Mvungi: Kafulila anashauriwa na 'shetani'

[EasyFit]

Akizungumza na waandishi wa habari Dar es Salaam jana, Mkuu wa Idara ya Katiba na Sheria wa chama hicho, Dk. Sengondo Mvungi,
Alisema chama hicho kinasikitishwa na hatua ya mahakama kwa kuwa kinafahamu kuwa uamuzi huo umembomolea nyumba yake mwenyewe Kafulila huku kukiwa na ‘shetani’ anayemshauri.

“Sisi tunasema aendelee kushauriwa tutafika tu,” alisema Dk. Mvungi.

“Taarifa za agizo hilo tumezisikia kupitia watu wetu waliotupigia simu na wao habari hizo walizipata kwenye mtandao, sijui walimshawishi vipi Jaji, lakini sisi hili hatutashughulika nalo tena kwa kuwa amri hii imemuweka huyo Kafulila mwenyewe pabaya bila kujijua,” alisema Dk. Mvungi.

::HabariLeo

 

[KIM KARDASH]

Nilishangazwa na ukimya wa mwalimu mvungi kwenye sakata zima la kafulila na nccr toka mwanzo,kumbe lilikua halijafika kwenye angle yake,sasa ndio limemfikia..

 

[Kiranga]

Lugha ya "shetani" ni ya kichungaji zaidi kuliko ya mwanasheria.

 

[Feedback]

Lugha ya "shetani" ni ya kichungaji zaidi kuliko ya mwanasheria.

Kwa nini unasema hivyo.

 

[nngu007]

Imeandikwa na Halima Mlacha; Tarehe: 28th December 2011 @ 14:50 - Habari Leo


CHAMA cha NCCR-Mageuzi kimesema kitendo cha Mbunge wa Kigoma, Kusini David Kafulila na wenzake kuweka pingamizi la Mahakama, kuzuia hatua yoyote isichukuliwe kuhusu uamuzi wa Halmashauri Kuu ya Chama kumsimamisha uanachama, ni sawa na kujimaliza mwenyewe.

Pia chama hicho kimesema kufuatia amri hiyo kimefungwa mikono hivyo kinasimamisha hatua zozote kilichoanza kuchukua katika kutafuta suluhu ya suala hilo.

Akizungumza na waandishi wa habari Dar es Salaam jana, Mkuu wa Idara ya Katiba na Sheria wa chama hicho, Dk. Sengondo Mvungi, alisema hata hivyo chama hicho kimeshangazwa na agizo hilo la Mahakama Kuu ambalo limesikiliza upande mmoja wa Kafulila pekee.

"Taarifa za agizo hilo tumezisikia kupitia watu wetu waliotupigia simu na wao habari hizo walizipata kwenye mtandao, sijui walimshawishi vipi Jaji, lakini sisi hili hatutashughulika nalo tena kwa kuwa amri hii imemuweka huyo Kafulila mwenyewe pabaya bila kujijua," alisema Dk. Mvungi.

Akifafanua kuhusu hilo, alisema mara baada ya kikao cha Desemba 17, mwaka huu kumvua uanachama Kafulila na wenzake watatu, kuwavua wanachama wengine madaraka watatu na 17 kupewa onyo kali, siku hiyo hiyo, Kafulila aliandika barua kwa Mwenyekiti wa Taifa, James Mbatia akiomba uamuzi huo urejewe.

Alinukuu barua ya Kafulila iliyosema "kutokana na uamuzi wa Halmashauri Kuu ya Taifa kuniondoa uanachama kwa unyenyekevu mkubwa naomba niwasilishe ombi kwa Halmashauri kwa misingi kuwa nimejitetea vya kutosha, nimeomba radhi kwa niliyokosea chama, Mwenyekiti na Katibu Mkuu…."

Alisema kutokana na barua hiyo, chama hicho tayari kilishaanza maandalizi ya kuandaa Mkutano wa Halmashauri hiyo, lakini baada ya amri hiyo ya Mahakama, mkutano huo itabidi usitishwe hadi hapo kesi ya msingi itakapomaliza kusikilizwa.

