Mphamvu
JF-Expert Member
- Jan 28, 2011
- 10,702
- 3,352
Frederick Mwakalebela
ALIYEKUWA KATIBU Mkuu wa Shirikisho la Soka Tanzania (TFF), Fredrick Mwakalebela amefunguliwa kesi No OB/RB/16369/2014 katika kituo cha Polisi cha Oysterbay cha jijini Dar es Salaam.
Mwakalebela ambaye pia ni Kamanda wa UVCCM Manispaa ya Iringa na Mjumbe wa Mkutano Mkuu wa Taifa wa CCM, alifunguliwa kesi hiyo juzi na atafikishwa mahakamani wakati wowote kuanzia sasa kujibu tuhuma zilizoko mbele yake.
Taarifa za awali kutoka katika kituo hicho zinasema Agosti 23, 2011 Mwakalebela alisaini mkataba na Abdi Kassim wa kumuuzia nyumba iliyopo Kiwanja Na 25 Mivumoni Wazo Kinondoni jijini Dar es Salaam kwa Sh Milioni 30.
Taarifa hiyo inaonesha Abdi Kassim aliyenunua nyumba hiyo kwa niaba ya mtoto wake Kassim Abdi Kassim alifanya malipo hayo kwa awamu mbili tofauti kwa makubaliano kwamba baada ya malipo hayo alitakiwa kupata nyaraka zote zinazohusiana na nyumba hiyo ikiwemo hati halali ya umiliki.
Pamoja na malipo hayo kukamilishwa taarifa hiyo inasema, Mwakalebela alishindwa kumkabidhi Abdi Kassim nyaraka hizo na baadaye ikagundulika kwamba nyaraka za nyumba hiyo zilitumika kupata mkopo mwingine benki.
Pamoja na kupewa siku 14 kutoka Agosti 25 awe amewasilisha nyaraka hizo kwa Abdi Kassim, bado zoezi hilo halikufanikiwa na ndipo alipofunguliwa kesi hiyo.
Mwakalebela mwenyewe amekuwa akitafutwa mara kwa mara kuzungumzia tuhuma hizo bila mafanikio yoyote.
Hata hivyo taarifa kutoka katika pande mbili hizo zinaonesha kwamba, suala hilo linaweza kuondolewa mahakamani kama mlalamikaji atapata haki yake.
Taarifa zaidi zinaonesha kwamba Abdi Kassim amefanya mahojiano na moja ya kituo cha redio nchini na kuzungumzia suala hilo kwa kina.
FrancisGodwinBlog