biasharaTz
Senior Member
- Apr 14, 2016
- 163
- 79
Habari zenu wana Jamii
Kama nilivyoahidi kuleta mrejesho katika suala la kuomba msaada wa mawazo na ushauri juu ya kadhia ya kifamilia iliyonikuta
Katika ushauri nilioupata na nikaona ni vema niuchukue na kuufanyia kazi ni wa suala la kwenda kupima DNA za wale watoto wawili. Japo kuna wengine walinishauri nimpotezee yeye pamoja na watoto lakini baada ya kutafakari kwa kina nikaona ni vema niendelee tu na suala la kupima DNA. Juu ya yote nasema asanteni wote kwa michango yenu wote kwani inawezekana kwangu haikufaa lakini kuna mwingine itamfaa ambaye amepitia katika mapito ya aina hii
Anyway nisirefushe sana habari. Ila ni kuwa baada ya kuamua suala la kupima DNA ilibidi niwasishirikishe mzee na mshenga wangu na kuwapa habari yote na wao wakasema hakuna taabu isipokuwa kwa kuwa tayari kulikuwa na kutokuelewana kwa kiwango kikubwa basi ni vema na yule mwanamke wataarifiwe wazazi wake na kama kuna nafasi lifanyike baraza. Nikamtaarifu mwanamke pamoja na wazazi wake na kuwakaribisha katika baraza na kwa vile hizi siku zilikuwa za mapumziko ilikuwa rahisi hivyo Jumapili baraza likafanyika. Kwa nini labda baraza lilifanyika? Mzee wangu aliona ni vema nami waniandae kisaikolojia kukubali matokeo ya aina yoyote na hasa kama ni mtoto/watoto wangu bhasi nikubali na nijue nitawapokea vipi na kufungua maisha mapya. Ila suala la kurudiana na huyu mwanamke hata mzazi na mshenga hawakuwa radhi na hilo na msimamo uliwekwa wazi mwanzo wa kikao kuwa ajenda kuu ni watoto na kama wangu nitatoa ushirikiano vipi kwa mzazi mwenzangu, ikiwa katika kuwajibika.
Bhasi kila upande ulisema ya kwake na kuona yanayofaa na hatimaye ikafikia ile ajenda kuu kuwa WATOTO NI WANGU AU SIO WANGU. Mzee wangu alimuuliza swali moja tu hawa watoto una uhakika ni wa mwanangu? Thibitisha kama ndiyo! Akaomba kadi za clinic za watoto wote wawili pale pale. Swali hili lilimchanganya sana kwani alihisi huenda sisi tulishafanya kufatilia kadi za kuzaliwa za wale watoto. Akajiumauma weee lakini mwishowe akakiri kuwa kweli hata katika kadi zile majina ya wale watoto MIMI SITAMBULIKI KAMA BABA YAO hivyo kuna majina ya huyooo kibopa aliemuwezesha kupata ajira. Huu ukawa ushahidi wa kwanza watoto sio wangu
Pili, nikamuuliza wakati nambembeleza alinipigia mwanaume mmoja simjui na kuniambia wazi kuwa yule mtoto wa kwanza ni wake na hii ilikuwa ahadi ya huyu mwanamke amzalie akishafanikisha kazi kupata. Namba ile niliisevu wakati huo na nikamkumbusha akawa anabisha. Mwenyezi Mungu hamfichi mnafiki yule bwana akawa anampigia simu naona kuna mambo yao waliyotofautiana. Sasa aliipokea simu ili kuonyesha baraza kuwa mimi sipo sahihi ili amkanushe kuwa yule mtoto sio wake, kama vile alichokoza. Yule bwana akamwaga a to z hadi mtoto wa pili na ushahidi wa vipimo vya DNA anao hao watoto wote ni wake kwani aliwahi kuwa na wasiwasi na mienendo ya yule bibie na vijana wa pale ofisini. Akasema kama nahitaji kujiridhisha atume katika whatsapp na email na yupo tayari kwenda kuthibitisha hata mahakamani kuwa hao watoto ni wake.
Ukweli ukadhihiri na akakosa la kuongea na kusababisha yeye na wazazi wake wote kuondoka katika baraza kwa aibu kuu ya kufungia mwaka
Nini nimejifunza katika hili? Kwanza kabisa kuwa na subira katika kila jambo na wakati wasubiri hakika weka matumaini na imani yako kwa yakini kwa Mwenyezi Mungu pekee. Omba na fanya visimamo vya usiku mshitakie akuonyeshe na akupe haki dhidi ya batili. Sikuwahi kuwaza kuwa nitapata majibu ya uthibitisho rahisi kiasi hiki ila kwa Idhini ya Mwenyezi Mungu kadhia imeisha saaafi kabisa kiroho safi na sasa nafurahia maisha ya raha mustarehe bila bughudha za meseji wala calls zilizokuwa zinanisumbua.
