......Dada anapolazimika kuolewa ili kaka asome!!!!!!!!!

[Eiyer]

................Maisha yana mambo yake lakini binadamu nao pia tuna yetu

Huyu dada alizaliwa kwenye familia ya kimaskini kama kawaida yetu Waafrika wengi hasa wanaoishi maeneo ya vijijini,Ni mtoto wa 3 kwenye familia ya watoto 5

Mahali na jina la mhusika sitalitaja kwa sababu malum!

Yeye na kaka yake walikuwa wanasoma shue moja lakini kaka yake alikuwa yuko mbele yake kwa darasa moja,kaka yake alipohitimu elimu hiyo ya msingi,dada huyu alikuwa yupo darasa la 6

Kaka yake huyo hakuwa ni mhudhuriaji mzuri sana wa shule hivyo hata mtihani wa kumaliza elimu ya msingi nao aliufanya nusunusu na hakufaulu,baada ya kushindwa kufaulu wazazi wake waliamua kumtafutia shule ili asome lakini kikwazo kilikuwa ni uchumi wao kuwa mbovu

Ndipo waliposhauriana kuwa ule ulikuwa ni wakati muafaka wa mtoto wao wa kike aolewe ili wapate mahari itakayowawezesha kulipia gharama za mtoto wao wa kiume kusoma elimu ya sekondary

Ilikuwa ni siku ya jumanne alipotoka shule ndipo alipoitwa na kupewa taarifa ile,aliambiwa kuwa inabidi aache shule na aolewe na mchumba ameshatafutiwa ili mahari itumike kumsomesha kaka yake,binti alijaribu kupinga hilo lakini aliambiwa kuwa yeye ni mtoto wa kike hata elimu hiyo aliopata inamtosha anachotakiwa ni kuolewa ili akaanzishe familia

Dada huyu alilia sana siku hiyo kwani alikuwa anapenda shule na hakutaka aachishwe lakini hakuwa na lakufanya ilibidi tu aolewe

Dada wa watu aliolewa na maisha ya ndoa yakaanza,kaka yake alitafutiwa shule na kuanza masomo,lakini kama ilivyokuwa shule ya msingi,hakuwa mhudhuriaji mzuri wa shule na mara kwa mara alikuwa akisimamishwa shule kwa utovu wa nidhamu

Kaka yake huyu aliendelea na shule hiyo na hatimae alikuja kufukuzwa shule kwa kosa la kukutwa akivuta Bangi,na shule iliishia hapo

Kijana huyu aliamua kuondoka nyumbani nakwenda mjini, na alienda kuwa kijana wa vijiweni bila kuwa na shughuli ya kufanya na mara nyingi alikuwa akikumbana na mikono ya dola kwani alijihusisha na vibaka

Kutokana na kutokuwa na malezi mazuri,maisha ya kijana huyo yalikuja kukatishwa na kipigo kutoka kwa wananchi wenye hasira kwa tabia yake ya wizi

Dada yake kutokana na kuolewa bila ridhaa yake maisha yake ya ndoa hayakuwa mazuri na mume aliemuoa alikuwa ni mlevi sana,maisha ya dada huyu hayakuwa ya furaha hata kidogo

Mumewe hakuwa hata akimpa matumizi ya kutosha na nyakati za masika yeye ndie alikuwa mkulima huku mumewe akiwa ni mtu wa kwenda kulewa tu na mavuno yalipokuwa yakipatikana mumewe alikuwa akiyauza na mkewe hakutakiwa kuuliza fedha zilipokuwa zinaenda

Dada huyu hayakuwa mazuri na mara nyingi alikuwa akikutana na kipigo kila mumewe akirudi nyumbani nyakati za usiku akiwa amelewa,alipokuwa akiwaambia wazazi wake hawakujali na walikuwa wakimuambia kuwa maisha ya ndoa ndivyo yalivyo

Dada huyu alikuwa kila akipata ujauzito na ulikuwa unaharibika na kutoka kila alipokuwa akipigwa na mumewe kitendo kilichozidisha hasira kwa mumewe na kumuambia ni hasara kwa kutozaa

Maisha yalikuwa magumu sana na ilifikia wakati hakuwa anakula na alikuwa anakoroga uji na kuutumia kama chakula

