Mzee Kingunge N. Mwiru atangaza Rasmi kuachana na CCM

Watanzania wenye upeo mkubwa na walio wengi wamepokea kwa furaha kubwa kwa Mzee wetu Mh.KINGUNGE kutufafanulia jinsi UVUNJWAJI Wa KATIBA ya CCM ulivyofanywa Na VIONGOZI WA JUU WA CCM kwa MAKUSUDI ili kuwanyima HAKI wanachama wengine na kuweka MGOMBEA Wa KULINDA MASLAHI YAO.

Pia tunampongeza Mh.KINGUNGE kwa kutuelimisha kuwa Kwa kuwa Katiba imevunjwa Hata Mgombea aliyepatikana ni BATILI ndani ya CCM kwani amepatikana kwa Katiba iliyovyunjwa.Watanzania CCM imetawala kwa miaka zaidi ya 50,Maisha yetu ni duni sana CCM imekuwa inatudanganya kila chaguzi kuwa Tutaleta maji umeme,ajira lakini hakuna utekelezaji

TUIAMBIE SASA BASI TUFANYE MABADILIKO
 
Miaka ya nyuma wakati tulivyokuwa wadogo, wazee walituambia mkisikia kigunge ametoka ccm mjue mwisho wa chama hicho umefika kwani yule mzee alikuwa hana dini yeye ni katiba ya ccm ndio msahafu wake. Mpaka ilifika wakati watu waliohoji ataapa kwa kitabu gani siku akisimama mahakamani?. Maana yeye ccm ndio msahafu wake ikiwa leo ametoka naamini maneno niliyosikia zamani yatatimia.
 
Wazee tunamuunga mkomo mzee mwenzetu mimi nilijitoa ccm mwez wa saba pale Dom
 
Watanzania wenye upeo mkubwa na walio wengi wamepokea kwa furaha kubwa kwa Mzee wetu Mh. Dr. SLAA kutufafanulia jinsi UVUNJWAJI Wa KATIBA ya CHADEMA ulivyofanywa Na VIONGOZI WA JUU WA CHADEMA kwa MAKUSUDI ili kuwanyima HAKI wanachama wengine na kuweka MGOMBEA Wa KULINDA MASLAHI YAO, NA KUKIUKA MISINGI YA CHAMA.

Pia tunampongeza Mh.DR. SLAA kwa kutuelimisha kuwa Kwa kuwa Katiba imevunjwa Hata Mgombea aliyepatikana ni BATILI ndani ya CHADEMA kwani amepatikana kwa Katiba iliyovyunjwa. Watanzania CHADEMA imekuwa ikisimamia hoja ya UFISADI, hoja ambayo ina mashiko na ndiyo inayoigharimu taifa letu, lakini wao wenyewe ndio wamekuwa wa kwanza kumpokea mkuu wa MAFISADI aje kuwa mgombea wao wa uraisi, HALI ILIYOPELEKEA HATA KUONDOA LIST OF SHAME (ORODHA YA MAFISADI) KWENYE WEBSITE YAO.

TUWAAMBIE CHADEMA TUMESHITUKIA MBINU ZAO CHAFU, NA UROHO WAO WA MADARAKA KWA AJILI YA MATUMBO YAO, NA SIO KWA MANUFAA YA WANANCHI, NA TUFANYE MABADILIKO KWA KUMCHAGUA DR. JOHN POMBE JOSEPH MAGUFULI
#HAPAKAZITU
MAGUFULI 4 CHAANGE
 
wax said:
Wazee tunamuunga mkomo mzee mwenzetu mimi nilijitoa ccm mwez wa saba pale Dom
Click to expand...

Ulifanya vyema kujitoa chama cha CCM na kumfuata fisadi mwenzako chadema, na kwa kuwa sasa mafisadi wote mmetoka, CCM kimebaki salama kwenye mikono ya Magufuli
MAGUFULI 4 CHANGE
#HAPAKAZITU
 
LOVI MEMBE said:
wale waliokubali kupokea majina aliyotoa kikwete toka breast pocket sio wnafiki ila kingunge ambaye amekataa kuona katiba ya chama inavunjwa waziwazi, mara kura za wazi kingunge yamemvunja moyo sana , nyie watu hamjui hata maana ya unafiki. Mimi nakubali ni msaliti wa kikwete kutokana na usaliti wa kikwete kwa chama. Unataka nini. Kingunge ametumia haki yake kwa kuukana udikteta wa ccm wa miaka mingi. Viva kingunge viva mabadiliko. Amesema ameona watu wengi wazee, vijama na wanawake wanataka mabadiliko, naye haoni sababu ya kung'ang'ania chama ambacho kimepoteza muelekeo
Click to expand...
Hakuna lolote, pesa ya Lowassa inamsuta!
 
