Exclusive Interview na Mheshimiwa Mathias Chikawe

[Makutano Show]

Jumamosi katika kipindi cha Makutano nitakuwa na Mbunge wa Nachingwea ambaye pia ni Waziri wa Sheria na Katiba Mheshimiwa Mathias Chikawe tukiongea mambo mbalimbali ikiwemo suala la Katiba mpya.

Mheshimiwa Waziri anataka kupokea maswali na maoni toka JF, unakaribishwa kuuliza na yatamfikia. Pia usikose kusikiliza akihojiwa Jumamosi kuanzia saa tisa mchana Magic FM 92.9 Dar, 93.3 Dodoma, 98.6 Arusha/Moshi,101.7Mwanza na online kupitia MakutanoShow on USTREAM: Makutano na Fina Mango..

Karibu

Wana-JF

Mahojiano na Mheshimiwa Chikawe kwa Jumamosi hii yameahirishwa kutokana na kupata dharula hivyo kusafiri kikazi. Tunawaomba radhi kwa hilo badala yake atakuwepo mheshimiwa Basil Pesambili Mramba waziri wa zamani wa Fedha.

Mahojiano yake yatakuwepo hapa baada ya kipindi.

 

[Shalom]

Dada jitahidi kutuletea viongozi watakao tupeleka mbele na siyo wanaotuhujumu sasa na wanaturudisha nyuma. hilo ni ombi langu tu na sina swali kwa huyo bwana.

 

[gfsonwin]

Fina tunashukuru hata kwa karibisho wa Mathias chikawe katika kipindi chako.

Nina swali moja tu kwake; Kama waziri wa katiba na sheria, yeye akiwa kama waziri amewahi kufikiri kufanya marekebisho ya sheria za wabadhirifu na wala rushwa hasa kwenye kipengele cha adhabu wanazopewa?

Pia swali naloweza ongeza ni kwanini sheria kama ile ya rushwa haiipi TAKUKURU mamlaka halisi yaani yamefichwa chini ya uchunguzi wa DPP?

 

[Janjaweed]

Dada jitahidi kutuletea viongozi watakao tupeleka mbele na siyo wanaotuhujumu sasa na wanaturudisha nyuma. hilo ni ombi langu tu na sina swali kwa huyo bwana.

Unajuaje yupi anatupeleka mbele ? muache dada afanye kazi yake

support her kwa kupendekeza majina sio comments za juu juu tu

 

[Marire]

Muulize yeye ana maoni gani kutokana na wananchi na hata bungeni tumesikia wakipendekeza sheria kama za China kwa mafisidi kunyongwa hadharani endapo wanakutwa na hatia.

Nina pendekezo pia kuwa tunaomba uite na viongozi wa Upinzani pindi upatapo nafasi ili tuweze kupata nafasi ya kutoa maswali dhidi yao.

 

[Nyauba]

Maswali
1. Je amejisikiajee kusikia na kusoma ushahidi uliotolewa na Mh Tundu Lissu kuhusu shutuma zake dhidi ya Uteuzi wa Majaji katika mahakama hapa nchini Tanzania?

2. Kama waziri wa sheria anaguswa vipi na sheria zinazochochea kasi ya umaskini nchini kama ile ya zuio la maandamano''inayobakwa na Jeshi la Polisi kwa kisingizio cha sababu za usalama ili hali ikiwa ni maelekezo ya kulinda chama tawala na watawala wake?

 

[Tungaraza Jr]

Mh. Chikawe, kwa maoni yako wewe unadhani tume ya Katiba iko huru na hakuna shinikizo la viongozi hasa katika maoni yanayohusu madaraka ya Raisi na utawala wa sheria kwa kua kwa sasa tunaona madudu mengi bungeni?

Kwa mfano: Kinachotakiwa kutojadiliwa sehemu nyingine ni maamuzi yatolewayo na mahakama na si kesi iliyopelekwa mahakamani, ila nashangaa viongozi wa CCM na serikali swala hili limekua kimbilio la maovu yenu.

 

[mgen]

Maoni yangu ni tunataka Mkutano wa Katiba. Kama ni katiba mpya sisi wananchi tunataka Mkutano wa katiba ili tuweze kutoa maoni yetu kama vile juu ya masharti muajiri ili tukatae ama kukubali nini muajiri afanye/asifanye! Hio inakuwa kwa maslahi uma na sio mwajiriwa ama mwajiri.

 

[sembuli]

Mh nina maswali matatu rahisi.

1: ukiwa kama mbunge wa jimbo la nachingwea ,umefanikiwa vp kutekeleza ahadi zako ulizoahidi ktk uchaguzi wa mwaka 2010

2(a): unakabiliana vp na changamoto ya kuongezeka kwa idadi wanafunzi wa kike wanaopata ujauzito na kukatiza masomo ktk shule za msingi jimboni kwako?

2(b): mh rais Jk aliwahi kunukuliwa akisema kuwa "ujauzito kwa wanafunzi wa msingi ni kiherehere chao". Je,nini maoni yako juu ya kauli hii?

3: ukiwa kama waziri wa sheria, Je ni lini tatizo la uchakavu wa majengo ya mahakama za mwanzo litaisha? mfano ni jengo la mahakama ya mwanzo dodoma mjini, mahakama ya mwanzo mvumi-makulu wilayani chamwino, mahakama ya mwanzo chamwino-ikulu wilaya ya chamwino DODOMA. Licha ya uchakavu pia posho za wazee wa baraza hazilipwi kwa wakati .

