Rutashubanyuma
JF-Expert Member
- Sep 24, 2010
- 219,502
- 911,255
Waislamu wasitisha maandamano
Friday, 23 December 2011
Abdallah Mdangwe na Danieli Rutoryo
JUMUIYA ya Wahadhiri wa Kiislamu imesitisha maandamano yaliyokuwa yamepangwa kufanyika jana kutokana na maafa yaliyowapata wakazi wa jiji la Dar es Salaam, yaliyo sababishwa na mvua zilizonyesha hapa jijini na baadhi ya mikoa nchini.
Maandamano hayo yalikuwa yamedhamiria kupinga maridhiano baina ya serikali na jumuiya za Kikristo na pia, kuishinikiza serikali kulipatia ufumbuzi suala la mahakama ya kadhi kwani limechukua muda mrefu bila kupatiwa ufumbuzi.
Mwenyekiti wa Jumuia ya Wahadhiri wa Kiislam, Yahaya Juma Yahaya alitoa tamko hilo kupitia TBC1 akisema maandamano makubwa yaliyokuwa yamepangwa kufanyika nchi nzima yameahirishwa kutokana na maafa hayo makubwa yaliyoikumba nchi.
Haitakuwa jambo la busara na hekima kuandamana huku ndugu zetu waliokufa kutokana na mafuriko wakiwa wanazikwa. Jumuiya yetu imeona ni vyema kusitisha maandamano haya na kujumuika katika maombolezo na kuwafariji walio fikwa na maafa haya.
Aliongeza, Kwa wenzetu walioko mikoani hususani mikoa 18 iliyohusishwa na maandamano haya taratibu zimeshachukuliwa kuhakikisha viongozi wa Kiislam wanawapa waumini taarifa hii kwani sitisho hili si kwa Dar es Salaam pekee bali ni kwa nchi nzima sababu janga hili ni la kitaifa.
Mwananchi ilifika katika ofisi za Baraza Kuu la Jumuiya na Taasisi za Kiislamu iliyoko katika Manispaa ya Temeke, Msikiti wa Tungi na kukuta watu wakiendelea na shughuli zao kama kawaida, kwani eneo hilo lilipangwa kuanzia maandamano hayo.
Katibu wa Baraza hilo la Jumuiya za Waislamu, Sheikh Mubaraka Daluweshi alisema maandamano yameahairishwa kutokana na hali halisi ya wananchi kwani idadi kubwa ya wakazi wa hapa jijini ni Waislamu haitakuwa vyema yakafanyika maandamano wakati maiti zikiwa majumbani kwao.
Kutokana na hali halisi ya wananchi asilimia 80 ya wakazi wa jijini hapa ni Waislamu haitakuwa vyema yakafanyika maandamano huku jamii ikiwa kwenye matatizo makubwa kama haya leo tutajumuika na wenzetu katika mazishi, alifafanua shehe Daluweshi.
Daluweshi hakuweza kutoa taarifa juu ya maandamano haya kama yatapangwa kufanyika tena au la na kudai kuwa yeye si msemaji wa suala hilo, msemaji ni Katibu Mwenezi wa baraza hilo ambae jitihada za kumpata ziligonga mwamba.
Hata hivyo, tayari Baraza la Kuu la Waislamu (Bakwata) mkoa wa Dar es salaam kupitia shehe wake wa mkoa, Alhad Musa Salim limewapongeza Waislamu wote hapa nchini kwa kukubali kusitisha maandamano na kuwataka kuungana pamoja na Bakwata katika kutetea maslahi ya Waislamu.
Tunapaswa kushirikiana kwa pamoja kwani sisi sote tunalengo moja tu kutetea, kulinda na kudai haki za Waislamu mahali popote. Sisi Baraza Kuu la Waislamu tunawaomba Waislamu kuwa na subira kwani tatizo la mahakama ya kadhi lipo katika hatua za mwisho kiutatuzi, alifafanua.
Salim alisema Bakwata ipo pamoja na wananchi wote walioathiriwa na mafuriko na pia amewataka wananchi walio poteza ndugu zao kutokana na mafuriko haya kuwa na moyo wa subira hususani katika kipindi hiki kigumukwani Baraza hilo litashrikiana nao kwa hali na mali.
