Kijana ni nani na ujana ni nini?

[Ngwananzengo]

Rais Museveni wakati anahutubia kongamano la vijana kwenye maadhimisho ya miaka 50 ya AU (African Union) aliuliza, hivi suala la mtu kujinasibu kwa ujana ni suala la umri pekee. Kwamba mimi nina miaka 25 basi miaka hii ni kigezo tosha cha kuwa kijana. Rais alihitimisha kwa kusema ujana sio umri tu bali ni zaidi ya umri. Mimi nimekuwa nikijiuliza je, kwa mazingira yetu(tz) vijana ni akina nani? Je, ni wale wanaojitahidi kufikiri kwa mantiki na kutoa majawabu kwa baadhi ya matatizo yanayozunguka jamii au ni wale waliogeuka vidaka tonge kwa kukubali kutumiwa na waovu wenye uchu na mali iwe katika siasa, madhehebu ya dini, n.k. Je, ujana ni kuwa na msimamo wenye kuogozwa na hoja zenye mashiko na uthubutu katika kuchochea maendeleo ya jamii au ni kujisalimisha kwa waovu na kuwatetea kwa nguvu zote katika harakati zao (kisiasa,kiuchumi n.k) na kutegemea kuambulia makombo. Je, vijana tunafikiri au haki yetu ya kufikiri tumeirasimisha kwa wengine (wenye uwezo na umaarufu kunuka). NAOMBA TUTAFAKARI PAMOJA.