Hawa ni wahuni ndani ya CHADEMA - Na Evarist Chahali

[alexander1]

wahuni watajichuja tu, na boss wao anajulikana kashaanzisha CHAUMA sijui anasubiri nini kuondoka cdm

 

[lufungulo k]

Hili ndilo naliona tatizo kwako kwa kufikiria kuwa viongozi kuongea ndiyo suluhisho - ukimya nao ni hatua stahili katika matatizo mengine.

kwako ukimya si tatizo ,kwangu ukimya ni tatizo . REMOTE inafanya kazi.

 

[Ame]

UHUNI, ni jina zuri saana kwa mtu au watu wanaokwenda kinyume na taratibu walizojiwekea. CDM/ CCM wanataratibu walizojiwekea, panapotokea tuhuma mbalimbali mara tu, mwanachama au kiongozi au mpenzi anapozipata tuhuma hizo, inajulikana wapi? zipelekwe kwa ajili ya kurekebisha , kuziondoa au kubaini kuwa haya ni majungu. lkn kwa kwa hili sakata binafsi naona kuna REMOTE sehemu fulani, kazi yake kuminya na kuchagua channels, kwanini? viongozi wamekaa kimya, kimyaaaaaaa, kama vile hakuna kinachoendelea. hakuna maamuzi ya kichama kuna maaamuzi ya kimtu binafsi, huku swala hili likimuhusisha kiongozi mkuuu kabisa wa chama. nadhani viongozi wengine mnazo REMOTE mkononi tafadhali ziwekeni chini, jitokezeni wazi kushughulikia tatizo kwa maana ya kuliondoa,kurekebisha au kubaini kuwa ni majungu kwa ustawi wa chama. au kujulikana kabisa vita hivi mimi muhusika kwa sababu hizi. MWL NYERERE ktk moja ya hotuba zake ,alisema wananchi wanaimani na CCM, lkn wakiona haikidhi matarajio yao, watatafuta kwenye vyama vingine. akasisitiza kiongozi mzuri hawezi kutoka nje ya CCM, kwa matendo haya YAWEZEKANA KUNA UKWELI. mwisho CDM kimeasisiwa na MH MTEI na BOB MAKANI [R.I.P] baada ya kukisimamisha chama, wakapeleka sera zao kwa MWL NYERERE akazisifia, baada ya hapo chama kilikuwa na nguvu ya kawaida kabisa ,ndipo mh Mbowe alipoamua kukipeleka chama ktk mtizamo kwa kumvuta mh ZZK kwa pamoja wakaimarisha chama. mh Slaa hakuwemo ktk vuguvugu la kuimarisha chama bali yy alikuwa na nguvu jimboni kwake hivyo ule mwangwi wake ulisaidia kwa namna fulani. lkn kwa maana ya mguu kwa mguu chama kiimarike wapeni sifa zao MH MBOWE na MH ZZK. namalizia kwa kusema UHUNI upo pia kwa viongozi wamelala huku wameshikilia REMOTE .

Mbona hili ndilo lilikuwa objective kubwa ya masalia? Naona wewe bado unaendeleza strategy....Hahahaaaaaaaaaaaaa mafisadi yenye magamba na masalia yenu mnakazi kweli kweli....

Again hear me and hear it very clearly, your dooms day is arround the corner..watch and see!

 

[TUJITEGEMEE]

Mwisho wa uhuni wao umekaribia.

Ukiisha bila kuathiri afya ya CHADEMA litakuwa jambo jema sana kwa wapenda mabadiliko ya kweli katika maboresho ya siasa za Tanzania.

 

[Ame]

Hili ndilo naliona tatizo kwako kwa kufikiria kuwa viongozi kuongea ndiyo suluhisho - ukimya nao ni hatua stahili katika matatizo mengine.

Msome vizuri utagundua nia yake...Anataka kutuaminisha kuwa naibu wa katibu mkuu na Mwenyekiti ndiyo wanaotakiwa kupewa pongezi za kukijenga chama na hapo katibu mkuu hahusiki kabisa katika ujenzi; then rudi kwenye ile pre-emptive message ya moja wa masalia..Kuwa 'tuwatenganishe mwenyekiti na katibu mkuu ili tuweze kuwabomoa wote kwa pamoja'. Then rudi kwa CCM na accusation yao kila siku kwa katibu mkuu unapata jibu la moja kwa moja nani ni wanted most na kundi la mafisadi.....


