Mke ashirikiana na mume wake kumuua mama yake

[Nyendo]

Jeshi la Polisi mkoa wa Geita linawashikilia Joyce Julius na Juma Charles (wanandoa), kwa tuhuma za kumuua mama mkwe wao Butamo Igionzela (70) ambaye ni mama mzazi wa Joyce mkazi wa Bungezi kata ya Ihanamilo wilayani Geita wakimtuhumu kumuua mtoto wao kwa njia ya kishirikina.

Akiongea na waandishi wa habari Kaimu Kamanda wa Polisi mkoa wa Geita Berthaneema Mlay amesema watuhumiwa hao wamefanya tukio hilo baada ya kuambiwa na mganga wa kienyeji kuwa mama yao alimuua mtoto wao.

Aidha Mlay ameitaka jamii kuacha kujichukulia sheria mkononi badala yake watoe taarifa kwenye vituo vya Polisi ili watuhumiwa waweze kuchukuliwa hatua kali za kisheria.

=====

Watu wawili wanashikiliwa na Polisi Mkoani Geita kwa tuhuma ya kumuua kwa kumchinja Mwanamke mmoja aliyetambulika kwa jina la Butamo Igonzele (70) Mkazi wa kijiji cha Bumegezi Kata ya Ihanamilo Mkoani Geita.

Kaimu Kamanda wa Jeshi la Polisi Mkoa wa Geita, Berthaneema Mlayi amesema Watuhumiwa hao wamekamatwa baada ya uchunguzi wa awali kuonesha wanaweza kuhusika katika mauaji hayo huku jitihada zikifanyika katika kujiridhisha kupitia uchunguzi wa awali.

Watuhumiwa hao ni Joyce Julius ambaye ni Mtoto wa Marehemu na Juma Charles ambaye ni Mkwe wa Marehemu (Mume wa Joyce) ambapo inadaiwa walikuwa wanamtuhumu Marehemu (Mama yake Joyce) kuhusika na kifo cha Mtoto wao ambaye alifariki wiki moja iliyopita huku kifo chake kikihusishwa na ushirikina.

Tukio hilo limetokea February 22, 2023 usiku katika Kijiji hicho cha Bunegezi Kata ya Ihanamilo Wilaya ya Geita Mkoani humo ambapo watuhumiwa hao wanadaiwa kumuua Mama yao.

 

[Superintendent kimura]

RIP Butamo Igionzela

 

[Bujibuji Simba Nyamaume]

Geita night mabingwa wa World Cup kwa mauaji yasiyo na kichwa Wala miguu

 

[Qatif]

Ukisikia tu mganga wa kienyeji basi yakupaswa kwenda na tahadhari, wanandoa hawakuwa na tahadhari

 

[mrangi]

Pande hizo unyama ni mwingi sana

Ova

 

[Nakadori]

Huyu huyu bi mkubwa aliyenizaa nimchinje?

 

[DR HAYA LAND]

Ndoa inaleta uchafuzi wa roho hasa wanawake wana roho chafu wanamuambukiza Mwanaume.

 

[Ironbutterfly]

Hayo mamigodi ya dhahabu huko Geita yatafanya wamalizane hao watu

 

[balibabambonahi]

Hyu huyu bi mkubwa aliyenizaa nimchinje ??

Kwani we Nakadori mama Yako Yuko hai?

 

[Mokaze]

Hyu huyu bi mkubwa aliyenizaa nimchinje ??

Mkuu, Unatakiwa uombe Mungu yasikukute.

Usifikiri huyo bi mkubwa pindi alipokuzaa bado anaweza kuwa na huruma na upendo uleule pindi alipokuzaa, binadamu ni dynamic object in both characters and body, yanaweza kutokea mabadiliko kwa huyo bi mkubwa wako aliyekupenda kabla na akawa adui yako mkubwa na akakufanyia mambo mabaya na usiamini, cha muhimu ni kuomba Mungu akuepushe na mambo mabaya kutoka kwa mtu yeyote hapa duniani.

 

[Nakadori]

Kwani we Nakadori mama Yako Yuko hai?

Alifariki mwaya.

Ndo najiuliza mama angu huyu huyu kipenzi aliyenipenda kupitiliza niwe sababu ya kifo chake?
Thou hayupo ila bado namfeel maishani ...ni kama yupo pemben ananiangalia kila niendapo

 

[Myangu]

Kumbe Mlay ametoka town sawa bibie kwa taarifa.

 

[nashukuru mzima]

#HABARI Jeshi la Polisi mkoa wa Geita linawashikilia Joyce Julius na Juma Charles (wanandoa), kwa tuhuma za kumuua mama mkwe wao Butamo Igionzela (70) ambaye ni mama mzazi wa Joyce mkazi wa Bungezi kata ya Ihanamilo wilayani Geita wakimtuhumu kumuua mtoto wao kwa njia ya kishirikina

Akiongea na waandishi wa habari Kaimu Kamanda wa Polisi mkoa wa Geita Berthaneema Mlay amesema watuhumiwa hao wamefanya tukio hilo baada ya kuambiwa na mganga wa kienyeji kuwa mama yao alimuua mtoto wao

Aidha Mlay ameitaka jamii kuacha kujichukulia sheria mkononi badala yake watoe taarifa kwenye vituo vya Polisi ili watuhumiwa waweze kuchukuliwa hatua kali za kisheria


Source EastAfricaRadio

 

[Mshana Jr]

Ardhi imenajisiwa tena

 

[Mjomba Fujo]

Hawa jamaa wa kanda ya ziwa wamezidi sasa.