Asanteni sana
Kama nilivyoahidi kuleta mrejesho katika suala la kuomba msaada wa mawazo na ushauri juu ya kadhia ya kifamilia iliyonikuta
Katika ushauri nilioupata na nikaona ni vema niuchukue na kuufanyia kazi ni wa suala la kwenda kupima DNA za wale watoto wawili. Japo kuna wengine walinishauri nimpotezee yeye pamoja na watoto lakini baada ya kutafakari kwa kina nikaona ni vema niendelee tu na suala la kupima DNA. Juu ya yote nasema asanteni wote kwa michango yenu wote kwani inawezekana kwangu haikufaa lakini kuna mwingine itamfaa ambaye amepitia katika mapito ya aina hii
Anyway nisirefushe sana habari. Ila ni kuwa baada ya kuamua suala la kupima DNA ilibidi niwasishirikishe mzee na mshenga wangu na kuwapa habari yote na wao wakasema hakuna taabu isipokuwa kwa kuwa tayari kulikuwa na kutokuelewana kwa kiwango kikubwa basi ni vema na yule mwanamke wataarifiwe wazazi wake na kama kuna nafasi lifanyike baraza. Nikamtaarifu mwanamke pamoja na wazazi wake na kuwakaribisha katika baraza na kwa vile hizi siku zilikuwa za mapumziko ilikuwa rahisi hivyo Jumapili baraza likafanyika. Kwa nini labda baraza lilifanyika? Mzee wangu aliona ni vema nami waniandae kisaikolojia kukubali matokeo ya aina yoyote na hasa kama ni mtoto/watoto wangu bhasi nikubali na nijue nitawapokea vipi na kufungua maisha mapya. Ila suala la kurudiana na huyu mwanamke hata mzazi na mshenga hawakuwa radhi na hilo na msimamo uliwekwa wazi mwanzo wa kikao kuwa ajenda kuu ni watoto na kama wangu nitatoa ushirikiano vipi kwa mzazi mwenzangu, ikiwa katika kuwajibika.
Bhasi kila upande ulisema ya kwake na kuona yanayofaa na hatimaye ikafikia ile ajenda kuu kuwa WATOTO NI WANGU AU SIO WANGU. Mzee wangu alimuuliza swali moja tu hawa watoto una uhakika ni wa mwanangu? Thibitisha kama ndiyo! Akaomba kadi za clinic za watoto wote wawili pale pale. Swali hili lilimchanganya sana kwani alihisi huenda sisi tulishafanya kufatilia kadi za kuzaliwa za wale watoto. Akajiumauma weee lakini mwishowe akakiri kuwa kweli hata katika kadi zile majina ya wale watoto MIMI SITAMBULIKI KAMA BABA YAO hivyo kuna majina ya huyooo kibopa aliemuwezesha kupata ajira. Huu ukawa ushahidi wa kwanza watoto sio wangu
Pili, nikamuuliza wakati nambembeleza alinipigia mwanaume mmoja simjui na kuniambia wazi kuwa yule mtoto wa kwanza ni wake na hii ilikuwa ahadi ya huyu mwanamke amzalie akishafanikisha kazi kupata. Namba ile niliisevu wakati huo na nikamkumbusha akawa anabisha. Mwenyezi Mungu hamfichi mnafiki yule bwana akawa anampigia simu naona kuna mambo yao waliyotofautiana. Sasa aliipokea simu ili kuonyesha baraza kuwa mimi sipo sahihi ili amkanushe kuwa yule mtoto sio wake, kama vile alichokoza. Yule bwana akamwaga a to z hadi mtoto wa pili na ushahidi wa vipimo vya DNA anao hao watoto wote ni wake kwani aliwahi kuwa na wasiwasi na mienendo ya yule bibie na vijana wa pale ofisini. Akasema kama nahitaji kujiridhisha atume katika whatsapp na email na yupo tayari kwenda kuthibitisha hata mahakamani kuwa hao watoto ni wake.
Ukweli ukadhihiri na akakosa la kuongea na kusababisha yeye na wazazi wake wote kuondoka katika baraza kwa aibu kuu ya kufungia mwaka
Nini nimejifunza katika hili? Kwanza kabisa kuwa na subira katika kila jambo na wakati wasubiri hakika weka matumaini na imani yako kwa yakini kwa Mwenyezi Mungu pekee. Omba na fanya visimamo vya usiku mshitakie akuonyeshe na akupe haki dhidi ya batili. Sikuwahi kuwaza kuwa nitapata majibu ya uthibitisho rahisi kiasi hiki ila kwa Idhini ya Mwenyezi Mungu kadhia imeisha saaafi kabisa kiroho safi na sasa nafurahia maisha ya raha mustarehe bila bughudha za meseji wala calls zilizokuwa zinanisumbua.
Asanteni sana
