Mapenzi=ndege wa thamani

[Idd Ninga]

NDEGE WA THAMANI.
1)Uruke upeperuke,kama ndege wa angani.
Usinache niteseke,nikiumia moyoni.
Na fulani anicheke,nizomewe mtaani.
Ndege wangu wa thamani,sitokutupa njiani.

2)na akili uniteke,unihifadhi rohoni.
Nitege na nitegeke,nifurahie moyoni.
Mitego nikamatike,nikushike kiganjani.
Ndege wangu wa thamani,sitokutupa njiani.

3)usogee nikushike,nikutazame usoni.
Furaha nifurahike,nikamate mkononi.
Ahadi yangu ifike,isishie mdomoni.
Ndege wangu wa thamani,sitokutupa njiani

4)sikwachi uhangaike,penzi lako la thamani.
Nikuonapo nicheke,utamu nje na ndani.
Sikuachi uanguke,nikateseka jamani.
Ndege wangu wa thamani,sitokutupa njiani.

Shairi=NDEGE WA THAMANI
Mtunzi=Idd Ninga wa Tengeru Arusha.
+255624010160
iddyallyninga@gmail.com
Facebook page=Idd ninga mashairi.

 

[KENZY]

Mshike wako ndege,kunguru twamtamani
mfiche kama kobe,kwa nyumba yako umzibe
akija kwangu asilani,sitomwacha anitoke
la thamani lake pendo,kwanini anitoke?

mpe na yako pombe,alewe kwa kikombe
mjuze nipo kombe,achunge nisimkombe!
tego langu kama konde,hang'oki hata kwa kombe

Mchunge achungike,kwa kunguru asibaini
kwangu hakuna chonde,wala saba mara sabini