Fastjet inajihakikishia kuporomoka kiuchumi kwa mwenendo huu

[MwanaHaki]

Wakati shirika la ndege la fastjet lilipoanza shughuli zake hapa nchini takriban miaka 5 iliyopita, lilikabiliwa na changamoto nyingi, mojawapo ikiwa kuzushiwa tuhuma nzito, haswa kuhusu usalama wa ndege zake hizo.

Nakumbuka, siku ya kwanza nilipopanda ndege ya fastjet, tarehe 23 Agosti 2013, nilikutana na watu wakarimu sana. Safari kutoka JNIA kwenda KIA ilikuwa nzuri na salama.

Tangu siku hiyo nikawa Mtetezi Namba 1 wa fastjet, niliandika pia tweet nyingi kuisifia fastjet, hata kubuni msamiati wa "fastjetting" na "fastjetter". Mojawapo ya akaunti zangu za Twitter ni @fastjetter1.

Lakini leo nasikitika kusema fastjet " wamebugi", wamechemka vibaya mno.

Wiki iliyopita Mama yangu alinunua tiketi ya fastjet ya kwenda Dar na kurudi akitokea KIA, safari ikiwa Jumamosi, 12 Machi. Leo, Ijumaa, Machi 11, tumejaribu kubadili safari hiyo ili aondoke tarehe 27 Machi na kurudi tarehe 3 Aprili. Tiketi ilinunuliwa kwa gharama ya TZS 213,000, lakini gharama ya kuibadilisha tiketi ikawa TZS 220,000! Hii ni sawa na kununua tiketi nyingine mpya, wala si kubadilisha safari!!!

Nachelea kusema kuna sintofahamu kubwa sana kwa namna fastjet inavyotoa huduma zake. Ilianza vizuri lakini sasa inaharibu. Kama kuna mtu amewadanganya wamiliki wa fastjet kwamba Watanzania wataendelea kuvumilia tabia hii ya kunyanyaswa, amewapoteza njia. Mojawapo ya sababu ya wajasiriamali kuanguka kimafanikio ni kudhani kwamba wateja watanunua huduma au bidhaa kwa bei yoyote ile. Si kweli.

Fastjet sasa mnaelekea kuwa slowjet. Siku zenu zinahesabika.

 

[mng'ato]

Mkuu mabepar hawana urafiki na mtu wa kawaida, wao ni pesa tu ndo wanachotaka

 

[ByaseL]

Dhana ya low-cost carrier kama ilivyo Fastjet ni tofauti kabisa na dhana ya legacy carrier kama Precision Air. Low cost carrier wanakupa nauli ndogo sana kusafiri siku fulani na saa fulani tu. Ni lazima kuheshimu muda huo. Ukibadili muda huo kwa sababu yoyote ile inakula kwako!! Low cost carrier duniani kote ziko hivyo na wala si Fasjet peke yake. Ndio maana ukiwa mfanya biashara au mfanyakazi Fasjet si ndege yako. Panda Precision au Air Tanzania. Watu wengi hawakuielewa dhana hii ya nauli ndogo. Yes, nauli ndogo lakini kuna masharti yake. Mara nyingine bure ni aghali!!

 

[MwanaHaki]

Dhana ya low-cost carrier kama ilivyo Fastjet ni tofauti kabisa na dhana ya legacy carrier kama Precision Air. Low cost carrier wanakupa nauli ndogo sana kusafiri siku fulani na saa fulani tu. Ni lazima kuheshimu muda huo. Ukibadili muda huo kwa sababu yoyote ile inakula kwako!! Low cost carrier duniani kote ziko hivyo na wala si Fasjet peke yake. Ndio maana ukiwa mfanya biashara au mfanyakazi Fasjet si ndege yako. Panda Precision au Air Tanzania. Watu wengi hawakuielewa dhana hii ya nauli ndogo. Yes, nauli ndogo lakini kuna masharti yake. Mara nyingine bure ni aghali!!

Kwa sasa, fastjet - kwa upande wa gharama - hawana tofauti na Precision Air.

 

[mng'ato]

Kwa sasa, fastjet - kwa upande wa gharama - hawana tofauti na Precision Air.

Na waache kujiita low cost airline wkt gharama zao na precision air zinalingana

 

[educator2025]

Tulivamia fastjet bila kusoma masharti

 

[Mwelewa]

Mkuu hapo imeongezeka 7,000/- tu......huoni ni fair? Kuna usumbufu unatokea unapobadili siku ya kusafiri.

 

[Bonny]

haongez elfu 7 mkuu anachofanya anatoa upya ile laki mbili na elfu ishirini na ile 213,000 inakua cancelled

Mkuu hapo imeongezeka 7,000/- tu......huoni ni fair? Kuna usumbufu unatokea unapobadili siku ya kusafiri.

 

[educator2025]

Low cost at a cost

 

[Retreat]

Acha tu MwanaHaki mimi mwenyewe yamenikuta hayo hayo, nilikata tiketi ya Dar-Mwanza go and return kwa watu wawili safari ikiwa ni tarehe 24 October 2016 na kurudi 4 November 2016 kwa Tsh 489,000/=. Nilipotaka kubadilisha ili irudi nyuma kidogo tena iwe kwa mtu mmoja tu badala ya wawili, nikaambiwa kuwa niongeze 308,000. Nikachoka kabisa.