Hivi mafisadi sijui kwanini huwa hawatumii vijana wenye akili kufanya strategies zao!

 

[lembu]

ZKK kawavuta vijana kwenye siasa zipi, performance ya CHADEMA wakati wa ZKK ilikuwa kama vyama vingine vya upinzani. Dr Slaa kaleta ushawishi mkubwa mpaka kwa wapiga kura halafu kuna watu hapa hawaoni hilo. Mkitaka kuyarudia matapishi ya kale mkorogeni Dr aikache CHADEMA ndipo hao wenye uchu wa madaraka mtabakia kugombania ruzuku

ZKK kaimarisha sana CHADEMA kwa wakati wake hakuna atakayebisha, lakini alipoingia tu kwenye kamati ile ya madini basi

Mbowe naye kaimarisha chama kwa ujio wake kama Mwenyekiti wa chama

Dr Slaa naye baada ya kujitoa CCM na kuingia CHADEMA kaleta mvuto mkubwa mpaka CHADEMA ikawa mpinzani rasmi wa CCM anayewindwa kabla ya hapo CHADEMA ilikuwa hainyimi usingizi CCM - huo ndio ukweli

Mtu yeyote anayetumia approach ya kugawa chama huyo ni kaburu hata kama ana ngozi nyeusi. Hafai kwa mustakabali wa CHADEMA na Tanzania. ZKK kama naye anatumika kuigawa CHAMA hata kama alikuwa msaada kwa CHADEMA huko nyuma, sasa ni kaburu tu na ni wa kuogopwa kama ukoma

 

[Ben Saanane]

Ben wewe hutabiriki na huaminiki, ulianzisha kundi la kusaliti CHADEMA baada ya kugundulika ukajifanya mwema. Sijui sasa hivi umeanzisha kikundi gani cha isaliti kingine?

Kiongozi wangu wa Zamani......!

 

[Kisiya Jr.]

"" Wahuni" naam;hilo ndo jina sahihi ambalo mimi ninalichagua kwa baadhi ya vijana wasio na nidhamu kwa Chadema na baadhi ya viongozi wake wanaoongoza harakati za kukikongoroa chama hicho kwa kigezo cha kudai demokrasia, wanapaswa kukumbuka kuwa Mwangosi alikufa kwa kuuawa kinyama na polisi wakati akitekeleza majukumu yake ya kuhabarisha umma kuhusu harakati za chama hicho.

Lakini wanapaswa kutambua kwamba Chadema sio Dr. Slaa, Zitto wala Freeman Aikaeli Mbowe pekee bali ni chama ambacho kinaonekana miongoni mwa watanzania wengi kama kimbilio la wengi pindi wakiamua kuitosa ccm.

kwa hiyo ni vema, kwa wahuni hao wanaotumia mwamvuli wa Bavicha, kutambua kwamba kwa kiasi kikubwa mafanikio ya Chadema yametokana na Dr,Slaa hususani alivyokiwezesha chama hicho kifanye vizuri" relatively" katika uchaguzi mkuu uliopita na kuonekana ni chama kinachopigania maslahi ya umma badala ya maslahi binafsi.

sasa wahuni hao wanapokoroga mambo kwa vile tu wanamtu wao wanayemtaka agombee urais katika uchaguzi mkuu ujao,wanapaswa kufahamu kuwa wanao wasaliti ni mamilioni ya watanzania wenye imani na chama hicho." by EVarist Chahali-Uskochi

We sema tu upo kambi ya Dr.Slaa tu tutakuelewa.
Eee we ni mnafiki tunakufaham siku nyingi sana,ni mlamba nyayo za mabwana kwa kutafuta cheo. Rejea ulivojipendekeza kwa kilawa ili akupe uwaziri wa mikopo udsm.
unapenda kujckia na kijiona wewe ndo wewe.
Hapo chadema sio bure,wayafuta cheo.

 

[lufungulo k]

Mbona hili ndilo lilikuwa objective kubwa ya masalia? Naona wewe bado unaendeleza strategy....Hahahaaaaaaaaaaaaa mafisadi yenye magamba na masalia yenu mnakazi kweli kweli....

Again hear me and hear it very clearly, your dooms day is arround the corner..watch and see!

ni mawazo yako, nayaheshimu, kama ww ni CDM nakupongeza kwa kudhania kuwa kila asiye na mawazo yanayofanana na yako ,basi hayuko upande wako. kwa msingi huo mtajenga chama imara. chenye mlengo wa ndiyo mzeee.

