Magazetini
JF-Expert Member
- Aug 16, 2014
- 588
- 1,698
Habari wakuu,
Subira yavuta heri, hatimae Rais wa Jamhuri ya muungano wa Tanzania, Dr. John Pombe amepeleka pendekezo la jina la waziri mkuu kwa awamu ya Tano anayoiongoza. Rais amempendekeza Majaliwa Kassim Majaliwa kuwa waziri mkuu ambae anahitajika kuthibitishwa na bunge kwa kura za siri kabla ya kutangazwa rasmi.
Majaliwa anapendekezwa kuwa waziri mkuu baada ya kumaliza kutumikia Unaibu waziri wa Tawala za Mikoa na Serikali za Mitaa Ofisi ya Waziri Mkuu wakati wa serikali ya awamu nne chini ya Rais Jakaya Kikwete.
Majaliwa ambae kazaliwa Desemba 22, 1960 pia aliwahi kuwa Mkuu wa Wilaya ya Rufiji mkoani Pwani hadi mwaka 2009. Pia aliwahi kuwa Mkuu wa Wilaya ya Urambo mkoani Tabora.
Kadhalika, Majaliwa amekuwa Mbunge wa Ruangwa tangu 2010, alisomea Ualimu Chuo cha Ualimu Mtwara na Mafunzo ya JKT alifanyia kambi ya Makutopora mkoani Dodoma. Pia alisoma katika Chuo Kikuu cha Dar es Salaam na pia aliwahi kuwa Katibu wa Chama cha Walimu Singida. Majaliwa alisoma elimu yake ya msingi katika shule ya msingi Mnacho mwaka 1970 mpaka 1976 na baadae akajiunga na shule ya sekondari Kigosensera mwaka 1977.
Baada ya wabunge kupiga kura, alithibitishwa na bunge baada kupata kura nyingi zaidi za ndio hivyo kuwa waziri mkuu wa awamu ya tano.
Wabunge 394
Wabunge waliosajiliwa 369
Wabunge wanaotakiwa kufika akidi 184
Wabunge waliopo na kupiga kura 351
Kura zilizoharibika 2 (0.06%)
Kura za Hapana 91 (25.9%)
Kura za Ndio 258 (73.5%)
Attachments
Last edited by a moderator:
