Military Genius
JF-Expert Member
- Mar 3, 2019
- 761
- 1,480
Ilikuwa mwezi Juni 1972 ambapo mwanamke mmoja alionekana katika hospitali ya Cedars-Sinai Medical Center huko Los Angeles, California US. Hakuwa na chochote zaidi ya gauni lake jeupe alilovaa lililokuwa limetapakaa damu, hii haikuwa ajabu, kwasababu ni tukio la kawaida tuu kutokea katika hospitali nyingi.
Ajabu ilikuja pale mwanamke huyu alipoonekana kuwa na mambo kadhaa ya ajabu.
Moja ni mwonekano wake usio wa kawaida, hakuonekana kama binadamu wa kawaida, kila kitu alifanana na Mannequins, sura yake ilikuwa kama ya Mannequin, hakuwa na macho ya kawaida, uso wake ulikuwa umepakwa rangi.
Mannequins ni ile midoli inayowekwa nje kwenye maduka ya nguo, inavalishwa nguo ili kuvutia wateja kununua nguo hizo.
Kuanzia alipoingia, akapokelewa na kuingizwa katika chumba maalumu, hakuongea chochote, madaktari hawakupata jibu lolote la maswali waliyomuuliza, hawakuwa wakiskia amani kumuangalia usoni hata kwa sekunde mbili tuu, hakuwa wa kawaida ndio, lakini waliona ni vyema wampokee na kuutaarifu uongozi wa juu wa hospitali hiyo.
Daktari mmoja alipotaka kumuongelesha kwa nguvu ghafla akapambana na nguvu ya ajabu, wafanyakazi wenzake wakamshikilia huku mwili wake ukiwa unataka kunyanyuliwa juu na nguvu isiyoonekana, mwanamke huyo akamgeuzia macho yake yaliyokuwa kama ya mdoli na kisha akatabasamu. Wakakimbia.
Kama ambavyo daktari huyo alikimbia, hata wale walimshikiria pia walikimbia, mwanamke huyo hakuwa na meno ya kibinadamu mdomoni, alikuwa na Sharp Spikes ndefu zinazotisha, yaani ni kama yale meno ya kwenye msumeno hivi.
Wakati madaktari wote wamekimbia, dokta mmoja wa kiume alisimama kwa mbali na kumuuliza "wewe ni nani?", Mwanamke huyo akageuza shingo yake akimtazama huku akiwa bado anatabasamu, kulibaki kimya kwa dakika kadhaa bila kujibu, wakati huo taarifa zilikuwa zishatolewa kwa vyombo vya usalama.
Baada ya muda akajibu, "I...am...God"
Hakuna maelezo ya uhakika ya ni nini kiliendelea baada ya hapo, lakini taarifa ilisema kuwa baada ya madaktari wote kukimbia na kumuacha mwanamke huyo ndani, akatoweka, hakuwahi kuonekana tena.
Written by Military Genius
Sent using Jamii Forums mobile app
