisha uchaguzi Saccos haina chao.

 

[Godwin Gastos lumbi]

Kumekucha mwaka huu

 

[minjunjo]

Ni wa chama gani, mbona unaficha sasa?

chadema

 

[Magonjwa Mtambuka]

chadema

Asante kwa kunijulisha.

 

[soine]

Saafi mpk hili genge la wahuni lipotee kwenye ramani ya Tanzania.

Nani mhuni kati ya anayetetea haki ya mnyonge na yule anayeididimiza?

 

[domokaya]

Hii inamaanisha awamu ya 5 ni mwendo wa chaguzi tu mpaka uchaguzi mkuu utakapofika

Kuna ukomo wa muda wa kufanya uchaguzi. Ondoa shaka, hatutakuwa na uchaguzi utaokutana na uchaguzi mkuu ujao.

Haya mambo unapaswa kuyafahamu ndio utasikia raha