Huu ni mjadala maalumu kuhusu uwepo wa Mungu na kutokuwepo kwake kwa ushahidi wa vitabu vitakatifu, history na science

[Izy_Name]

Ingawa wanasayansi wengi hawajawahi kusema wazi kuwa hakuna Mungu, tafiti na maelezo ya sayansi yanapokuja na majibu yanayotofautiana na maandiko ya dini, mara nyingi huleta tafsiri inayofanana na dhana ya kutokuwepo kwa Mungu au angalau kutohitajika kwa Mungu katika kueleza asili ya ulimwengu.

Katika vitabu vya dini kama Biblia na Qur’an, inaelezwa wazi kuwa:

• Dunia, mbingu na vyote vilivyomo vimeumbwa na Mungu.
• Uumbaji unatokana na mapenzi na uwezo wa Mungu, si mchakato wa kiasili tu.

Lakini upande wa sayansi, maelezo yanatolewa kwa mtazamo tofauti kabisa.

1. Mtazamo wa Dini​

• Biblia inaeleza kuwa Mungu aliumba dunia na vyote vilivyomo kwa kipindi cha siku sita (au saba kulingana na tafsiri), kwa mpangilio uliokusudiwa.
• Qur’an inaeleza kuwa uumbaji ni kwa amri ya Mungu: “Kuwa, ikawa”, ikionyesha uwezo wa juu usiofungwa na muda wa kibinadamu.

Hapa, uumbaji unaanzia kwa Mungu kama chanzo cha kila kitu.

2. Mtazamo wa Sayansi​

• Sayansi inaeleza kuwa ulimwengu (Universe) una umri wa takribani miaka bilioni 13.8.
• Inaelezwa kuwa ulitokana na tukio linaloitwa Big Bang, ambapo muda, nafasi na nishati vilianza.
• Tangu hapo, universe imekuwa ikitanuka hadi leo.

Swali kubwa ambalo sayansi bado haina jibu la mwisho ni:

Kabla ya Big Bang kulikuwa na nini?
Hapa sayansi inakiri mipaka yake — hakuna jibu thabiti, kuna nadharia tu.

3. Dunia Ilitokeaje?​

• Kwa mujibu wa sayansi, Dunia ilitengenezwa takribani miaka bilioni 4.5 iliyopita.
• Ilitokana na mkusanyiko wa gesi, vumbi la anga (cosmic dust), na miamba (accretion process) baada ya kuzaliwa kwa Jua.
• Maisha yalikuja baadaye sana kupitia mchakato unaoitwa abiogenesis (maisha kutoka vitu visivyo hai) — nadharia ambayo bado haijathibitishwa kikamilifu.

Hapa ndipo swali lingine gumu linapoibuka:

Je, sheria hizi za asili zilijitokeza zenyewe au ziliwekwa?

4. Migongano ya Msingi​

• Sayansi inaeleza namna (how) mambo yalivyotokea.
• Dini inaeleza kwa nini (why) na nani (who).

Tatizo linakuja pale sayansi inapojaribu kujibu maswali ya “kwa nini” bila kukiri uwezekano wa chanzo cha juu, au pale dini inapochukuliwa kama sayansi ya maabara badala ya mwongozo wa kiimani.

5. Hitimisho la Mjadala​

• Kukosa uthibitisho wa kisayansi wa Mungu sio sawa na uthibitisho wa kutokuwepo kwa Mungu.
• Sayansi ina mipaka: hujibu kile kinachoweza kupimwa na kurudiwa maabara.
• Maswali ya asili ya uwepo, mwanzo wa sheria za maumbile, na maana ya uhai bado yanabaki wazi.

Kwa mtazamo wangu binafsi, kuna uwezekano wa mawazo mawili:

1. Ikiwa Mungu yupo nje ya universe, basi ni mantiki kudhani kuwa:
   • Hayuko chini ya sheria za physics
   • Hana mwanzo wala mwisho
   • Dhana ya muda (time) haiwezi kutumika kwake
   • Hili linaendana na mitazamo ya kidini, lakini halithibitishwi kisayansi.
2. Ikiwa Mungu yupo ndani ya universe, basi hoja ya kimantiki inaibuka:
   • Universe ina mwanzo unaojulikana (Big Bang)
   • Kila kilichopo ndani ya mfumo wenye mwanzo, huibuka baada ya mwanzo huo
   • Kwa mantiki hii ya kifikra (sio kisayansi), mtu anaweza kufikiri kuwa Mungu angekuwa sehemu ya mchakato au matokeo ya mwanzo wa universe — hoja ambayo pia haina uthibitisho wa kisayansi, bali inaleta mjadala wa falsafa.