Dada huyu aliamua kutoroka kwa mumewe na kwenda kwa shangazi yake ambae alikuwa ndie angalau alipokuwa akimueleza matatizo yake alikuwa anamsikiliza,alipofika kwa shangazi yake alipokelewa na akaeleza nia yake ya kutokurudi kwa mumewe,shangazi yake alionekana kutokukubaliana naye lakini dada huyu ilibidi amuambie kuwa atakaa pale kwa muda kisha atarudi kwa mumewe

Maisha yalianza na ilipita miezi miwili na huyu dada aliondoka kwa shangazi yake akimuaga kuwa anarudi kwa mumewe,lakini haikuwa hivyo,dada huyu aliondoka na kwenda nyumbani kwa rafiki yake ambae walisoma wote shule ya msingi ambae alifanikiwa kukutana nae wakati akiwa kwa shangazi yake

Alipofika kwa rafiki yake huyo ambae wakati huo alikuwa yupo kidato cha 5 ilibidi atambulishwe kwa wazazi wake na rafiki yake na kuwaeleza aina ya matatizo yaliyomfanya aombe hifadhi pale

Wazazi wa rifiki yake waliahidi kumsaidia lakini wakamwambia kuwa ni lazima waitaarifu serikali ya mahali walipokuwa wanaishi pamoja na wazazi wake,dada huyu alipinga suala la wazazi wake kupewa taarifa kwa kujua kuwa atarudishwa kwa mume wake lakini wazazi wa rafiki yake walimuondoa wasiwasi kwa kumuambia kuwa kama aliyowaambia ni kweli basi hawataweza kumsumbua kwakuwa wakifanya hivyo watalifikisha suala hilo kwenye mikono ya sheria na atakuwa salama

Na kama dada huyu alivyotabiri baada ya taarifa kuwafikia wazazi wake walitaka arudi kwa mumewe lakini walipoambiwa kuwa watashtakiwa waliogopa na kumlaani mtoto wao huyo kwa kumuambia kuanzia siku ile sio mtoto wao tena

Binti hakujali

Wazazzi wa rafiki yake walimuuliza alichokuwa anataka akawaambia kuwa bado anahitaji kusoma

Sitaki kuwachosha sana kuhusiana na kilichoendelea lakini kwa ufupi binti alifanikiwa kusoma na alipata mume mwema na sasa anafanya kazi kwenye shirika moja la kigeni

Ugomvi na wazazi wake uliisha kwani binti ilibidi atafute ndugu na kusuluhisha ugomvi huo na amewatoa wazazi wake kule walikokuwa wanaishi na kuwapa nyumba aliyoijenga yeye mwenyewe na amewaanzishia biashara ambayo walisema wanaimudu
Amewapeleka shule wadogo zake na mmoja anamalizia masomo yake kwenye chuo kimoja hapa nchini na ndie alienipa ushuhuda huu

Kwa kifupi dada huyu amefanikiwa kuyabadili maisha ya nyumbani kwao pamoja na kunyimwa nafasi ya kufanya hivyo!

Haya ndio maisha yetu!!!!!!!!
Inasikitisha sana!!!!!

 

[Dina]

Ile kauli ya msichana/mwanamke akiwezeshwa anaweza, inahusika sana kwa hapa......

 

[Eiyer]

Ile kauli ya msichana/mwanamke akiwezeshwa anaweza, inahusika sana kwa hapa......

Inawezekana kwa kiasi fulani!!!!!!!

 

[Baba V]

A good inspirational story...

 

[kidole007]

maisha ya dada olewa kaka aende shule ni ya zamani tena vijijini
ambapo mahari ilikuwa inaweza fika hata ngo'mbe 20
sasa mahari yenyewe 1m utamsomesha nani

 

[Dina]

Inawezekana kwa kiasi fulani!!!!!!!

Kwa kiasi fulani tena?! Ila sijapendezwa na mtazamo wa baadhi ya watu kuwa mtoto wa kike hastahili kusoma, bali anasomeshwa mtoto wa kiume, tena ambaye hata morari wa shule yenyewe hana! Ukiangalia kwa sasa, hao watoto wa kike wamekuwa wakombozi wa familia.

Sisi kwetu tuna kaka ambaye ndio alikuwa anaonekana mtoto wa kiumeeeee...utafikiri dunia nzima yuko peke yake! Lakini leo hii ndio hatuoni hata kesho yake ikoje, haoni haya hata kumpiga mzinga mdogo wetu wa mwisho ambaye wanapishana miaka 14! Hamna kazi anafanya hata kwa mwaka mzima..ooh kazi yenyewe manyanyaso...ooh siwezi kutumikishwa kama sina kwetu...

