Madiwani waliohama Chadema na kutemwa CCM warudishwa

[Ronal Reagan]

Mwafrika na demokrasia ni kama mafuta na maji. Kweli tuna safari ndefu sana ya kujifunza na kufikia viwango vya wenzetu wa Ulaya na Marekani.

 

[Erythrocyte]

Ccm watakuwa wameona aibu kumharibia maisha mtu sio jambo zuri ila sehemu wanayowapeleka ni nzito zaidi wanaenda kupambana na hasira za raia.

Hawa wataangushwa kwenye uchaguzi wenyewe , ni sawa na kuahirisha matanga , maana kama ni kifo tayari .

Halafu kingine ni hiki , hakuna aibu itakayozidi ile walioipata wakati wa kununuliwa , katika maisha yao yote yaliyobaki .

 

[Hivi punde]

Chama cha Mapinduzi(CCM) Mkoa wa Arusha, kimewateua wagombea wanane wa udiwani, watakaoshiriki uchaguzi mdogo, watatu wakiwa ni madiwani ambao walijiuzulu Chadema ili kumuunga mkono Rais John Magufuli, lakini wakadondoshwa kwenye kura za maoni ndani ya CCM.


Katibu wa Itikadi na Uenezi wa CCM Mkoa wa Arusha, Shaban Mdoe amesema leo Ijumaa kuwa madiwani hao watapeperusha bendera ya CCM, katika uchaguzi huo mdogo.


Uchaguzi unafanyika baada ya waliokuwa madiwani wa kata nane kupitia Chadema kuachia ngazi kwa hiyari yao wakiunga mkono jitihada za Rais Magufuli.


Mdoe amesema miongoni mwa waliopitishwa ni madiwani watatu waliojiuzulu udiwani Chadema na kujiunga na CCM kisha kupokelewa na mwenyekiti wa CCM, Rais Magufuli ambapo alishauri vikao vya kikatiba kuwarejesha katika nafasi zao kama bado wanazo sifa.


Madiwani waliokuwa Chadema na kujiuzulu ambao walishindwa kura za maoni ndani ya CCM na jana kupitishwa ni Japhet Joseph Jackson (Ambureni), Anderson Sikawa (Leguruki) na Solomon Laizer (Ngabobo).


Mdoe amesema katika kikao hicho cha leo makada wengine walioteuliwa kupeperusha bendera ya CCM na majina ya kata zao katika mabano ni pamoja na Francis Mbise (Muriet) iliyopo katika jiji la Arusha, Flora Zelothe (Mussa) iliyoko wilayani Arumeru.


Wengine ni pamoja na Prosper Damuni MeyanI (Moita), iliyoko wilayani Monduli, Samson Laizer (Makiba) na Yona Kaaya (Maroroni) halmashauri ya Meru.


Amesema katika kikao hicho wajumbe wote na kwa kauli moja walikubaliana kuhakikisha ushindi unapatikana kwa chama cha mapinduzi na kuzitwaa kata hizo ambazo zilikua zikishikiliwa na madiwani wanaotokana na Chadema.

 

[Benjamini Netanyahu]

Chanzo: Mwananchi

 

[Benjamini Netanyahu]

Hizo ndiyo ngonjera za ccm

CCM iliwanunua kweli na siyo utani.

 

[gnkoswe]

Mi nasubiri uchaguzi upite nicheke kiumbeya

 

[gnkoswe]

Wajiandae kisaikorojia

 

[Kisu Cha Ngariba]

Wamepitishwa kwa kufata masharti ya Rais.

 

[gwa myetu]

Jamani wanaArusha Bashite atatumwa huko kuvuruga uchaguzi ,muwe macho mumkate kidafu akileta pua yake

 

[mwita ke mwita]

tukutane kwa debe

 

[Kihava]

Sasa watakuja kwetu kuomba kura za nini wakati walitukimbia. Waendelee kumuunga mkono hukohuko jukwaani siyo kuja kwetu, kufanya nini? Tuliwaamini tukawapa madaraka wakatukimbia. Wanatufanya sisi bwege hao.

 

[zizo12]

Njaa mbaya sana.

 

[mwanawao]

Siasa tamu sana. CCM hawajui kwamba CHADEMA wanapanda watu wao ndani ya chama kwa siri kubwa. Yetu.macho wakija kugundua imekula kwao. Na bado wapo wabunge wataingia humo humo...

 

[Mshana Jr]

Wavamizi na makinikia wanaula ccm huku waliokipigania chama kwa hali na mali wakiachwa solemba... CCM tambueni kwamba hawa nao wana nyongo

 

[Shark]

Mbona umeandika kishabiki ndugu yangu, hebu tuache siasa hizo wao ni wana ccm so wanahaki kupeperusha bendera...Ukiliona hilo sio jema tukumbuke tuliwapa Masha,Bulaya,Lembeli n.k kwani wana Chadema wenzetu hawakuwepo?? Wewe ndo kijana tukutegemee kujenga nchi??

Akili za Kilumumba tabu sana asiee,
Hivi JF umejiunga lini??
Unajua maana ya mtu akiweka source??
Hii habari nimei-copy from Mwananchi kama ilivyo, hiyo kishabiki nimweka wapi??

Habari iko hapa,
Madiwani waliohama Chadema na kutemwa CCM warudishwa

 

[dumuzi]

Mbona umeandika kishabiki ndugu yangu, hebu tuache siasa hizo wao ni wana ccm so wanahaki kupeperusha bendera...Ukiliona hilo sio jema tukumbuke tuliwapa Masha,Bulaya,Lembeli n.k kwani wana Chadema wenzetu hawakuwepo?? Wewe ndo kijana tukutegemee kujenga nchi??

Mkuu inawezekana kumbukumbu yako si sahihi Masha, Bulaya na Lembeli walipewa au walishinda kura za maoni? Angalia kilichofanyika kwa hao watajwa walio hamia ccm walishindwa kura za maoni lakini wamezawadiwa kugombea. Mungu ibariki ccm chama kichovu.

 

[kichomiz]

watauana mwaka huu

Mkuu ndio hawa wanagombania mgao????

 

[tweenty4seven]

Kundi lote hilo utakuta wanagombea 30,000 mafisiem wakiona hela roho zao hujaa furaha

Sent from my SM-G7102 using JamiiForums mobile app

 

[tusionacho]

Asubuh sana wasaliti hao

 

[Genekai]

Bado ulingoni ndo tutajua mbivu mbichi!!!