MALAIGWANANI wilayani Monduli, mkoani Arusha wametoa rai kwa wenzao wanaoingiza masuala ya siasa kwenye mila za kabila la Kimasai kuacha mara moja. Aidha wamesema hawatambui uteuzi wa Laigwanani, Mepukori Mberekei kuwa Mwenyekiti wa Malaigwanani, wilayani Monduli wala hakuna cheo cha Laigwanani wa Afrika Mashariki.
Wakizungumza na waandishi wa habari jana wilayani Monduli Juu eneo la Oloponi wakati wa kumsikimika Laigwanani mpya, Kibori Ngilepoi, malaigwanani hao zaidi ya 98 walisema wanamtambua Ngilepoi kama Mwenyekiti wa Malaigwanani.
Alisema hivi sasa kuna baadhi ya Malaigwanani wameunda kikundi kinachoingiza masuala ya siasa katika mila ambazo si rahisi kuingiliwa. Akisoma tamko hilo jana, Sungura Mang’aro alisema siasa hazipaswi kupewa nafasi na kuingizwa katika mila, hivyo Malaigwanani hawatambui cheo cha Laigwanani wa Afrika Mashariki na wala hawana cheo hicho hivyo hawamtambui Mberekei kama Mwenyekiti wa Malaigwanani bali wamemsimika Ngilepoi kuwa Mwenyekiti wao.
“Hatutaki siasa kuingizwa katika mila zetu na hatumtambui Mberekei kama Mwenyekiti wetu ila leo tumempa baraka yote Laigwanani Ngilepoi kuwa Mwenyekiti wetu na tumempitisha kwa kauli moja mbele ya Malaigwanani zaidi ya 98,” alisema.
Malaigwanani hao pia walimuombea Rais John Magufuli Mungu amlinde na kumuepusha na mambo mabaya kwani kazi anayoifanya hivi sasa ni kutetea wanyonge na kuhakikisha kila mtu anamheshimu mwenzake na kumfananisha Magufuli na Waziri Mkuu wa zamani Hayati Edward Sokoine kwa kufanya kazi iliyotukuka.
Wakizungumza na waandishi wa habari jana wilayani Monduli Juu eneo la Oloponi wakati wa kumsikimika Laigwanani mpya, Kibori Ngilepoi, malaigwanani hao zaidi ya 98 walisema wanamtambua Ngilepoi kama Mwenyekiti wa Malaigwanani.
Alisema hivi sasa kuna baadhi ya Malaigwanani wameunda kikundi kinachoingiza masuala ya siasa katika mila ambazo si rahisi kuingiliwa. Akisoma tamko hilo jana, Sungura Mang’aro alisema siasa hazipaswi kupewa nafasi na kuingizwa katika mila, hivyo Malaigwanani hawatambui cheo cha Laigwanani wa Afrika Mashariki na wala hawana cheo hicho hivyo hawamtambui Mberekei kama Mwenyekiti wa Malaigwanani bali wamemsimika Ngilepoi kuwa Mwenyekiti wao.
“Hatutaki siasa kuingizwa katika mila zetu na hatumtambui Mberekei kama Mwenyekiti wetu ila leo tumempa baraka yote Laigwanani Ngilepoi kuwa Mwenyekiti wetu na tumempitisha kwa kauli moja mbele ya Malaigwanani zaidi ya 98,” alisema.
Malaigwanani hao pia walimuombea Rais John Magufuli Mungu amlinde na kumuepusha na mambo mabaya kwani kazi anayoifanya hivi sasa ni kutetea wanyonge na kuhakikisha kila mtu anamheshimu mwenzake na kumfananisha Magufuli na Waziri Mkuu wa zamani Hayati Edward Sokoine kwa kufanya kazi iliyotukuka.
