Setfree
JF-Expert Member
- Dec 25, 2024
- 5,601
- 7,216
Ndugu zangu, Mungu yupo na amekuwa akiongea na watu wake tangu zamani hadi leo. Katika maisha ya kila siku, Mungu anatumia njia mbalimbali kuwasiliana na sisi. Lakini mara nyingi tunakosa kuisikia sauti yake kwa sababu ya 'kelele' nyingi za ulimwengu huu au mioyo isiyotulia.
Katika kitabu cha Waebrania 3:7-8 tunaambiwa hivi:
“...mkisikia sauti yake leo, msiwe wakaidi kama wakati ule waliponiasi...kule jangwani."
Andiko hilo linatuhimiza kuwa watii haraka tunaposikia Mungu akinena nasi, ili tusikose neema yake na baraka zake kama Waisraeli walivyokosa kwa sababu waliacha kumtii Mungu walipokuwa jangwani.
Hebu basi leo tuangalie jinsi ya kuisikia sauti ya Mungu anaposema nasi. Mungu anaweza kusema nasi kwa njia zifuatazo:
1. Kupitia Neno lake (Biblia)
Mara kwa mara Mungu hunena nasi kwa njia ya Maandiko. Biblia ni sauti ya Mungu iliyoandikwa. Tukisoma Biblia kwa moyo wa maombi, Roho Mtakatifu hufanya Maandiko hayo yawe hai na kutuelekeza yatupasayo kufanya katika maisha yetu.
Timotheo aliambiwa hivi:
"Maandiko yote Matakatifu yameandikwa kwa uongozi wa Mungu, na yanafaa katika kufundishia ukweli, kuonya, kusahihisha makosa, na kuwaongoza watu waishi maisha ya adili” (2 Timotheo 3:16).
Mtu aliye na huzuni au aliyechanganyikiwa, akisoma Zaburi au Mithali, ghafla ataona aya moja inamgusa, yaani inaelezea afanye nini katika hali hiyo aliyo nayo. Hapo ni Mungu anakuwa amesema naye.
2. Kwa njia ya Roho Mtakatifu ndani yetu
Yesu aliahidi kwamba Roho Mtakatifu atatuongoza na kutufundisha yote. Roho huyu hukaa ndani ya waaminio na ananena kupitia dhamiri zetu, msukumo wa ndani, au amani isiyoelezeka.
Paulo alizuiwa na Roho Mtakatifu asiende kuhubiri Asia (Matendo 16:6-7) — sio kwa sauti kubwa, bali kwa mwongozo wa ndani. Vivyo hivyo kuna wakati mtu anapanga jambo fulani lakini moyoni anahisi "kukosa amani” kulifanya jambo hilo — hiyo mara nyingi ni sauti ya Mungu kupitia Roho wake.
3. Kwa njia ya maombi na utulivu wa moyo
Tunapomuomba Mungu, tunatakiwa sio tu kumwambia mahitaji yetu bali pia kutulia na kusikiliza anatuambia nini kuhusu mambo tuliyomuomba. Mungu anaweza kunena nasi ndani yetu kwa utulivu. Hivyo ni muhimu tujizoeze kutulia na kuisikiliza sauti yake baada ya maombi.
Nabii Eliya hakumsikia Mungu katika upepo mkali wala tetemeko la ardhi, bali katika “sauti ya upole mtulivu” (1 Wafalme 19:12).
Watu wengi hushuhudia kuwa walipotulia baada ya maombi, ghafla walipata wazo au msukumo fulani ulioleta suluhisho la matatizo yao.
4. Kwa njia ya ndoto na maono
Mungu anaweza kuongea na mtu kwa njia ya ndoto na maono hasa pale mtu anapokuwa tayari kupokea ufunuo wa kiroho. Hata hivyo sio kila ndoto inatoka kwa Mungu. Baadhi ya ndoto zinasababishwa na uchovu tu. Lakini kuna ndoto fulani huja na uzito wa kipekee kutoka kwa Mungu.
Yusufu, baba mlezi wa Yesu, alipokea maagizo kutoka kwa Mungu kwa njia ya ndoto (Mathayo 1:20; 2:13).
Kuna watu wengi pia wameshuhudia kwamba wameota ndoto zenye ujumbe wa kiroho.
5. Kupitia Watumishi wa Mungu na ndugu katika Kristo
Mungu anaweza kusema na sisi kupitia watumishi wake — yaani wahubiri, walimu wa Biblia, au hata ndugu wa kawaida kanisani.
Kwa mfano, Mungu alimtumia Eli kumpa ujumbe kijana Samweli(1 Samweli 3:9).
Kwa njia kama hiyo Mhubiri, Mwinjilisti au Mwalimu wa Biblia anaweza kuhubiri au kufundisha ujumbe unaogusa hali yako moja kwa moja — ukahisi kabisa Mungu amenena nawe kupitia mtu huyo.
Mpaka hapo naamini umeona sasa kuwa kuisikia sauti ya Mungu sio jambo la ajabu bali ni sehemu ya maisha ya kiroho kwa wote wanaomwamini Mungu. Kumbuka tu, ili uweze kuisikia sauti ya Mungu kinachohitajika ni moyo mnyenyekevu, usikivu wa kiroho, na utii; na kwamba mara nyingi Mungu hasemi kwa sauti kubwa bali kwa sauti ya utulivu inayosikiwa na moyo uliotulia. Hivyo kama umekuwa ukimuomba Mungu jambo fulani, tarajia kwamba Mungu anaweza kusema na wewe kuhusu jambo hilo ulilomuomba - kwa njia mojawapo katika hizo.