"Nawaambia kwa amri hii Kafulila amekula sumu, ilikuwa halmashauri ikutane na kurejea tena uamuzi wetu dhidi yake na wenzake, lakini kwa amri hii ya Mahakama haiwezi kukutana na sasa tumefungwa mikono, na tunaendelea na uamuzi wetu wa kumsimamisha hatutachukua uamuzi mwingine hadi kesi ya msingi iishe," alisema Mwanasheria huyo maarufu.

Alisema chama hicho kinasikitishwa na hatua hiyo kwa kuwa kinafahamu kuwa uamuzi huo wa Mahakama umembomolea nyumba yake mwenyewe Kafulila huku kukiwa na ‘shetani' anayemshauri.

"Sisi tunasema aendelee kushauriwa tutafika tu," alisema Dk. Mvungi.

Alisema anashangazwa na wale wanaoshangilia huku akivishutumu vyombo vya habari kushabikia amri hiyo ya Mahakama na kudai kuwa uamuzi wa chama hicho kumsimamisha Kafulila, haukuwa wa kukurupuka na wala chama hicho hakikuufurahia.

"Kwa masikitiko makubwa tumezuiliwa tusimsaidie Kafulila na wenzake na tunafurahi uamuzi wetu wa kumsimamisha uanachama haujatenguliwa na Mahakama kama inavyodaiwa, tunachosubiri ni kukutana mahakamani Januari 21, mwakani," aliongeza.

Juzi Mahakama Kuu kupitia Jaji Alis Chingwile ilitoa amri ya kusitisha kutekelezwa kwa uamuzi wa Halmashauri Kuu ya NCCR wa kumsimamisha Kafulila hadi kesi aliyoifungua itakapomalizika.

Katika kesi hiyo, mbunge huyo anasimamiwa na Wakili Daniel Welwel.

 

[mpayukaji]

Lugha ya sheria ni ipi? Learned brother "know all". Hata mie naamini huyu jamaa amepagawa kutokana na kuutema ulaji wa dezo. Kimsingi, Kafulila is fighting a losing battle. In the end he will bite the dust comprehensively so to speak. He crossed Rubicon without being aware. Let him now face the music.

 

[mpayukaji]

Kwanini Kafulia hataki kukubali ukweli kuwa amefulia na hawezi kujinasua? Kafulia go back to square one and divise new strategies if you have any. Otherwise you are a kicking ass. Shame on you for not underscoring that what you did to CHADEMA was totally ungentlemanly.

 

[oldonyo]

Hapo ndipo siasa huwa chungu kwao na ndio mwanzo wa kufulia yeye kama aliwasilisha barua kwenye Nec ya nccr kwanini hakusubiri uamuzi kutolewa na ndo akaenda mahakamani?sasa ndo hatajua mshahala wa dhambi ni mauti.

 

[Rutashubanyuma]

"Nawaambia kwa amri hii Kafulila amekula sumu, ilikuwa halmashauri ikutane na kurejea tena uamuzi wetu dhidi yake na wenzake, lakini kwa amri hii ya Mahakama haiwezi kukutana na sasa tumefungwa mikono, na tunaendelea na uamuzi wetu wa kumsimamisha hatutachukua uamuzi mwingine hadi kesi ya msingi iishe," alisema Mwanasheria huyo maarufu.

Alisema chama hicho kinasikitishwa na hatua hiyo kwa kuwa kinafahamu kuwa uamuzi huo wa Mahakama umembomolea nyumba yake mwenyewe Kafulila huku kukiwa na ‘shetani' anayemshauri.

"Sisi tunasema aendelee kushauriwa tutafika tu," alisema Dk. Mvungi.

huyu Dr. Mvungi sijui sheria kama anazifahamu vizuri...................au ni cheo tu cha udaktari......................yawaje Halmashauri kuu tena irudie maamuzi yake yenyewe.................yaani ikubali kula matapishi yake yenyewe...........alichofanya Kafulila kiko wazi kabisa hana imani kuwa NCCR itamtendea haki na mahakama tu ndicho chombo cha kuwasikiliza wanyonge........

