Mwanamke aliyeoa wanaume wawili afariki dunia

[Magari Aina Zote]

MKAZI wa Kijiji cha Ikondamoyo, Wilaya ya Mlele mkoani Katavi, Veronica Salehe (54), aliyeoa wanaume wawili kwa kipindi cha miaka tisa amefariki dunia.

Akizungumza na waandishi wa habari juzi, Mwenyekiti wa Kitongoji cha Ikondamoyo, John Maganga, alisema Veronica alifariki dunia wiki iliyopita mkoani Tabora alikokuwa amekwenda kupatiwa matibabu kwa kaka yake.

Maganga alisema kuwa ndoa hiyo iliwezeshwa na mume mkubwa ambaye alikubali kuishi na mume mdogo.

Alisema kuwa Veronica ndiye aliyewaoa wanaume wote wawili na kuishi nao kwa miaka tisa, na kwamba ndiye aliyekuwa na amri kuu katika nyumba yao.

Aliwataja wanaume hao kuwa ni Paulo Sabuni (62) ambaye ndiye mume mkubwa na Arcado Mlele (47).

Maganga alisema Veronica na mume wake mkubwa, walifika kijijini hapo miaka 24 iliyopita wakitokea Kijiji cha Usumbwa, mpakani mwa Chunya na Tabora.

“Baada ya kufika kijijini hapa, walianza kujishughulisha na shughuli za kilimo na biashara ya kuuza pombe za kienyeji aina ya komoni,” alisema Maganga.

Katika uhai wake, Veronica alibahatika kupata watoto wanne, kati yao wawili wa kike.

Maganga alisema mtoto mdogo wa kiume, ni wa mume mdogo ambaye ana miaka tisa, anayesoma darasa la nne katika Shule ya Msingi Ikondamoyo, na watoto wengine watatu ni wa mume mkubwa.

Kuhusu maisha ya Veronica ya kuishi na wanaume wawili, Maganga alisema haikuwa siri kijijini hapo kwa sababu walizoeleka kwa wanakijiji.

Alisema mume mdogo alikuwa anaishi kwenye nyumba aliyoachiwa na marehemu baba yake, lakini alikuwa akishinda kwa mume mkubwa ambako kulijulikana zaidi kwa jina la ‘nyumba kubwa’.

“Mambo ya kula, kunywa na mengine, mama alikuwa akiwapangia zamu kama afanyavyo mume mwenye wake wengi,” alisema Maganga na kuongeza kuwa wanaume hao walikuwa wanaridhika na kufurahia maisha.

Alisema siku mama akichoka kupika, mume mdogo alikuwa akiingia jikoni na kuwaandalia chakula watoto na mume mkubwa maji ya kuoga.

Wakati wa mazishi, wanaume wote walishiriki shughuli zote, jambo ambalo limeacha maswali mengi kwa jamii.

MUME MKUBWA

Akizungumzia msiba huo, mume mkubwa alisema kuwa amepata pigo kubwa kwa sababu alikuwa anasaidiwa mno na marehemu Veronica kutokana na biashara zake za pombe za kienyeji ambazo zilisaidia kuendesha maisha ya kila siku.

“Veronica aliugua muda wa miezi miwili, nilikuwa namplekea Kituo cha Afya Urwila kupata matibabu, lakini Mungu kampenda zaidi,” alisema.

Chanzo: Mtanzania

 

[odinyo]

Mwenye Mungu amlaze mahala pema na amsemehe alipokosea

 

[Molembe]

Hayo ndio mambo 50/50 sijui Mwenyezi alikosea kuwaumba kama wasaidizi

 

[Jimena]

Marehemu alikuwa Shujaa

 

[timetoloveyourself]

Atafute cha kuenda kujibu kwa Mungu.

Watu mkiambiwa msikufuru mtakuja siku mufe hamsikii.
Mungu amsamehe madhambi yake.

Kila mwanadamu analo la kujibu mbele za Mungu. Na vivyo kila mmoja atakufa tu.
Kifo chake unakihusisha vipi na kitendo chake cha kuishi na wanaume wawili kiuwazi ilhali wapo wanaowapanga wanaume au wanawake tena kisiri tu.
Kila mtu ni mwenye dhambi na kupungukiwa na utukufu wa Mungu.

 

[Inno laka]

Maajabu...

 

[Jimena]

Alikuwa shujaa wakupigwa miti leo huku kesho kule aiseee

Yaani aliamua kuwapanga na zamu kabisaa

 

[UncleBen]

Duuu haya bi mkubwa ulale unapo stahili

 

[bullet]

Sikujua kama polyandry ambayo ni maarufu huko Asia ipo hapa kwetu.

