Lukonge
JF-Expert Member
- Jul 31, 2015
- 1,321
- 1,782
Habari
Hapa kwa kweli utapata majibu ya jumlajumla.
Ni kweli kuwa uzito wako ni mkubwa ukilinganisha na urefu wako, kwani kwa urefu wako sitahiki ni kuwa na uzito wa kilo 82 kama kiwango chako cha mwisho.
Ni kweli kwamba vyote vilivyozidi kwenye mwili ni waste/ ziada isiyohitajika.
Ili kupunguza hivyo vilivyo vya ziada ni vyema kujua yafuatayo;
1: Kunatakiwa kupunguza kwa mpangilio vile vilivyozidi.
2: Unatakiwa uchukue kwa mpangilio maalumu kiasi cha viinilishe kwa ajili ya mwili wako bila kuathiri afya yako.
Ili kuyafanya haya vyema:
1: Mwone dietician/mtaalamu wa afya aliyesomea mambo haya. Yeye ataweza kukuelekeza mlo wako uweje kwa siku hii ni kulingana na hitaji la mwili na nini unakifanya kwa siku. Wao wanavyo vipimo vya kila chakula utakachochukua kina uwezo wa kuzalisha nguvu kiasi gani na protini au vitamins. Hakuna chakula usichokihitaji kabisa BALI ni kiasi gani uchukue.
2: Utahitaji kufanya mazoezi LAKINI yasiwe makali sana kwani pia unaweza kuzalisha uchafu mwingi ambao figo zitashindwa kuhimili kutoa nje ya mwili.
Pia mazoezi haya makali yanaweza kuleta shida kwako kama moyo wako utashindwa kuhimili. Mara nyingi hushauriwa mazoezi ya kutembea kwa mwendo wa haraka kidogo kwa dakika 30 mpaka saa moja kwa siku.
3: Ratiba ya mazoezi iwe ni nyepesi na isiyohitaji kutafuta eneo mbali na nyumbani au ofisini. Kwani ni moja ya sababu za kushindwa kuendelea na mazoezi kwa kuwaza lazima niende mapaka kule au lazima nilipe tena au muda hautoshi. Mazoezi huweza kufanyika hata ndani ya nyumba au fensi ya nyumba.
4: Tafakari kuwa hii ni kwaajili ya afya yako kuwa njema, maamuzi yatoke ndani yako na si msukumo toka nje yako.
Nakutakia tafakuri njema na ni jambo jema kwa wazo ulilonalo.
