MAUZO YA KENYA TANZANIA YAPAA

[neema shamuhenya]

WAKATI uhusiano wa kibiashara baina ya Kenya na Tanzania ukirejea katika hali yake ya kawaida baada ya nchi hizo kutafuta mwarobaini wa mgongano wa kibiashara, mauzo ya bidhaa za Kenya nchini Tanzania, yamepanda kwa kasi kubwa ndani ya miezi mitano.

Julai 5 mwaka huu, Aliyekuwa Katibu Mkuu wa Wizara ya Viwanda, Biashara na Uwekezaji wa Tanzania, Profesa Elisante Ole Gabriel na mwenzake wa Kenya, Dk Chris Kiptoo walikutana na kufikia maazimio kadhaa yaliyozika dosari zilizotajwa kudumu kwa muda mrefu.

Walikutana kutekeleza maagizo ya marais, Uhuru Kenyatta wa Kenya na Dk John Magufuli wa Tanzania.

Kutokana na muafaka huo, taarifa inaonesha kuwa Tanzania iliagiza bidhaa zenye thamani ya Sh za Kenya bilioni 10.54 kati ya Januari na Mei mwaka huu, likiwa ni ongezeko la asilimia 28.58 ikilinganishwa na mauzo ya mwaka jana katika kipindi kama hicho.

Hayo ni kwa mujibu wa taarifa za Shirika la Taifa la Takwimu Kenya (KNBS) iliyotolewa hivi karibuni.

Wakati Kenya ikinufaika kwa kuingiza Tanzania bidhaa zenye thamani kubwa, Pakistan imeendelea kuwa mnunuzi namba moja wa bidhaa za Kenya hasa chai, kwa kuagiza bidhaa zenye thamani ya Sh za Kenya bilioni 23.7, likiwa ni anguko la asilimia 7.11 ikilinganishwa na kipindi kama hicho mwaka jana.

Aidha, Uholanzi ambayo kwa kiasi kikubwa huagiza maua imekuwa ya pili, kwani manunuzi yake yameongezeka kwa asilimia 13.45 kwa kununua bidhaa zenye thamani ya Sh bilioni 21.65.

Uganda imeshuka hadi nafasi ya tatu kwa ununuzi wa bidhaa za Kenya, kwani imenunua bidhaa za Sh bilioni 21.31 hivyo kushuka kwa asilimia 2.76.

Waagizaji wengine wa bidhaa Kenya ikiwemo Uingereza, imeipiga Marekani na kushika nafasi ya nne kutokana na kuagiza bidhaa zenye thamani ya Sh bilioni 17.57 sawa na ongezeko la asilimia 12.93. Marekani iliagiza bidhaa za Sh bilioni 17.13.

Rais Kenyatta na Rais Magufuli, Februari mwaka jana waliziagiza mamlaka katika nchi zao kuhakikisha zinaondoa ukiritimba na migogoro ya kibiashara baina ya nchi hizo. “Tunaendelea vyema. Tumeondoa dosari na sasa tumeboresha sana uhusiano kati ya nchi zetu, yaani Kenya na Tanzania.

Pia tuna mawasiliano ya karibu sasa, mambo ni mazuri,” alisema Dk Kiptoo.

Profesa Gabriel hakupatikana kuzungumzia kwa undani suala hilo, ingawa alishawahi kusema kuwa, wanahangaika kutafuta suluhu ya kudumu ya tofauti za kibiashara kati ya nchi hizi mbili jirani na wanachama wa jumuiya inayokua kwa kasi kiuchumi ya Afrika Mashariki (EAC).

 

[Zero Hours]

Haaa mzigo mkubwa sasa wapitia mombasa huku bandar zetu zikidorora.

 

[Somi]

Hilo Ni jambo jema kwani sisi na Kenya Ni ndugu WA karibu Sana pongez kwa viongozi wetu, inabidi kenya WA import bidhaa za Tanzania kwa kiwango walichotuuzia bidhaa zao ili tuwe na trade balance( uwiano WA kibiashara)

 

[SALOK]

Hilo Ni jambo jema kwani sisi na Kenya Ni ndugu WA karibu Sana pongez kwa viongozi wetu, inabidi kenya WA import bidhaa za Tanzania kwa kiwango walichotuuzia bidhaa zao ili tuwe na trade balance( uwiano WA kibiashara)

Tatizo linakuja wataagiza nini??

 

[Manosa]

Viwanda vyetu vina hali mbaya

 

[nanilii]

Tatizo linakuja wataagiza nini??

ndo maana mimi niliwahi kushauri SERIKALI IJENGE VIWANDA, hizo swaga za kina wizara ya viwanda kuwa kazi ya SERIKALI si kufanya biashara ni KUJIDANGANYA. Kwanza mhe RAIS kampeni za 2020 swali la viwanda ataulizwa sana ! lakini hata hilo lisipokuwepo hivi tukiachia ''Nature'' kwamba viwanda viote vyenyewe kupitia wawekezaji lini tuta export KENYA ? tuna vitu vingi vya kuanzia kama vile kufufua TAN BOND, SUPER GHEE, moro shoes, Tanganyika parkers, Machine Tools, Bidhaa zilizokuwa zinazalishwa na SIDO (Ambazo sasa zinatoka china) vitu kibao, na faida tuliyonayo ni idadi kubwa ya watu !
lakini kitaalam, INDUSTRIALIZATION , lazima iwe ume iplan, kwamba kuwe na viwanda vya spare za viwanda (machine tools industries) kisha viwanda vya kuongeza thamani e.g korosho na instnt coffee, kisha viwanda vya kumuinua mkulima n.k kwa hiyo ni suala la ''design kama engineer anavyodesing maji au umeme wa mji, sasa ukisema unawaachia wawekezaji wakufanyie industrialization , how are you going to achieve the above ? nampongeza Rais kwa miradi mikubwa anayofanya , kwa dhati ya moyo wangu, kwa wasio fahamu, mradi wa TAZARA ulikuwa ni mradi wa 3 kwa ukubwa kwa africa wakati unajengwa , mradi wa standard gauge unaendana kwa gharama na mradi wa TAZARA, ombi langu kwa mhe. Rais, ajenge viwanda pia ! hata 69 tu,halafu serikali isiendeshe , tuendeshe kwa ubia, mfano , viwanda vya mashine tools tulikuwa tunashirikiana na Bulgaria na vilisaidia sana, vilikufa pale wale wazungu walipoondoka.

 

[kabombe]

hio nintaarifa ya kujipigia debe
wakenya wananunua matunda na makaa ya mawe mwaka mzima

 

[mrangi]

Siku hzi kusikia milio ya honi za meli ni nadra sana

Ova

 

[Somi]

Tatizo linakuja wataagiza nini??

mazao,umeme,samaki wa victoria,cement,nyama,bora shoes,trekta,bidhaa za vyakula(unga WA ngano,sembe) ,gesi etc