 

[MOTOCHINI]

Haya bwana kwamba haki sawa
Sijui nani mwenye Asilimia ya mtoto!!
Likizaliwa Jizi kila mmoja anamsukumia mwenzie kwenu ndio kuna majizi

 

[ibrahim konga]

Wanaume usipopiga kazi basi jiandaee kuolewa na mwanamke tujifunze apo

 

[Mish Albert]

Aisee dah!!,,

 

[myoyambendi]

sasa sijui wanaume watafungua mirathi mahakamani, maana waliolewa

 

[Idhae]

Mwenyezimungu amlaze panapostahili

 

[chipolopolo 2]

sasa sijui wanaume watafungua mirathi mahakamani, maana waliolewa

Yani mi mwenyewe nashangaa ila watagawana kwa sbb wanapendana . Hiyo jibaba Haina wivu hata kidogo. R .I .P

 

[Mr Hero]

Duh kuishi kwingi kuona mengi

 

[Magari Aina Zote]

Mwenyezimungu amlaze panapostahili

Panapostahili ni wapi??

 

[kunguni wa ulaya]

WANAUME WAWILI WAFIWA NA MKE WAO.

Mkazi wa Kijiji cha Ikondamoyo, Wilaya ya Mlele mkoani Katavi, Veronica Salehe (54), aliyeoa wanaume wawili kwa kipindi cha miaka tisa amefariki dunia.Akizungumza na waandishi wa habari juzi, Mwenyekiti wa Kitongoji cha Ikondamoyo, John Maganga, alisema Veronica alifariki dunia wiki iliyopita mkoani Tabora alikokuwa amekwenda kupatiwa matibabu kwa kaka yake.

Maganga alisema kuwa ndoa hiyo iliwezeshwa na mume mkubwa ambaye alikubali kuishi na mume mdogo.Alisema kuwa Veronica ndiye aliyewaoa wanaume wote wawili na kuishi nao kwa miaka tisa, na kwamba ndiye aliyekuwa na amri kuu katika nyumba yao.

Aliwataja wanaume hao kuwa ni Paulo Sabuni (62) ambaye ndiye mume mkubwa na Arcado Mlele (47).Maganga alisema Veronica na mume wake mkubwa, walifika kijijini hapo miaka 24 iliyopita wakitokea Kijiji cha Usumbwa, mpakani mwa Chunya na Tabora.

“Baada ya kufika kijijini hapa, walianza kujishughulisha na shughuli za kilimo na biashara ya kuuza pombe za kienyeji aina ya komoni,” alisema Maganga.Katika uhai wake, Veronica alibahatika kupata watoto wanne, kati yao wawili wa kike.

Maganga alisema mtoto mdogo wa kiume, ni wa mume mdogo ambaye ana miaka tisa, anayesoma darasa la nne katika Shule ya Msingi Ikondamoyo, na watoto wengine watatu ni wa mume mkubwa.Kuhusu maisha ya Veronica ya kuishi na wanaume wawili, Maganga alisema haikuwa siri kijijini hapo kwa sababu walizoeleka kwa wanakijiji.Alisema mume mdogo alikuwa anaishi kwenye nyumba aliyoachiwa na marehemu baba yake, lakini alikuwa akishinda kwa mume mkubwa ambako kulijulikana zaidi kwa jina la ‘nyumba kubwa’.“Mambo ya kula, kunywa na mengine, mama alikuwa akiwapangia zamu kama afanyavyo mume mwenye wake wengi,” alisema Maganga na kuongeza kuwa wanaume hao walikuwa wanaridhika na kufurahia maisha.

Alisema siku mama akichoka kupika, mume mdogo alikuwa akiingia jikoni na kuwaandalia chakula watoto na mume mkubwa maji ya kuoga.Wakati wa mazishi, wanaume wote walishiriki shughuli zote, jambo ambalo limeacha maswali mengi kwa jamii
TIMES FM

 

[miss chagga]

Alikuwa shujaa wakupigwa miti leo huku kesho kule aiseee

yaani alikuwa ndiyo dume lao ndani.. mume mdogo anapikilishwa na zamu juu .

 

[miss chagga]

nasubiria kipengele cha kugawana mirathi .. nawaza kwa sauti hapa kama mume mdogo alikuwa anapika na kumuandalia mume mkubwa maji ya kuoga si ndiyo sasa atakuwa mke .. maneno haya hayana adabu sijui kama wataacha kulana uwiiiii