Mabeseni kutumika Kama Vyumba vya Siri vya Kupigia Kura Katika Uchaguzi Mkuu wa Uganda je, ni ubunifu au Changamoto?

[Bawabu wa pili]

Katika uchaguzi mkuu wa Uganda, mbinu ya kipekee imeshuhudiwa ikitumika katika vituo vya kupiga kura, ambapo mabeseni yametumika kama vyumba vya siri kwa wapiga kura wakati wa kuchagua viongozi wao. Beseni hizo zimekuwa zikitumika kuwapa wapiga kura faragha wanapokuwa wanatia alama kwenye karatasi zao za kura.

Soma pia: Museveni Vs Bobi Wine: Uzi Maalum wa kinachoendelea kwenye Uchaguzi Mkuu nchini Uganda 2026
​

Katika uchaguzi huo uliowahusisha wagombea wakuu wa urais, akiwemo Rais aliyepo madarakani Yoweri Kaguta Museveni na mpinzani wake Bobi Wine, wapiga kura walionekana wakitumia mabeseni kama vibanda vya kupigia kura (voting booths). Mbinu hiyo imezua mjadala mkubwa miongoni mwa wananchi na wadau wa siasa ndani na nje ya Uganda.

Tume ya Uchaguzi ya Uganda (Electoral Commission of Uganda) imethibitisha kuwa mabeseni hayo yalikuwa sehemu ya vifaa rasmi vya uchaguzi vilivyosambazwa katika vituo mbalimbali vya kupigia kura ili kuhakikisha faragha ya mpiga kura inalindwa licha ya changamoto za miundombinu.

Hatua hiyo imeonekana kama suluhisho la haraka katika mazingira yenye uhaba wa vibanda maalum vya kupigia kura, huku baadhi ya wananchi wakipongeza ubunifu huo na wengine wakitilia shaka ubora na hadhi ya mchakato wa uchaguzi.

Je, matumizi ya beseni kama chumba cha siri cha kupigia kura yanaweza kuchukuliwa kama suluhisho la kudumu au ni dalili ya changamoto kubwa katika mifumo ya uchaguzi barani Afrika?​

 

[Wagumu Tunadumu]

Mmh!?,wamekosa hata majamvi ya kutengeneza kijumba cha siri

 

[Smart911]

Wagange yajayo...


Cc: Mahondaw

 

[Mtutuwandei]

Kwa nini wapoteze pesa kwa zoezi la kutimiza ada tu.