Friday, 23 December 2011
Abdallah Mdangwe na Danieli Rutoryo
JUMUIYA ya Wahadhiri wa Kiislamu imesitisha maandamano yaliyokuwa yamepangwa kufanyika jana kutokana na maafa yaliyowapata wakazi wa jiji la Dar es Salaam, yaliyo sababishwa na mvua zilizonyesha hapa jijini na baadhi ya mikoa nchini.
Maandamano hayo yalikuwa yamedhamiria kupinga maridhiano baina ya serikali na jumuiya za Kikristo na pia, kuishinikiza serikali kulipatia ufumbuzi suala la mahakama ya kadhi kwani limechukua muda mrefu bila kupatiwa ufumbuzi.
Mwenyekiti wa Jumuia ya Wahadhiri wa Kiislam, Yahaya Juma Yahaya alitoa tamko hilo kupitia TBC1 akisema maandamano makubwa yaliyokuwa yamepangwa kufanyika nchi nzima yameahirishwa kutokana na maafa hayo makubwa yaliyoikumba nchi.
Haitakuwa jambo la busara na hekima kuandamana huku ndugu zetu waliokufa kutokana na mafuriko wakiwa wanazikwa. Jumuiya yetu imeona ni vyema kusitisha maandamano haya na kujumuika katika maombolezo na kuwafariji walio fikwa na maafa haya.
Aliongeza, Kwa wenzetu walioko mikoani hususani mikoa 18 iliyohusishwa na maandamano haya taratibu zimeshachukuliwa kuhakikisha viongozi wa Kiislam wanawapa waumini taarifa hii kwani sitisho hili si kwa Dar es Salaam pekee bali ni kwa nchi nzima sababu janga hili ni la kitaifa.
Mwananchi ilifika katika ofisi za Baraza Kuu la Jumuiya na Taasisi za Kiislamu iliyoko katika Manispaa ya Temeke, Msikiti wa Tungi na kukuta watu wakiendelea na shughuli zao kama kawaida, kwani eneo hilo lilipangwa kuanzia maandamano hayo.
Katibu wa Baraza hilo la Jumuiya za Waislamu, Sheikh Mubaraka Daluweshi alisema maandamano yameahairishwa kutokana na hali halisi ya wananchi kwani idadi kubwa ya wakazi wa hapa jijini ni Waislamu haitakuwa vyema yakafanyika maandamano wakati maiti zikiwa majumbani kwao.
Kutokana na hali halisi ya wananchi asilimia 80 ya wakazi wa jijini hapa ni Waislamu haitakuwa vyema yakafanyika maandamano huku jamii ikiwa kwenye matatizo makubwa kama haya leo tutajumuika na wenzetu katika mazishi, alifafanua shehe Daluweshi.
Daluweshi hakuweza kutoa taarifa juu ya maandamano haya kama yatapangwa kufanyika tena au la na kudai kuwa yeye si msemaji wa suala hilo, msemaji ni Katibu Mwenezi wa baraza hilo ambae jitihada za kumpata ziligonga mwamba.
Hata hivyo, tayari Baraza la Kuu la Waislamu (Bakwata) mkoa wa Dar es salaam kupitia shehe wake wa mkoa, Alhad Musa Salim limewapongeza Waislamu wote hapa nchini kwa kukubali kusitisha maandamano na kuwataka kuungana pamoja na Bakwata katika kutetea maslahi ya Waislamu.
Tunapaswa kushirikiana kwa pamoja kwani sisi sote tunalengo moja tu kutetea, kulinda na kudai haki za Waislamu mahali popote. Sisi Baraza Kuu la Waislamu tunawaomba Waislamu kuwa na subira kwani tatizo la mahakama ya kadhi lipo katika hatua za mwisho kiutatuzi, alifafanua.
Salim alisema Bakwata ipo pamoja na wananchi wote walioathiriwa na mafuriko na pia amewataka wananchi walio poteza ndugu zao kutokana na mafuriko haya kuwa na moyo wa subira hususani katika kipindi hiki kigumukwani Baraza hilo litashrikiana nao kwa hali na mali.
