Je, ni kwa kiwango gani Maafisa Kazi wa Mikoa wanatimiza wajibu?

Kukosekana kwa Ufuatiliaji Madhubuti*
Maafisa kazi wengi hawatembelei maeneo ya kazi kwa ukaguzi wa mara kwa mara, hali inayowapa waajiri mwanya wa kuendelea kukiuka haki za wafanyakazi.

Ukimya wa Maafisa Kazi Wakati wa Migogoro*
Kumekuwa na kesi nyingi ambapo wafanyakazi wanatendewa kinyume cha sheria lakini Maafisa kazi hawachukui hatua za haraka au hutoa majibu mepesi kama “nendeni CMA”, badala ya kusuluhisha mapema.

Uzembe au Kukosa Uelewa wa Sheria*
Baadhi ya Maafisa kazi hawajui kwa kina sheria za ajira au hawazifuatilii ipasavyo, jambo linalosababisha kushindwa kutoa msaada wa kitaalamu kwa wahitaji.

Kutowafikia Wafanyakazi Vijijini na Mijini Pembezoni*
Maafisa kazi wengi wanabaki ofisini mijini badala ya kutembelea maeneo ya viwanda, mashamba, au maeneo ya ujenzi ambako wafanyakazi hukosa hata mikataba ya kazi.

Kukosekana kwa Elimu kwa Wafanyakazi*
Serikali haijafanya juhudi za kutosha kutoa elimu ya haki za wafanyakazi kwa umma. Wafanyakazi wengi hawajui haki zao wala mahali pa kukimbilia wanaponyanyaswa.

Malalamiko ya Ufisadi na Upendeleo*
Wapo wafanyakazi wanaolalamika kuwa baadhi ya Maafisa kazi huwasaidia waajiri wenye fedha badala ya kuwatetea walioonewa.
Kutokuwepo kwa Mfumo wa Kuripoti kwa Urahisi*
Hakuna mifumo rahisi ya kuripoti malalamiko kwa Maafisa kazi, kama apps, USSD, au namba za dharura. Hii inawafanya wafanyakazi wa sekta binafsi kukosa msaada wa haraka.

Serikali Kutochukua Hatua Dhidi ya Maafisa Wazembe*
Hakuna mifumo madhubuti ya kuwawajibisha Maafisa kazi wasiotimiza wajibu, hivyo uzembe unaendelea.