Makonda awaponza Star Tv na Sahara Media mbele ya TEF

[Kurzweil]

UAMUZI WA STAR TV NI USALITI KWA TAALUMA YA HABARI
​

Kwa muda wa wiki moja sasa kampuni ya Sahara Communications Limited, wamiliki wa Star TV na vyombo vingine vya habari kupitia mitandao ya kijamii wanasambaza taarifa kuwa watafanya mahojiano maalum na Mkuu wa Mkoa wa Dar ea Salaam, Paul Makonda, Jumatatu Mei 22, 2017.

Kusudio hilo la Star TV limekuja wakati kiongozi huyo akiwa amefungiwa na vyombo vya habari kwa uamuzi ulioitikiwa kwa pamoja baina ya Jukwaa la Wahariri Tanzania (TEF) na Umoja wa Klabu za Waandishi wa habari Tanzania (UTPC) na kuungwa mkono na Chama cha Wamiliki wa Vyombo vya Habari Nchini (MOAT) na taasisi nyingine za kihabari nchini. Uamuzi wa kumfungia Makonda uliotangazwa Machi 2017, ilitokana na kiongozi huyo kuvamia Kituo cha Utangazaji cha Clouds Madia, March 17, 2017 akiwa na askari wenye bunduki.

Uvamizi wa Clouds ulikuwa mwendelezo wa matukio ya RC Makonda kudhalilisha wanahabari, kutukana na kutoiheshimu taaluma ya habari. Katika tamko hilo, Makonda tulimpa masharti mepesi kurejesha uhusiano na tasnia ya habari, ambayo ni kuomba radhi waandishi wa habari kwa tukio la Clouds na matukio mengine kwa ujumla wake kama sehemu ya uungwana wa Kitanzania.

Tulisema katika tamko kwa yeyote atakayeshirikiana na Makonda naye tutamhesabu kama adui wa tasnia ya habari nchini. Kwa mantiki hiyo tunasema ikiwa Star TV wameamua kushirikiana na Makonda, basi ni wazi wameamua kwa hiyari yao wenye kujitangaza kama adui wa tasnia ya habari nchini.

Kila Mtanzania anajua jinsi ya kupambana na adui kwa namnaya kujilinda, na tasnia haitasita ku fanya hivyo. Kadhalika hivi sasa TEF tunafuatatilia kwa karibu uhusiano wa Mkuu wa Mkoa wa Arusha, Mrisho Gambo na vyombo vya habari kutokana na matukio ya mara kwa mara ya kudhalilisha wanahabari wanapokuwa kazini kwa amri yake. Matukio haya yakiendelea, tutalazimika kupitia uhusiano wa RC Gambo na vyombo vya habari nchini.

Mwisho, tunavipongeza vyombo vya habari, kwa maana ya magazeti, radio, televisheni na mitandao ya kijamii ndani na nje ya nchi kwa kutekeleza uamuzi wa kumfungia RC Paul Makonda kwa uaminifu uadilifu wa hali juu, licha ya vishawishi vya hapa na pale vinavyotolewa na wapambe wake.

Nguvu yetu ipo katika umoja wetu kama wanahabari. Tusiipoteze Mungu ibariki Tanzania.

Deodatusi Balile
Makamu Mwenyekiti Jukwaa la Wahariri Tanzania.
Mei 19, 2017

 

[barafuyamoto]

Vipi? Ina maana wanaweza kuwazuia wasirushe matangazo yao?

 

[Dr Simba]

Kunkuchaaa! !!!!

 

[MastaKiraka]

Bashite ni nani?
Jawabu: Mkuu wa mkoa wa Tanzania.

 

[Nichumu Nibebike]

Nadhani maelezo yamejitosheleza. Aliyeandika barua hii anaonekana kweli ana weledi wa kutosha katika tasnia ya uandishi wa habari...

 

[Mulhat Mpunga]

gooood hawa mabazazi wamezidi tupo pamoja nanyi tusikubali huu ushuzi utapakae tunanyanyaswa why why why?

 

[mjingamimi]

Acheni kuwapangia watu.au mliwasaidia kununua maspika?
Kama wameamua waacheni.

 

[Mulhat Mpunga]

sahara media ilimdHalilisha LowasSa kwenye kipindi cha kampein, na inatumika kisiasa ni ya anthony dialo naona anatafuta kiky japo nyota yake imezimika.......
zile pangaboi zake ziko wapi ? ndege uchwara sijui aliziokota wapi tehetehe

 

[chilumendo]

kinachutusumbua watanzania hasa tunapopigania haki ni ukosefu wa umoja ndiyo ugonjwa wetu ulipo

 

[ng'ombo]

 

[Bonny]

Arusha watch it una uhuru lakin not to that extent

 

[Chige]

Kipindi kinachovuta audience kubwa kwa Star TV and RFA ni pamoja na kipindi cha Kutoka Magazetini!!

Kama ndivyo, endapo Star TV wataendelea na programu yao na Daudi Albert Bashite, basi wamiliki wa vyombo vya habari wapige marufuku magazeti yao kusomwa na Star TV na RFA. Aidha, wakataze waandishi wao kushiriki mijadala ya kila asubuhi inayoendeshwa na Star TV ambayo mara kwa mara huwa inaalika watu wa media zingine.

 

[Faru fausta]

Tulikwambia Hakuna kuandika habari Za BASHITE

 

[Topintz]

Kwakweli hamna namna, nawapongeza TEF. Maana ungekua unafiki Star Tv washirikiane na adui wa TEF,station nyingine zikaze kamba alaf viongozi wa TEF wakae kimya tu. Bwana DAB alipewa sharti dogo tu la kuwaomba msamaha wanahabari, kama kashindwa kulitekeleza inaonesha anawadharau na haon umuhimu wa kufanya ivo. Kwa wanaomtetea na hapa wana mtindio wa ubongo.

 

[kirikou1]

huyo bashite ana media ya TBC y asiitumie hiyo tena bure kbs

 

[Salary Slip]

Wasije tu wakamteka.

 

[MENGELENI KWETU]

Safi Kabisa..

 

[Benjamini Netanyahu]

TBC, Star Tv, Uhuru na Mzalendo hivi siyo vyombo vya habari isipokuwa ni vituko vya habari.

 

[Nyama ya Zamba]

Kabla sijaenda kijijini, nilikuwa naangalia Star TV na wakati mwingine kusikiliza Radio Free Africa just kwa ajili ya Kipindi cha Magazeti! Naamini, Star TV na RFA wanapata audience nyingi asubuhi kwa ajili ya kipindi cha Kutoka Magazetini.

Kama ndivyo, endapo Star TV wataendelea na programu yao na Daudi Albert Bashite, basi wamiliki wa vyombo vya habari wapige marufuku magazeti yao kusomwa na Star TV na RFA. Aidha, wakataze waandishi wao kushiriki mijadala ya kila asubuhi inayoendeshwa na Star TV ambayo mara kwa mara huwa inaalika watu wa media zingine.

Daaah,mkuu umelenga mlemle.Huyu bashite amejaa dharau na lugha za maudhi wamnyoooshe kabsa.Asante sana TEF

 

[MBIIRWA]

Bashite kila akijaribu kusimama anakula za uso kutoka kwa wanahabari mpaka akae na anavyopenda kuuza sura. Gambo kifungo kinanukia ndio maana polisi waliwapa lifti wanahabari pale Luck vicent..