 

[mmaroroi]

Wanajamvi mnaionaje hii habari.
-----------------------------------------------------------------------------------------------------------------------------
Raia mwema Ughaibuni

CHADEMA dhibiti wahuni hawa

26 Dec 2012

NIANZE makala haya kwa salamu za Heri ya Krismasi (ambayo ilikuwa jana) na Mwaka Mpya tunaotarajia kuuona Jumanne ijayo. Pia ningependa kutoa shukrani zangu za dhati kwenu wasomaji wa safu hii (na nyinginezo katika jarida hili maridhawa), hususan kwa maoni yenu ambayo yamechangia sana kupanua upeo wangu kuhusu masuala mbalimbali. Asanteni sana!

Mwaka huu wa 2012 unaoelekea ukingoni, utakumbukwa kwa mengi, mazuri na mabaya. Na kama kuna jambo moja linalopaswa kubaki katika kumbukumbu zetu, ni mauti yaliyomkumba mwandishi wa habari, Daudi Mwangosi ambaye anadaiwa kuuawa na polisi wakati akiwa katika majukumu yake ya kuuhabarisha umma kuhusu harakati za kisiasa za Chama cha Demokrasia na Maendeleo (CHADEMA) mkoani Iringa.

Ingawa Mwangosi hayupo nasi, lakini kifo chake kimeleta chachu ya kuangalia utendaji kazi wa jeshi letu la polisi, hususan katika matumizi makubwa ya nguvu hata pale inapohitajika busara tu. Na ingawaje hadi sasa, marehemu hajatendewa haki (kwa maana ya adhabu stahili kwa waliomuua), angalau kuna dalili japo kidogo za Serikali kutambua haja ya kuwadhibiti polisi wetu na ubabe wao.

Lakini kama kuna jambo ambalo linaweza kuwa linamsikitisha sana Mwangosi huko aliko, ni hali ya sasa ilivyo ndani ya CHADEMA. Ikumbukwe kuwa Mwangosi alipoteza uhai wake wakati akifuatilia mikutano ya chama hicho mkoani Iringa. Ingawa sijui itikadi yake ya kisiasa, lakini cha muhimu ni ukweli kwamba ripoti zake zingekuwa na manufaa kwa chama hicho na wananchi kwa ujumla.

Kwa siku kadhaa sasa, upepo ‘mbaya' umekuwa ukivuma ndani ya CHADEMA. Kwa wanaofuatilia juu juu wanaweza kudhani kuwa chanzo cha mtafaruku unaoendelea ndani ya chama hicho, ni taarifa kwamba aliyekuwa mgombea wake wa urais katika uchaguzi mkuu uliopita, na ambaye pia ni Katibu Mkuu, Dk Willibrod Slaa, bado anamiliki kadi ya Chama cha Mapinduzi (CCM).

Lakini kwa wanaofutilia kiundani harakati za kisiasa za chama hicho, hawatoshindwa kubaini kuwa moja ya sababu kuu za mtafaruku huo, ni uchu wa madaraka. CHADEMA ambacho kinaonekana machoni mwa Watanzania wengi kama chama kinachoweza kuiondoa madarakani CCM huku mbeleni, kinasumbuliwa na ‘virusi' wachache lakini wenye nguvu ambao akili na mawazo yao yapo kwenye kushika madaraka ya juu ya nchi, yaani urais.

Si dhambi kwa mwanasiasa kuwaza, kutamani au hata kutaka urais, lakini mawazo, tamaa na matakwa hayo yaendane na busara na hekima. Hakuna mwanasiasa anayeweza kuingia Ikulu kwa kukibomoa chama chake, angalau katika mazingira ya sasa ambapo mgombea urais lazima atokane na chama cha siasa.

Wakati nguvu ya CHADEMA inaonekana kutegemea zaidi vijana ambao katika siku za hivi karibuni wamekuwa wenyeji katika matumizi ya teknolojia ya mawasiliano, hususan mtandao wa intaneti na tovuti za kijamii, suala hilo la matumizi ya mtandao, linaonekana kama nuksi kwa chama hicho kwa sasa.

Kwa kutumia mtandao wa kijamii wa mijadala mbalimbali, wa Jamii Forums, baadhi ya vijana wa CHADEMA wameamua kuvuana nguo hadharani na kuwashushia heshima baadhi ya viongozi wao, hususan Dk Slaa. Kimsingi, kinachoonekana katika sakata hilo, ni kundi la vijana ambalo linamuunga mkono Mbunge wa Kigoma Kaskazini, Zitto Kabwe (CHADEMA) na wale wanaoliona kundi hilo kama wahujumu wa mafanikio na hatma ya chama hicho.