NB. WALOKOLE WENYE MIHEMUKO NADHANI HII THREAD HAIWAHUSU

 

[dosho12]

Hilo swali la kabla ya big bang ilikuwa ni nini ni nadharia ndio ila zina mashiko mfano big bang ilitokea wapi lazima kuwe na space hivyo huenda big bang haikuwa mwanzo wa ulimwengu mzima labda ni kwa ulimwengu wetu tu na hivyo ulimwengu unakuwa hauna mwisho. Au

Tunaishi kwenye Timeloop maana kama kitu hakina mwanzo wala mwisho huenda kipo kwenye timeloop hivyo kinajiunda na kujiharibu chenyewe tena na tena bila mwisho

 

[Izy_Name]

Hilo swali la kabla ya big bang ilikuwa ni nini ni nadharia ndio ila zina mashiko mfano big bang ilitokea wapi lazima kuwe na space hivyo huenda big bang haikuwa mwanzo wa ulimwengu mzima labda ni kwa ulimwengu wetu tu na hivyo ulimwengu unakuwa hauna mwisho. Au

Tunaishi kwenye Timeloop maana kama kitu hakina mwanzo wala mwisho huenda kipo kwenye timeloop hivyo kinajiunda na kujiharibu chenyewe tena na tena bila mwisho

ulimwengu una vitu vingi sana na hatuwezi ku-discover yote

 

[dosho12]

ulimwengu una vitu vingi sana na hatuwezi ku-discover yote

Sana, na kwq kuwa wanasema ulimwengu una expand huenda kuna vyingine hatutavijua kabisa na ukiunganisha na theory za relativity na nature zinatuzuia kujua mambo mengi, mfano hatuwezi kwenda kasi ya mwanga na kama tukitumia portals lazima kuwe na time dilation kubwa, safari ya ndani ya blackhole ni safari ya moja kwa moja hakuna kurudi,

 

[Izy_Name]

utata ni uwepo wa mungu dini zimeshindwa kutoa ushahidi usio na mashaka huku science kwa kiasi kikubwa ina hoja zenye mashiko

 

[UHURU JR]

utata ni uwepo wa mungu dini zimeshindwa kutoa ushahidi usio na mashaka huku science kwa kiasi kikubwa ina hoja zenye mashiko

Suala la kuwepo Mungu ni la kiimani na siku zote imani haifuatwi kwa uwepo wa ushahidi usio na mashaka bali imani hufuatwa kwa dalili na sababu na ndio maana kuna imani nyingi, sayansi haisemi hakuna Mungu bali usahihi ni kwamba hadi sasa hakuna ushahidi wa kisayansi wa kuthibitisha kuwepo Mungu, sasa mtu ambaye anadai hakuna Mungu au anapinga uwepo wa Mungu ndio anahusisha huo msimamo wake na sayansi lakini si kitu sahihi.

 

[Mussa Nzugilwa]

Mawazo yangu finyu nayaweka hapa.
Hakuna yeyote anaejua chochote kuhusu asili ya vitu visivyoundwa na binadamu. Zoootee tunazozisoma ni nadharia za watu tu. Zilikuja ili kujibu swali gumu la asili ya ulimwengu na vilivyomo.

Baada ya wanjanja wachache kung’amua kuwa baadhi ya majibu ya swali hili gumu yanaweza kutumika kuutawala ulimwengu, wakaja na sera ya dini.

Fikiria hivi;
Vipi kama Yesu alikua mwanasiasa aliyekua na lengo la kuwakomboa waisrael wenzie kutoka kwenye utawala wa unyanyasaji wa Roma? Ila yeye akitumia dhana ya upendo na haki? Kwanini? Kwa sababu, historia ya waisrael ilikua ni anatokea mmoja wao anatawala, akifariki wanakuwa watumwa wa falme zingine. (Kwa mujibu wa vitabu vilivyoandikwa na watu, ambavyo pia inaweza kuwa story za jaba tu)

Vipi kama Yesu aliuwawa na utawala Roma wakimuhofia kuchukua utawala wao ndani ya Yudea? Vipi kama Baada ya kumuua wafuasi wake wakaja juu kupingana na utala wa Roma kwa kila namna waliyoiweza? Vipi kama baada ya watawala kuona vuguvugu ni zito waliamua kutafuta suluhisho na suluhisho likawa kuwatawala kwa falsa za Yesu Mnazareti waliyemuua za kutotumia mabavu bali kuwasoften mioyo yao? Na hapo ndio wakaingiza majibu ya yale maswali magumu ya nini asili ya ulimwengu na vilivyomo na tukifa tunaenda wapi?

Vipi kama Yesu tunaemjua walimpolish zaidi ili asomeke, na atafsirike walivyoona inafaa kwa manufaa ya lengo lao? Kwanini nasema hivi, kwa sababu kwenye ulimwengu tuliopo sasa, maarifa yooote tuliyonayo yanatoka kwenye maandiko yaliyochapishwa na watu. Hakuna mtu wa sasa ataleta ushahidi nje vitabu vilivyochapishwa na watu wa kale, hayupo.

Hakuna anayejua asili ya dunia na vilivyomo, wala anaejua tukifa tunaenda wapi. Yoote tunayoyajua ni maandishi ya watu. Kikubwa tutende yaliyo mazuri bila kutarajia chochote ili tuufanye ulimwengu huu sehemu nzuri ya kuishi. Ova.

UPUUZI HUU NI HATARI KWA AFYA YA AKILI