kitambiheshima
JF-Expert Member
- May 27, 2013
- 452
- 116
Imezoeleka kusikia watu wakiwapima marais waliofuata baada ya Mwl. Nyerere kwa kuonesha kuwa kuwa wao si lolote ikilinganishwa na utendaji wa Mwalimu.
Sina ubishi juu ya kazi kubwa aliyoifanya Nyerere katika kuwaunganisha watanzania na kujenga misingi ya utu na amani ya taifa kwa ujumla. Aidha jitihada za mwalimu kuifanya Afrika ijitambue na kujikomboa kutoka katika makucha ya ukoloni, ni kazi ambayo haiwezi kubezwa hata kidogo.
Mwalimu kwa wakati wake alifanya yale aliyoyafanya kulingana na wakati na mahitaji ya jamii wakati huo. Mathalani, watanzania wakiwa milioni 16 Nyerere aliweza kuwapa elimu bure na afya bure. Wakati wa njaa watu walipanga foleni kupokea bulga na maziwa ya kopo bure.
Wakati wote Nyerere alihimiza amani miongoni mwa wananchi. Wakati huo hakukuwa na utitiri wa vyombo vya habari na mitandao. Kulikuwa radio Tanzania tu. Ilikuwa rahisi sana kwa Mwalimu kupenyeza jambo lolote kwa wananchi nao wakalipokea kama lilivyo na kuliamini. Hawakuwa na mbadala wa kulinganishia usahihi na umaantiki wa yale wanayoambiwa. Hali hiyo, ilichangia sana kumweka Mwl kwenye chati za juu.
Hata hivyo ninaamini Mwalimu alisoma alama za nyakati. Aligundua kuwa utawala wake ulikuwa unaelekea kwenye changamoto kubwa za mabadiliko ya kisiasa, kiuchumi, kiutamaduni na kijamii hivyo akaamua kung'atuka ili kupisha mabadiliko hayo.
Ndugu zangu tuliona jinsi Mwinyi alivyojaribu kuifungua Tanzania kiteknolojia, kisiasa na kiuchumi. Ni wakati wa Mwinyi watu walianza walau kuvaa mitumba badala ya kaniki. TV zilianza kumilikiwa na wananchi wakati wa Mwinyi. Kiujumla Mwinyi aliitoa nchi tongotongo. Hata hivyo zilijitokeza changamoto kama ilivyokuwa kwa Mwl, Mwinyi alizidisha uholela kiasi kwamba serikali ilikosa authority ya kiutawala. Watu binafsi walikuwa na nguvu kuliko serikali.
Kilikuja kipindi cha Benjamin Mkapa.ambaye aliifungua zaidi nchi kiuchumi. Ben alichagua uwekezaji wa wageni zaidi ya wenyeji baada ya kugundua kuwa.Watanzania wazalendo wengi wao si waadilifu (mifano ipo kwa viwanda mbalimbali ambavyo Mwalimu aliviweka chini ya usimamizi wa wazawa wakavifilisi hadi vikafungwa mfn Mutex, mashirika mengine ya umma). Hakuna ubishi kuwa kulikuwa na makosa fulanifulani ktk uwekezaji huo hasa kwenye mikataba. Lakini kwa kiasi kikubwa uwekezaji wa Ben uliiwezesha nchi kuwa na uwezo wa kulipa madeni na serikali kurudisha heshima ya kiuchumi . Changamoto ya idadi kubwa ya watu iliyoambatana na ushiriki mdogo katika uwekezaji wa ndani ukawa bado mtihani kwa serikali ya Ben.
Ameingia Kikwete nae amefanya yake mazuri mengi. Mfano Kikwete, ktk mazingira ya changamoto.ya miundombinu amefanikiwa kuiunganisha 3/4 ya nchi kwa mtandao wa barabara za lami, ametanua wigo wa haki ya kila mtanzania kupata elimu kwa kuongeza wingi wa shule za sekondari na vyuo vikuu. Ameruhusu uwekezaji wa sekta binafsi ambazo zimesaidia kupunguza tatizo la.ukosefu wa ajira kwa vijana. Amethubutu kuwaonesha watanzania kuwa mambo makuba kama mabadiliko ya katiba, vitambulisho vya taifa, mpambano dhidi ya uhalifu na ulinzi wa mipaka.yetu vinawezekana. Mambo hayo ameyafanya kwa ustadi mkubwa. Katika kipindi chake uhuru wa mtu kutoa maoni na uhuru kwa wapinzani wa serikali iliyoko madarakani umetolewa kwa zaidi ya 100'/,. Ikumbukwe kuwa Kikwete ametawala katika kipindi ambacho kikundi kidogo cha watu kilikuwa kimedhamiria kuhakikisha nchi haitawaliki. Kikundi hiki kilijidhatiti kwa misaada ya "wakubwa", lakini jamaa "alisimama".
Hivyo kwa maelezo hayo, niwaombe ndugu zangu watanzania tutende haki tunapowapima marais wengine wa tanzania tunapowalinganisha na Rais wa kwanza Mwalimu Nyerere. Tuwapime kwa kuzingatia changamoto za kila mmoja kwa wakati wake.