* MWASISI WA TANU/CCM, MZEE KIGUNGE ATEMA CHECHE

* AJIVUA UANACHAMA WA CCM

* ASEMA CCM IMEBINAFSISHWA


Anasema kamati kuu haiwezi kusema watu watano au sita ni hawa bila kuwasikiliza, kilichotokea mwaka huu ni tofauti kabisa kilichotokea mwaka 1995, safari mwenyekiti ni Jakaya Kikwete, kilichotokea ni jambo kubwa katika historia yetu na mimi katika historia yangu pale ambapo naona kwamba katiba inavunjwa nimekuwa na tabia ya kusema waziwazi na kuwaambia wenzangu si sawa.

Mwaka 1972 nikiwa mkuu wa mkoa Simiyu, kulikuwa na Bunge Dar es Salaam, nikakuta kuna mswada wa kurekebisha katika kuhusiana na swala la wakuu wa mikoa. Mchango wangu uliibua hisia kali na kumwambia mwenyekiti muswada aurudishe maana hatuukubali, kwa upande wa watu walipo serikalini walisema ndio na wabunge wa kuchaguliwa walisema hapana.

Ilipofika zamu yangu nikasema sina upande, wabunge walifurahi sana. Kura zilipohesabiwa serikali ilishindwa kwa mara ya kwanza katika mfumo wa serikali ya chama kimoja. Mzee Kawawa aliniita akasema wewe ni mwenzetu lakini umetuacha, Rais atakubadilisha kazi.

Nilipoitwa na mwalimu nilimueleza kwa nini nilikataa na akasema ningekuwa katika nafasi yako ningepinga lakini mimi ndio naongoza nchi lakini usiwe na wasiwasi. Tukakubaliana na siku ya pili nikatangazwa nimeachishwa uwaziri. Nilifanya uamuzi ule nikijua kabisa naweza kupoteza kazi lakini kwenye masula ya kimsingi huwa sitetereki.

Mimi sikubaliani na mambo yaliyotokea tarehe kumi na kumi na moja Dodoma, kilichotokea ni kuwadhalilisha wagombea wenye haki, kamati kuu ingeweza kuwahoji na kuamua. Hili halikfanyika. wadhalilishwa, wamezungushwa mikoa 15 kwa gharama zao na kuishia mlangoni mwa kamati kuu.

CCM inaamini binadamu wote ni sawa na kila mtu anastahili heshma ya kutambuliwa utu wake, kuwazungusha alafu nyinyi mmefunga mlango, si kuwadhalilisha? Katika nchi yetu hao waliodhalilishwa wamenyamaza moja kwa moja isipokuwa Mwandosya, aliinuka na kusema kwamba kweli wamedhalilishwa na kadhalika.

Nawapongeza Kimbisa, Sophia na Nchimbi kwa kueleza yaliyotokea kamati kuu, tuliingia chama hiki si kwa ajili ya kutafuta cheo na wengine tuliacha kazi kwa mkoloni. Tulitafuta chombo cha ukombozi kwa watanzania na waafrika.

Kwa kuwa uongozi wa sasa wa chama cha mapinduzi kufanya yale wanayotaka wao kwa maslahi ambayo sina hakika ni ya nani, vijana wanatumiwa kudhalilisha watu wazima, watu wanaajiriwa kutukana tu watu, mimi nasema sikubaliani na hiko sio chama tulichoshirikiana kukijenga.

Mimi kuanzia leo naachana na chama cha mapinduzi kwa sababu siwezi kuhimili chama kinachoendeshwa bila kuheshimu katiba kwa sababu katiba ndio inayotuunganisha sisi sote. Sasa nasema kuanzia sasa najitoa chama cha mapinduzi, najua uamuzi wangu utasumbua baadhi ya rafiki zangu, makada wenzangu na wazee wenzangu hata vijana lakini ni uamuzi ambao lazima niufanye kwa sababu vinginevyo mimi nitajisaliti mwenyewe.

Nimehusika kuweka misingi ya chama chetu, ndani ya chama chetu kumekuwa na demokrasia halafu wakuu wanakwenda kutangaza kwenye majukwaa hakukuwa na tatizo lolote, mambo yote yalikuwa sawasawa.

Sikusudii kujiunga na chama kingine chochote na nina sababu, mimi nimekuwa mwanaharakati wa TANU na CCM kwa muda wa miaka 61, nadhani miaka 61 inatosha mimi kuwa mwanaharakati.

Tatu mimi ni raia tena raia huru wa jamuhuri ya muungano wa Tanzania, nna haki zangu za kisisasa na kijamii hivyo nitaendelea misimamo yangu.

Katika hali ya sasa ina makundi mawili, moja linasema kidumu chama tawala maana yake hakuna mabadiliko. Kundi jingine linasema linataka mabadiliko katika nchi yetu, sitaki kusema kundi lipi kubwa lakini nasema hali iko hivyo, kwa jinsi nnavyotazama vijana wanataka mabadiliko ukiondoa vijana wangu wa UVCCM, kina mama walio wengi wanataka mabadiliko, wafanyakazi wakulima, wafugaji, wavuvi, wachimba migodi wadogowadogo najua wengi wao wanataka mabadiliko, wanafunzi hasa wa sekondari ya juu, wa vyuo na vyo vikuu na wasomi wa nchii walio wengi wanataka mabadiliko.