 

[Kiganyi]

MODS mmefuta ujumbe wangu kwa Makutano show katika thread hii!

Acheni Ubeberu!!

 

[Kiranja]

Muulize kuhusu habari ya mwanahalisi kuhusu yeye kwa kushirikiana na wafanyabiashara wa Afrika ya kusini kuanzisha kiwanda cha ARVs amefikia wapi?

Pili, kuhusu korosho , kwanini wananchi wanakosa sulphur kwa ajili ya mikorosho yao na yeye yuko kimya? pia anamsimamo gani kuhusu viwanda vya korosho?

 

[Ndinani]

Je ilikuwaje mtu asiyekuwa na shahada ya sheria akateuliwa kuwa jaji wa mahakama ya rufaa?

 

[Wamunzengo]

Jumamosi katika kipindi cha Makutano nitakuwa na Mbunge wa Nachingwea ambaye pia ni Waziri wa Sheria na Katiba Mheshimiwa Mathias Chikawe tukiongea mambo mbalimbali ikiwemo suala la Katiba mpya.

Mheshimiwa Waziri anataka kupokea maswali na maoni toka JF, unakaribishwa kuuliza na yatamfikia. Pia usikose kusikiliza akihojiwa Jumamosi kuanzia saa tisa mchana Magic FM 92.9 Dar, 93.3 Dodoma, 98.6 Arusha/Moshi,101.7Mwanza na online kupitia MakutanoShow on USTREAM: Makutano na Fina Mango..

Karibu

Fina, binafsi nina maswali mengi saana, lakini nikikumbuka jamaa alivyokuwa anajibu kwa kiburi hoja za wabunge siku anahitimisha mjadala wa makadirio ya bajeti ya wizara yake, napata hasira sana. kwa kifupi Fina hawa jamaa wa ccm hata ukiwauliza maswali, wanajibu kisanii tu, halafu wanavyotaka wao. swali nyeti, zito, lenye mantiki, halafu jamaa atakujibu ooh! ndo tupo kwenye mchakato, mara tutalifanyia kazi, mara maoni tumeyapokea, yaani upuuzi upuuzi tu. Hivi ccm, wanadhani sisi watanzania ni mali yao?? hakyanani we ngoja tu, lazima waipate hapa hapa duniani. wanajineemesha wao, tu utadhani Tanzani ni ya wabunge, baraza la mwaziri na rais peke yao. wanatia hasira sana hawa jamaa.



Tuendeleeni kuwaelimisha watanzania, waelimike ili tuliondoe madarakani hili li serikali la ccm magamba/mafisadi/majambazi/wauaji.

 

[DALLAI LAMA]

Huyu hana jipya..hawa ni wale wale wastaafu akina Chibulunje.kipindi hakitakuwa na mvuto coz hawana majibu yenye tija zaidi ya kutetea matumbo yao.

 

[Yericko Nyerere]

Naomba niulize maswali yangu mawili mapema, kwakuwa sijui kama nitabahatika kuungana nanyi hapa siku ya j1:

1. Kwa uzoefu wangu wakufuatilia nakujua mifumo ya uundaji katiba ktk baadhi ya mataifa ambayo sisi hupenda kuakisi ni kuwa, katiba hutengenezwa na chombo kiitwacho BARAZA LA KATIBA, Je Mh waziri, mfumo wetu wakutumia TUME unatuaminishaje kuwa tume hii itatuletea Katiba ya kiraia/umma?

2. Kwamujibu wa sheria ya kutunga katiba mpya iliyosainiwa kabla ya uundwaji wa tume husika, moja ya mambo muhimu inampa rais wa nchi mamlaka ya:

(a). Kuteua tume ya katiba, (b). Hadidu za rejea zitapelekwa kwake, (c). Atakaa na rais wa Zanzibar nakuamua kuitisha kura ya maoni.

Kwakuzingatia sheria hiyohiyo, Je inampa rais wa nchi mamlaka kupendekeza na kuingiza mawazo/matakwa yake kwa ukomo gani? na nani anasimamia uingizaji wa mawazo hayo ya rais wa nchi kwenye mchakato huu wa katiba?

 

[Lambardi]

Rais wa JMT...in waiting

 

[jogi]

Muulize chikawe:
je ni kosa wananchi kuunga mkono, kushabikia vyama vya siasa;

kwa mujibu wa sheria za nchi yetu, ni kosa gani ambalo ni kubwa zaidi kuliko mengine na ni nini hukumu ya hilo/hayo kosa/makosa.

Morogoro wananchi walidaiwa kukaidi maelekezo ya polisi kuhusu maandamano, kanuni za jeshi zinasema nini kuhusu matumizi ya silaha za moto kwa waandamanaji wasio na silaha, kufanya vurugu wala kuhatarisha usalama wa mali na maisha?

Kwa nini kila linapohusika jeshi kudai kulinda na kusimamia sheria hasa za vyama vya siasa ndipo nguvu zao husababisha maafa, na hawachukui hatua zipaswazo kuchukuliwa kwa wakiukaji wa taratibu za kazi zao.

Kwanini wizara ya sheria na katiba inaogopa ccm kupoteza dola.

 

[TinyMonster]

Tunaruhusiwa kumuuliza swali mheshimiwa Mramba?