 

[ng`wana ong`wa kulwa]

Makusudi ya Mungu kwa mtu kamwe hayawezi kuzuiliwa ila yanaweza cheleweshwa......na mlango akifungua Bwana hakuna wa kuufunga.

 

[Mapi]

umzaniae ndie kumbe sie..wazazi walihangaika na mwizi huku wakiiteketeza asset muhmu maishani mwao. Nimependa sana hapo alipofanya uamuzi wa kusuluhsha na damu yake pamoja na kukataliwa, kudharauliwa na kunyanyaswa.

 

[kabanga]

nami nitasomesha watoto wangu wakike ....

 

[Domhome]

...na huu ndo ujinga wa wazazi wengi, kwani ziko familia nyingi sana zenye watoto wa kiume wenye nafasi nzuri kiuchumi lakini msaada mkubwa kwa wazazi unatoka kwa mtoto pekee wa kike kwenye familia hizo...

 

[Mashaxizo]

Sio kweli!!!!!!!!

...na huu ndo ujinga wa wazazi wengi, kwani ziko familia nyingi sana zenye watoto wa kiume wenye nafasi nzuri kiuchumi lakini msaada mkubwa kwa wazazi unatoka kwa mtoto pekee wa kike kwenye familia hizo...

 

[Domhome]

Sio kweli!!!!!!!!

sina maana familia zooteee laa, nina maanisha baadhi ya familia tu. Mjombangu mwenyewe ni mfano tosha wa hili.

 

[habari ya hapa]

Nashukuru Mungu kwa familia yangu mzee wangu anawapenda sana watoto wa kike, na amewapa kipaumbele zaidi ya waume

 

[Eiyer]

Kwa kiasi fulani tena?! Ila sijapendezwa na mtazamo wa baadhi ya watu kuwa mtoto wa kike hastahili kusoma, bali anasomeshwa mtoto wa kiume, tena ambaye hata morari wa shule yenyewe hana! Ukiangalia kwa sasa, hao watoto wa kike wamekuwa wakombozi wa familia.

Sisi kwetu tuna kaka ambaye ndio alikuwa anaonekana mtoto wa kiumeeeee...utafikiri dunia nzima yuko peke yake! Lakini leo hii ndio hatuoni hata kesho yake ikoje, haoni haya hata kumpiga mzinga mdogo wetu wa mwisho ambaye wanapishana miaka 14! Hamna kazi anafanya hata kwa mwaka mzima..ooh kazi yenyewe manyanyaso...ooh siwezi kutumikishwa kama sina kwetu...

Nimesema hivyo kutokana na kanuni ya maumbile ilivyo!!!!!

Kanuni inakataa kuku kutaga yai ambalo ni viza,mayai yote anayotaga kuku huwa ni mazima kabisa!

 

[Eiyer]

umzaniae ndie kumbe sie..wazazi walihangaika na mwizi huku wakiiteketeza asset muhmu maishani mwao. Nimependa sana hapo alipofanya uamuzi wa kusuluhsha na damu yake pamoja na kukataliwa, kudharauliwa na kunyanyaswa.

Hata mimi nimepapenda sana hapo!!!!!!

 

[Eiyer]

...na huu ndo ujinga wa wazazi wengi, kwani ziko familia nyingi sana zenye watoto wa kiume wenye nafasi nzuri kiuchumi lakini msaada mkubwa kwa wazazi unatoka kwa mtoto pekee wa kike kwenye familia hizo...

Hivi mtu anazaa mtoto ili aje amsaidie?

 

[Dina]

Nimesema hivyo kutokana na kanuni ya maumbile ilivyo!!!!!

Kanuni inakataa kuku kutaga yai ambalo ni viza,mayai yote anayotaga kuku huwa ni mazima kabisa!

Mmh...haya bwana.

 

[Eiyer]

Nashukuru Mungu kwa familia yangu mzee wangu anawapenda sana watoto wa kike, na amewapa kipaumbele zaidi ya waume

Hili nalo ni kosa kubwa sana!!!!!!

 

[Watu8]

"No one has yet realized the wealth of sympathy, the kindness and generosity hidden in the soul of a child. The effort of every true education should be to unlock that treasure."

-Emma Goldman

 

[Dina]

Hivi mtu anazaa mtoto ili aje amsaidie?

Siamini kama mtu anazaa mtoto ali aje kusaidiwa naye. Ila litakuwa jambo la kichekesho kama mtoto umeneemeka na wazazi wako hali tete na wewe usiwiwe kuwasaidia...