Inapofikia hatua ya Makamu Mwenyekiti wa Jumuiya ya Vijana ya CHADEMA (BAVICHA) kwa mfano, kumkosoa hadharani Katibu Mkuu wa chama chake, ni wazi kwamba demokrasia ndani ya chama hicho imechukua mwelekeo mbaya (wrong turn). Binafsi, ninaamini kuwa mtafaruku unaoendelea ndani ya chama hicho, licha ya kusababishwa na tamaa za urais, unachangiwa pia na nguvu za giza nje ya CHADEMA.

Itakumbukwa kwamba ni hivi majuzi tu, Katibu Mkuu Mpya wa CCM, Abdulrahman Kinana, aliingilia kati majukumu ya Wizara ya Nishati na Madini na kutoa vibali 21 vya uchimbaji madini kwa wananchi. Ingawa wazo la kuwasaidia wachimba madini wadogo wadogo ni zuri, kitendo cha Katibu Mkuu wa CCM kutoa vibali hivyo kilijenga picha ya CCM kupora madaraka ya Serikali, ambayo japo inatokana na ushindi wa CCM hapo 2010, lakini inaendeshwa kwa kanuni na taratibu tofauti na itikadi za kisiasa.

Je; baada ya Kinana kupora majukumu ya Wizara ya Nishati na Madini, haiwezi kuyumkinika kuhisi kwamba ameelekeza nguvu zake sehemu nyingine kuzishinikiza ziihujumu CHADEMA? Kama Kinana aliweza kupora majukumu ya wizara nzima, itamwiaje vigumu, kwa mfano, kuitaka Idara ya Usalama ya Taifa iwakoroge CHADEMA? Hizi ni hisia zangu tu na zisitafsiriwe kuwa ndiyo hali halisi!
Lakini hata kama si mkono wa Kinana na CCM; hivi kuna Mtanzania asiyejua kuwa taasisi nyingi za umma zinafanya kazi kama idara ndogo za CCM? Tukikubaliana hilo, kwanini basi zisiwekeze jitihada zake katika kukihujumu chama hicho, hasa ikizingatiwa kuna walafi ambao wapo tayari kuiona CHADEMA ikisambaratika al-mradi tu ndoto zao za kisiasa zikafanikiwa?

Wahuni, naam; hilo ndilo jina sahihi ambalo mimi ninalichagua kwa baadhi ya vijana wasio na nidhamu kwa CHADEMA na baadhi ya viongozi wake, wanaoendesha harakati za kukikong'oroa chama hicho kwa kigezo cha kudai demokrasia, wanapaswa kukumbuka kwamba Mwangosi aliuawa na polisi wakati anatekeleza majukumu yake ya kuhabarisha umma kuhusu harakati za chama hicho.
Lakini pia wanapaswa kutambua kwamba CHADEMA si Dk Slaa, Zitto wala Freeman Mbowe pekee, bali ni chama ambacho kwa sasa kinaonekana miongoni mwa Watanzania wengi kama kimbilio la wengi pindi wakiamua kuitosa CCM.

Kwa hiyo, ni vema kwa wahuni hao, wanaotumia mwavuli wa BAVICHA, kutambua kwamba kwa kiasi kikubwa, mafanikio ya CHADEMA yametokana na Dk Slaa, hususan alivyokiwezesha chama hicho kufanya vizuri ‘relatively' katika Uchaguzi Mkuu uliopita na kuonekana kama ni chama kinachopigania maslahi ya umma badala ya maslahi ya watu binafsi.

Sasa wahuni hao wanapokoroga mambo kwa vile tu wana mtu wao wanayetaka agombee urais katika uchaguzi mkuu ujao, wanapaswa kufahamu kuwa wanaowasaliti ni mamilioni ya Watanzania wenye imani na chama hicho.

CHADEMA inaweza kuwalaumu kina Nape Nnauye, Mwigulu Nchemba, Kinana na viongozi wengine wa CCM kwamba ndio wanaochochea mgogoro ndani yake, lakini ukweli ni kwamba wahuni hawa waliopewa fursa ya kuropoka chochote kinachowajia akilini mwao, ndio maadui wakubwa wa chama hicho.