Katika kitabu cha Waebrania 3:7-8 tunaambiwa hivi:
“...mkisikia sauti yake leo, msiwe wakaidi kama wakati ule waliponiasi...kule jangwani."
Andiko hilo linatuhimiza kuwa watii haraka tunaposikia Mungu akinena nasi, ili tusikose neema yake na baraka zake kama Waisraeli walivyokosa kwa sababu waliacha kumtii Mungu walipokuwa jangwani.
Hebu basi leo tuangalie jinsi ya kuisikia sauti ya Mungu anaposema nasi. Mungu anaweza kusema nasi kwa njia zifuatazo:
1. Kupitia Neno lake (Biblia)
Mara kwa mara Mungu hunena nasi kwa njia ya Maandiko. Biblia ni sauti ya Mungu iliyoandikwa. Tukisoma Biblia kwa moyo wa maombi, Roho Mtakatifu hufanya Maandiko hayo yawe hai na kutuelekeza yatupasayo kufanya katika maisha yetu.
Timotheo aliambiwa hivi:
"Maandiko yote Matakatifu yameandikwa kwa uongozi wa Mungu, na yanafaa katika kufundishia ukweli, kuonya, kusahihisha makosa, na kuwaongoza watu waishi maisha ya adili” (2 Timotheo 3:16).
Mtu aliye na huzuni au aliyechanganyikiwa, akisoma Zaburi au Mithali, ghafla ataona aya moja inamgusa, yaani inaelezea afanye nini katika hali hiyo aliyo nayo. Hapo ni Mungu anakuwa amesema naye.
2. Kwa njia ya Roho Mtakatifu ndani yetu
Yesu aliahidi kwamba Roho Mtakatifu atatuongoza na kutufundisha yote. Roho huyu hukaa ndani ya waaminio na ananena kupitia dhamiri zetu, msukumo wa ndani, au amani isiyoelezeka.
Paulo alizuiwa na Roho Mtakatifu asiende kuhubiri Asia (Matendo 16:6-7) — sio kwa sauti kubwa, bali kwa mwongozo wa ndani. Vivyo hivyo kuna wakati mtu anapanga jambo fulani lakini moyoni anahisi "kukosa amani” kulifanya jambo hilo — hiyo mara nyingi ni sauti ya Mungu kupitia Roho wake.
3. Kwa njia ya maombi na utulivu wa moyo
Tunapomuomba Mungu, tunatakiwa sio tu kumwambia mahitaji yetu bali pia kutulia na kusikiliza anatuambia nini kuhusu mambo tuliyomuomba. Mungu anaweza kunena nasi ndani yetu kwa utulivu. Hivyo ni muhimu tujizoeze kutulia na kuisikiliza sauti yake baada ya maombi.
Nabii Eliya hakumsikia Mungu katika upepo mkali wala tetemeko la ardhi, bali katika “sauti ya upole mtulivu” (1 Wafalme 19:12).
Watu wengi hushuhudia kuwa walipotulia baada ya maombi, ghafla walipata wazo au msukumo fulani ulioleta suluhisho la matatizo yao.
4. Kwa njia ya ndoto na maono
Mungu anaweza kuongea na mtu kwa njia ya ndoto na maono hasa pale mtu anapokuwa tayari kupokea ufunuo wa kiroho. Hata hivyo sio kila ndoto inatoka kwa Mungu. Baadhi ya ndoto zinasababishwa na uchovu tu. Lakini kuna ndoto fulani huja na uzito wa kipekee kutoka kwa Mungu.
Yusufu, baba mlezi wa Yesu, alipokea maagizo kutoka kwa Mungu kwa njia ya ndoto (Mathayo 1:20; 2:13).
Kuna watu wengi pia wameshuhudia kwamba wameota ndoto zenye ujumbe wa kiroho.
5. Kupitia Watumishi wa Mungu na ndugu katika Kristo
Mungu anaweza kusema na sisi kupitia watumishi wake — yaani wahubiri, walimu wa Biblia, au hata ndugu wa kawaida kanisani.
Kwa mfano, Mungu alimtumia Eli kumpa ujumbe kijana Samweli(1 Samweli 3:9).
Kwa njia kama hiyo Mhubiri, Mwinjilisti au Mwalimu wa Biblia anaweza kuhubiri au kufundisha ujumbe unaogusa hali yako moja kwa moja — ukahisi kabisa Mungu amenena nawe kupitia mtu huyo.
Mpaka hapo naamini umeona sasa kuwa kuisikia sauti ya Mungu sio jambo la ajabu bali ni sehemu ya maisha ya kiroho kwa wote wanaomwamini Mungu. Kumbuka tu, ili uweze kuisikia sauti ya Mungu kinachohitajika ni moyo mnyenyekevu, usikivu wa kiroho, na utii; na kwamba mara nyingi Mungu hasemi kwa sauti kubwa bali kwa sauti ya utulivu inayosikiwa na moyo uliotulia. Hivyo kama umekuwa ukimuomba Mungu jambo fulani, tarajia kwamba Mungu anaweza kusema na wewe kuhusu jambo hilo ulilomuomba - kwa njia mojawapo katika hizo.