Hadi kesi ya kimsingi isikilizwe utakuta tumekwishaingia kwenye 2015...................na njama za kumvua ubunge kafulila zitakuwa zimeota mbawa.................................na hilo ndilo lengo hapo...........................kesi za bongo hazzishi leo wala kesho..........ni miaka 10 na kuendelea.........

 

[Mzito Kabwela]

Huyu Mvungi mpuuzi nini? Atasemaje wanataka kurejea uamuzi wa Nec yao wakati yule mpuuzi mwingine anayeitwa Ruhuza Samwel alishamwandikia barua spika kuhusu uamuzi wao? Ruhuza amenukuliwa mara kadhaa kuwa kashamwandikia barua spika na suala la Kafulila limeshafungwa Mbinguni na Duniani sasa huo uamuzi wa kurejea 'hukumu' kafulila angeusubiria wapi?

 

[kingadvisor]

Akizungumza na waandishi wa habari Dar es Salaam jana, Mkuu wa Idara ya Katiba na Sheria wa chama hicho, Dk. Sengondo Mvungi,
Alisema chama hicho kinasikitishwa na hatua ya mahakama kwa kuwa kinafahamu kuwa uamuzi huo umembomolea nyumba yake mwenyewe Kafulila huku kukiwa na ‘shetani’ anayemshauri.

::HabariLeo

Hivi Shetani anatambuliwa siku hizi kwenye fani ya wanasheria hadi anaweza kuwa quoted na mtaalamu aliyebobea kama DK.Mvungi? je Dk Mvungi anaweza kumwita kutoa ushahidi mahakamani huyo shetani kuthibitisha kuwa yeye ni mshauri wa kafulila.

Kama hadi magwiji wa sheria wanaamini kuna mashetani ambao ni washauri wa wabunge fani ya uanasheria iya wazawa iko hatarini.

 

[Possibles]

Je imekuwaje huyo 'shetani' hakujionyesha katika kikao cha kamati kuu na sasa wanamuona wakati mahakama inapom-favor \kafulila over the party. Ina maana wao hawana 'shetani'!? Ni mawazo gani yanayopendekeza kuwa aombaye msamaha ASISAMEHEWE kama si ya 'shetani'!?

 

[Selous]

Hapa wakuu niaje?

UAMUZI uliotolewa na Mahakama Kuu Kanda ya Dar es Salaam wa kukizuia Chama cha NCCR-Mageuzi kutekeleza maazimio ya kumvua uanachama Mbunge wa Jimbo la Kigoma Kusini, David Kafulila, umekivuruga chama hicho. Hali hiyo imedhihirika jana baada ya Katibu wa Idara ya Katiba na Sheria wa chama hicho, Dk. Sengondo Mvungi, kumshambulia Wakili Daniel Welwe anayemtetea Kafulila na vyombo vya habari kwa madai ya kupotosha maamuzi ya Mahakama Kuu. Dk. Mvungi katika mkutano na waandishi wa habari jana, alilaumu kauli ya wakili Welwel kwamba Jaji Alise Chinguile wa Mahakama Kuu Kanda ya Dar es Salaam, katika kesi ndogo Na. 218/2011 alikuwa ametoa amri ya kuzuia utekelezaji wa uamuzi wa NEC ya chama hicho wa kumvua uanachama Kafulila. "Nyie waandishi wa habari hivi mmefikia hatua sasa ya kuchakachua hata amri za mahakama? Kumbukeni hata vita ya wenyewe kwa wenyewe iliyotokea Rwanda waandishi wa habari walishiriki kuleta machafuko yale, sasa nataka niwaeleze jambo moja mfahamu kuwa hii Tanzania ni yetu sote na kamwe mimi na chama changu hatuwezi kuona mnachakachua hata amri za mahakama halafu tunanyamaza kimya," alisema Dk. Mvungi kwa ukali. Dk. Mvungi alidai kuwa hakuna hati yoyote ya kubatilisha maamuzi ya Halmashauri Kuu ya Taifa ya chama hicho yaliyotolewa Desemba 17, mwaka huu na kwamba suala la kuamuru upande wao usifanye jambo zaidi lililoamriwa na chama hakina tatizo nalo. "Ni vema ieleweke wazi kwamba hakuna amri yoyote ya mahakama iliyotolewa ya kuwabakiza waliovuliwa uanachama katika chama. Wala hakuna amri ya kuwafutia adhabu yoyote waliyopewa wale waliodhibiwa. Hivyo maamuzi ya NEC yatabaki kuwa sahihi na halali kwa mujibu wa sheria za nchi mpaka pale ambapo mahakama itaamua vinginevyo. "Msimamo wa chama chetu kwa sasa ni kwamba maamuzi yake ya NEC ambayo yalimvua uanachama Kafulila bado hayajatenguliwa wala kujadiliwa na mahakama yoyote ile. Isipokuwa kwa sasa tumepokea amri ya Mahakama Kuu ikizuia chama kisiendelee na hatua zaidi dhidi ya Kafulila na wenzake walioshirikiana kushitaki chama kwenye kesi namba 218/2011 mpaka shauri la msingi litakapoamriwa," alisema Dk. Mvungi. Alisema chama chake hakitapinga amri hiyo ya mahakama licha ya kutolewa bila wadaiwa ambao ni NCCR-Mageuzi na Mwenyekiti wake, James Mbatia, kujulishwa wala kupewa wito wa mahakama kuwa Kafulila amewafungulia kesi. Aliongeza kuwa NCCR-Mageuzi wameshangazwa na hatua ya mahakama ya kusikiliza ombi hilo bila ya wao kuitwa ili wajitetee na kwamba wameamua kuwa watahudhuria kwenye kesi kubwa itakayotajwa Februari 21, mwaka huu. Hata hivyo, Wakili Welwel alisema shutuma za Dk. Mvungi hazina msingi na yeye kama mwanasheria anajua wajibu wake kikamilifu. Alisema kuwa kilichoandikwa na kutangazwa na vyombo vya habari jana kuhusu amri ya Jaji Chinguile ni sahihi na kwamba hakuna upotoshwaji wowote uliofanywa. "Hakuna upotoshaji wowote uliofanywa…tunachotofautiana na wakili mwenzangu ni kwamba yeye ni mwanasheria na mwanasiasa pia. Mimi si mwanasiasa. " Mahakama imewazuia kutofanya chochote kuhusiana na maamuzi yao ya kumvua Kafulila uanachama. Sasa hapo kuna upotoshaji gani? alisema Wakili Welwel. Kafulila afurahia uamuzi wa mahakama Kwa upande wake, Mbunge wa Kigoma Kusini, David Kafulila, amesema uamuzi wa Mahakama Kuu wa kumrejeshea ubunge wake huku akisubiri uamuzi wa kesi ya msingi ni mwanzo mzuri wa sheria. Kafulila ambaye alivuliwa uanachama wa NCCR-Mageuzi kwenye kikao cha Halmashauri Kuu (NEC) ya chama hicho kilichoketi mapema mwezi huu, alisema anajua haki zake atazipata kisheria. "Huu ni mwanzo mzuri wa kisheria, naamini tunakwenda vizuri na hatimaye haki zaidi itapatikana," alisema. Kafulila ambaye alikuwa akizungumza kwa umakini kuogopa kuingilia uhuru wa mahakama, alisema yaliyotokea kwake ni changamoto kubwa ndani ya vyama vya siasa. Alisema haya yanayotokea yana mwisho wake, lakini alisisitiza ni wakati muafaka kwa viongozi wa vyama vya siasa kujifunza siasa. Ijumaa wiki iliyopita Kafulila alifungua kesi ya madai Mahakama Kuu dhidi ya chama chake na Mwenyekiti wake wa Taifa, James Mbatia, kupinga uhalali wa kikao cha NEC ya NCCR-Mageuzi kilichokaa Desemba 17, mwaka huu na kumvua uanachama. Kikao hicho mbali ya mambo mengine, kilimvua uanachama mbunge huyo kwa madai ya utovu wa nidhamu na kukiuka kanuni na taratibu za chama hicho. Katika uamuzi wake, Jaji wa Mahakama Kuu, Alise Chinguile alisema baada ya kupitia maelezo ya wakili wa mlalamikaji, Daniel Welwe, alisema amefikia uamuzi huo baada ya kusikiliza na kuridhishwa na hoja za wakili huyo. Kesi hiyo imepangwa kutajwa Februari 21, mwakani.