Baba wa Taifa, Mwalimu Julius Nyerere, aliwahi kutuusia kuwa heshima bila uhuru ni utumwa, lakini uhuru bila uhuru ni vurugu. Hiki ndicho kinachoendelea ndani ya CHADEMA. Matumizi mabaya ya uhuru.

Nimalizie makala haya kwa kutoa wito kwa CHADEMA kwamba inapaswa kufanya maamuzi magumu kwa kuchukua hatua kali dhidi ya virusi wote wanaosambaza sumu ndani na nje ya chama hicho. Tamaa za mtu mmoja kutaka urais, zisiruhusiwe kukiingiza chama kaburini!

Yanayoendelea sasa ndani ya CHADEMA, yanarahisisha hujuma zinazoendelea kila siku dhidi ya chama hicho, hususan uwapo wa mawakala wa taasisi za dola wanaotumiwa kukihujumu chama hicho. Nawatakia heri na baraka za Mwaka Mpya wa 2013.

 

[bantulile]

kuwa heshima bila uhuru ni utumwa, lakini uhuru bila uhuru ni vurugu. Mkuu ingefaa isomeke UTII bila uhuru ni utumwa, lakini utii bila mipaka ni uendawazimu.

 

[Lokissa]

Mkuu dah umeandika ukweli mtupu! Huyu anayetaka kugombea uraisi ndo aliyewapa hao masalia viburi ila kama uongozi wa CHADEMA unataka watz waendelee kukipenda na kukiamini chama inabidi wakiondoe pia hiki kirus kikubwa. Na pia ninakushauri sana wewe ZZK ukija hapa nje kwa sababu ya shule au shughuli zako acha kabisa kukutana na sisi maana huwa unatupa uchungu tukiona unavyohujumu chama alafu hapa unatueleza mengine. Kumbuka kwa sasa hakuna unachoweza kukificha maana tuko humu JF kila wakati.

 

[PresidentSalum]

duh kumbe chadema ina wahuni.


Hint: fujo za Arusha

 

[Mzalendo_Mwandamizi]

We sema tu upo kambi ya Dr.Slaa tu tutakuelewa.
Eee we ni mnafiki tunakufaham siku nyingi sana,ni mlamba nyayo za mabwana kwa kutafuta cheo. Rejea ulivojipendekeza kwa kilawa ili akupe uwaziri wa mikopo udsm.
unapenda kujckia na kijiona wewe ndo wewe.
Hapo chadema sio bure,wayafuta cheo.

Ndugu yangu, una hakika unanifahamu vizuri au unanifananisha na mtu mwingine? Nilisoma UDSM from 1996-1999, na kwa wengi wanaonifahamu, nilikuwa miongoni mwa "tuliokuwa tukisoma kwa njia ya posta," i.e. unakuja chuo kutoka off-campus,unaripoti 'kijiweni' (nyuma ya ATB),unahudhuria lecture kwa niaba ya wanakijiwe mlio kozi moja,mnashea notes na waliobaki kijiweni,mnashuka bondeni kupata lunch-ambayo mara nyingi ni kwa mfumo wa kuchangishana fedha,DUSO mara moja moja uchumi ukiruhusu,then tunatokomea mtaani-kwa basi au kukatiza viwanja vya michezo vya UD,na kuibukia Mwenge"...lakini ilipojiri mitihani,kila mwanakijiwe ali-perform vizuri.

Sasa huyo Mlawa unayemwongelea hata simfahamu.None of wana-kijiwe were interested in politics za chuoni hapo.Tafadhali rejea notes zako upya,na pindi ukibaini unamkashifu mtu tofauiti,nataraji utani-PM kiungwana.

That aside, si kila anayeisapoti CCM ni fisadi na si kila anayeichukia ni mhaini.Likewise,si kila anayesapoti harakati za Chadema anataraji kitu flani kutoka kwa chama hicho.

Tunaweza kupingana kimtazamo pasi haja ya kukashifiana.Huo ni uhuni

 

[Mzalendo_Mwandamizi]

kuwa heshima bila uhuru ni utumwa, lakini uhuru bila uhuru ni vurugu. Mkuu ingefaa isomeke UTII bila uhuru ni utumwa, lakini utii bila mipaka ni uendawazimu.

Samahani mkuu, hapo kalamu iliteleza (slip of tongue)

 

[Mzalendo_Mwandamizi]

Nimesoma Makala ya Evarist Chahali nimefurahi sana.Ni makala nzuri na yenye ushauri mzito.

Asante, Ben.