Nilisema siku moja nilipoulizwa nani unamuona anafaa kugombea Urais, niliwaambia kwamba mimi nitamuunga mkono yule ambae ziko dalili zote wananchi wanasema ndie anaefaa. Pia nilisema nilipokuwa na ndugu Lowassa Arusha, Mwalimu alisema ulizeni wananchi wanasema nini?

Katika hili swala la mabadiliko mimi niko upande wa mabadiliko tena mimi nasema wamechelewa, walio wengi wanataka mabadiliko. Mimi nasema niko upande wa mabadiliko kwa sababu ya wale. Katika historia yetu katika TANU na Afro shirazi sisi tulikuwa upande wa mabadiliko.

Tuliungana na hio ilikuwa mabadiliko, mwaka 77 tuliua Afro Shirazi, tuliua TANU na kufanya mabadiliko.
Baada ya kukaa madaraki miaka mingi hatuwezi kuleta jipya pamoja na ahadi za Magufuli, nusu karne ni muda mrefu sana, pumzi, kuongoza nchi na kama kupanda mlima, unafika mahala pumzi zinakwisha, huwezi kuendelea mbele na ukitaka kuendelea wananchi wanabaki palepale walipo.

Tatizo la wananchi ni uchumi, ajira, sasa umasikini unaondolewa na uchumi imara.

Mkapa alitufanyia kazi nzuri kwa kututoa kwenye ukuaji wa asilimia 3 mpaka 4, wakati anakabidhi madaraka ulikuwa unakuwa kwa 7%. Kikwete amepokea madaraka unakuwa kwa 7%, sasa miaka kumi baadae uchumi unakuwa kwa 7%. Maana yake miaka kumi hii tumepiga maktaimu, tumebaki palepale maana yake ni kurudi nyuma.

Idadi ya watu imeongezeka, midomo imeongeza, miguu imeongezeka lakini ukuaji uko palepale, bei ya sukari kwa mfano ni ya kuruka, bei ya sukari Mkapa aliacha 600 sasa inaenda 2000. Nini! Pumzi. Kwenda kwenye maisha bora kunataka pumzi.

Tulianza na maisha bora kwa kila mtanzania lakini sasa hatusemi tena habari hizo, mabadiliko ni muhimu kwelikweli, tupate pumzi mpya. Mnataka mbaki nyinyi tu, nyinyi pumzi imekwisha. Chama kifutike? Hapana lakini kiwekwe benchi kidogo kijitafakari.

Kama hamjadili mambo mtapata wapi mawazo ya kwenda mbele, lazima ukuaji wa uchumi wa nchi angalau ufike 10%. 7% mpaka 10% si mbali lakini miaka kumi tuko palepale. Wachina wamekuwa wakikuza uchumi wao mpaka asilimia 15 na zaidi, na sisi hapa baadhi yetu kama watu watakuwa wanyenyekevu kupata mawazo ya wenzao tutapiga hatua.

Mimi nimekuwa mwenyekiti wa ilani zote za uchaguzi kasoro moja tangu mwaka 90, tatizo la ajiri kwa vijana linaonekana kana kwamba halitatuliki wakati linatatulika, kujiajiri na kutoa mitaji. Wanaotaka kujidanganya kwamba wataleta mabadiliko haya!

Lakini tunaotaka kwenda mbele, kung'ang'ania kwamba lazima wao wawe madarakani mtakuja kujilaumu wenyewe siku moja. Asanteni sana kwa kunisikiliza.

SWALI(Mayage): Kama CCM mngemteua Lowassa, ungayasema hayo ya kusema unataka mabadiliko

Jibu: Mimi wakati wote nimekuwa nina matumaini kwamba ndani ya CCM tunaweza kupata watu wanaoweza kubadili hali ndio maana niliamua kupambana ndani ya chama changu tukaenda mbio kuliko hivi ili hali ya wananchi ibadilike. Mimi nikamuona Edward Lowassa kwa jinsi ninavyomjua, si mtu mgeni katika nchi hii, nikasema tukimpata nchi itakwenda mbio zaidi.

Niliwahi kuzungumza kwanini nilisimama sambamba na Edward Lowassa kule Arusha, nikasema Edward ana sifa kuliko wengi niliowaona, kiongozi lazima akubalike na watu na hii ni principle ya watu tangu TANU, Lowassa anakubalika pamoja kupakaziwa mambo ya ajabu.
 
Hadi uchaguzi tarehe 25 Oct tutashuhudia mengi na hasa baada ya baraza la mawaziri kuvunjwa!
 
You must log in or register to reply here.

Similar Discussions

Back
Top Bottom
Forums
New posts
Post thread
Back