Sina ubishi juu ya kazi kubwa aliyoifanya Nyerere katika kuwaunganisha watanzania na kujenga misingi ya utu na amani ya taifa kwa ujumla. Aidha jitihada za mwalimu kuifanya Afrika ijitambue na kujikomboa kutoka katika makucha ya ukoloni, ni kazi ambayo haiwezi kubezwa hata kidogo.
Mwalimu kwa wakati wake alifanya yale aliyoyafanya kulingana na wakati na mahitaji ya jamii wakati huo. Mathalani, watanzania wakiwa milioni 16 Nyerere aliweza kuwapa elimu bure na afya bure. Wakati wa njaa watu walipanga foleni kupokea bulga na maziwa ya kopo bure.
Wakati wote Nyerere alihimiza amani miongoni mwa wananchi. Wakati huo hakukuwa na utitiri wa vyombo vya habari na mitandao. Kulikuwa radio Tanzania tu. Ilikuwa rahisi sana kwa Mwalimu kupenyeza jambo lolote kwa wananchi nao wakalipokea kama lilivyo na kuliamini. Hawakuwa na mbadala wa kulinganishia usahihi na umaantiki wa yale wanayoambiwa. Hali hiyo, ilichangia sana kumweka Mwl kwenye chati za juu.
Hata hivyo ninaamini Mwalimu alisoma alama za nyakati. Aligundua kuwa utawala wake ulikuwa unaelekea kwenye changamoto kubwa za mabadiliko ya kisiasa, kiuchumi, kiutamaduni na kijamii hivyo akaamua kung'atuka ili kupisha mabadiliko hayo.
Ndugu zangu tuliona jinsi Mwinyi alivyojaribu kuifungua Tanzania kiteknolojia, kisiasa na kiuchumi. Ni wakati wa Mwinyi watu walianza walau kuvaa mitumba badala ya kaniki. TV zilianza kumilikiwa na wananchi wakati wa Mwinyi. Kiujumla Mwinyi aliitoa nchi tongotongo. Hata hivyo zilijitokeza changamoto kama ilivyokuwa kwa Mwl, Mwinyi alizidisha uholela kiasi kwamba serikali ilikosa authority ya kiutawala. Watu binafsi walikuwa na nguvu kuliko serikali.
Kilikuja kipindi cha Benjamin Mkapa.ambaye aliifungua zaidi nchi kiuchumi. Ben alichagua uwekezaji wa wageni zaidi ya wenyeji baada ya kugundua kuwa.Watanzania wazalendo wengi wao si waadilifu (mifano ipo kwa viwanda mbalimbali ambavyo Mwalimu aliviweka chini ya usimamizi wa wazawa wakavifilisi hadi vikafungwa mfn Mutex, mashirika mengine ya umma). Hakuna ubishi kuwa kulikuwa na makosa fulanifulani ktk uwekezaji huo hasa kwenye mikataba. Lakini kwa kiasi kikubwa uwekezaji wa Ben uliiwezesha nchi kuwa na uwezo wa kulipa madeni na serikali kurudisha heshima ya kiuchumi . Changamoto ya idadi kubwa ya watu iliyoambatana na ushiriki mdogo katika uwekezaji wa ndani ukawa bado mtihani kwa serikali ya Ben.
Ameingia Kikwete nae amefanya yake mazuri mengi. Mfano Kikwete, ktk mazingira ya changamoto.ya miundombinu amefanikiwa kuiunganisha 3/4 ya nchi kwa mtandao wa barabara za lami, ametanua wigo wa haki ya kila mtanzania kupata elimu kwa kuongeza wingi wa shule za sekondari na vyuo vikuu. Ameruhusu uwekezaji wa sekta binafsi ambazo zimesaidia kupunguza tatizo la.ukosefu wa ajira kwa vijana. Amethubutu kuwaonesha watanzania kuwa mambo makuba kama mabadiliko ya katiba, vitambulisho vya taifa, mpambano dhidi ya uhalifu na ulinzi wa mipaka.yetu vinawezekana. Mambo hayo ameyafanya kwa ustadi mkubwa. Katika kipindi chake uhuru wa mtu kutoa maoni na uhuru kwa wapinzani wa serikali iliyoko madarakani umetolewa kwa zaidi ya 100'/,. Ikumbukwe kuwa Kikwete ametawala katika kipindi ambacho kikundi kidogo cha watu kilikuwa kimedhamiria kuhakikisha nchi haitawaliki. Kikundi hiki kilijidhatiti kwa misaada ya "wakubwa", lakini jamaa "alisimama".
Hivyo kwa maelezo hayo, niwaombe ndugu zangu watanzania tutende haki tunapowapima marais wengine wa tanzania tunapowalinganisha na Rais wa kwanza Mwalimu Nyerere. Tuwapime kwa kuzingatia changamoto za kila mmoja kwa wakati wake.