[TD="bgcolor: #ffffff"]

Kafulila aivuruga NCCR-Mageuzi • Mawakili watunishiana misuli na Happiness Katabazi

[/TD]
[TD="width: 140, bgcolor: #ffffff"] [/TD]

 

[Selous]

Imetoka kwa gazeti la mwananchi, je huu ndo ushetani? Kwa Mbatia, Msajili wa Vyama na Mahakama.

Akizungumzia suala hilo, Naibu Spika wa Bunge, Job Ndugai aliliambia gazeti dada la Mwananchi, The Citizen kwamba mahakama haiwezi kuiandikia barua Bunge kulitaka lisitoe uamuzi kuhusu Kafulila.

Alisema Mahakama inaweza kuiandikia barua NCCR na kuitaka iliandikie Bunge barua kusitisha utekelezaji wa suala lake.

Alipoulizwa kama Bunge litaendelea na taratibu za barua ya NCCR ya kumvua uanachama Kafulila, Ndugai alisema: "Bunge litaendelea na taratibu zake kama kawaida."

Halmashauri Kuu ya NCCR-Mageuzi, ilimvua uanachama Kafulila, Desemba 18, mwaka huu, siku 10 baada ya kumwengua kwenye nafasi ya Katibu Mwenezi wa chama hicho kwa tuhuma za kutoa siri za chama.

Baada ya uamuzi huo, Kafulila aliandika barua kwa Mwenyekiti wa chama hicho, James Mbatia akiomba kikao cha Halmashauri kuu kiitishwe tena kurejea uamuzi wake na baadaye kuwasilisha malalamiko yake kwa Msajili wa Vyama vya Siasa ambaye alikiandikia chama hicho barua kutaka ufafanuzi wa malalamiko ya mbunge huyo kisha alikwenda Mahakama Kuu kuomba amri ya kuzuia utekelezaji wa uamuzi dhidi yake baada ya kufungua kesi ya kupinga kuvuliwa uanachama.

 

[POMPO]

Kafulila mshauri wake ni Zitto kumbe Zitto ndio nanihi... duh! bora Mvungi umetujuza nasi tutamwepuka Zitto

 

[Feedback]

Kafulila mshauri wake ni Zitto kumbe Zitto ndio nanihi... duh! bora Mvungi umetujuza nasi tutamwepuka Zitto

Namshauri Zitto awe anafikiria mara mbilimbili kabla ya kukimbilia FB.

 

[Jephta2003]

Let him fight for his life,walitaka afe kibudu bila kuparangana?,go kafulila go!

 

[SAGAI GALGANO]

Na mweyekiti wa NCCR anashauriwa na David Cameron aka David Matakka.

 

[Lokissa]

Mvungi kaongea neno hilo kama mwanasiasa na sio kama mwanasheria.
we dont believe the existence of devil ktk tasnia ya sheria.

 

[MKUNGA]

Huwa namkubali Mwl. wangu Dr. Mvungi, nadhani yeye ndio anastahili kuwa Mwenyekiti wa NCCR lakini kwa hivi vyama vyetu vilivyojaa umangimeza 'kichwa' kama Mvungi kinakua Mkuu wa ka idara. Tutafika?