Miss Zomboko
JF-Expert Member
- May 18, 2014
- 4,618
- 9,610
Kutokana na zuio la Serikali la kusafirisha mchanga wa dhahabu (makinikia) nje ya nchi, mgodi wa dhahabu wa Bulyanhulu umebadili mfumo wa utendaji kazi kwa kuanzisha mtambo mpya utakaochenjua mabaki ya awali kwa kutumia kemikali ya sayanaidi (Cyanide).
Njia hii imeelezwa itatoa kiasi kidogo cha dhahabu tofauti na uchimbaji wa awali wa mtambo mkubwa uliokuwa ukizalisha makinikia yenye dhahabu nyingi zaidi.
Meneja mkuu wa mawasiliano kutoka Acacia, Asa Mwaipopo alisema hayo jana Jumamosi wakati wa hafla ya kuwaaga wafanyakazi 2,000 waliopunguzwa. Wafanyakazi hao wamepunguzwa kutokana na mgodi kupunguza uzalishaji baada ya Serikali kuzuia usafirishaji wa makinikia kwenda nje ya nchi.
Mwaipopo amesema kati ya wafanyakazi 2,000 waliopunguzwa, 1,200 ni waajiriwa wa Bulyanhulu na 800 ni kutoka kwenye kampuni za kandarasi zinazofanya kazi katika mgodi huo.
Amesema katika mfumo mpya wa mtambo wa uzalishaji kwa kutumia kemikali ya sayanaidi wataajiri upya wafanyakazi 150 wa kampuni na wengine 150 kutoka kwenye kampuni za kandarasi ambao watakuwa wakifanya usafi, ulinzi na huduma ya chakula.
Mwaipopo amesema mtambo mkubwa uliokuwa ukitumika kwa uzalishaji umekamilisha kazi jana Jumamosi, hivyo kufikia mwisho wa uzalishaji wa makinikia katika mgodi huo.
Amesema licha ya mgodi kupunguza uzalishaji na wafanyakazi lakini ulipaji wa ushuru wa huduma kwa halmashauri na kodi za Serikali utaendelea ijapokuwa ni kwa kiwango kidogo.
Mwaipopo amesema shughuli za kijamii zilizokuwa zimepangwa zitaendelea kufanyika katika wilaya za Msalala, Kahama na Nyang’wale. Amesema ni matumaini ya kampuni kuwa mazungumzo yanayoendelea kati yao na Serikali yataleta matunda ya kuanza kazi tena kwa mgodi huo.
Kuhusu wafanyakazi waliopunguzwa, amesema licha ya kuagana nao wamewapa mafunzo ya ujasiriamali na kuwaandaa kisaikolojia kwa kuwafunza namna ya kuishi maisha mbadala tofauti na waliyokuwa nayo wakati wa ajira.
Mwakilishi wa vyama vya wafanyakazi katika mgodi huo, Kazimili Lubigisa amesema jana Jumamosi ilikuwa siku maalumu ya kumuaga Meneja Mkuu wa mgodi huo, Graham Crew lakini kwa masikitiko na hali ambayo haikutarajiwa ilikuwa siku ya kuwaaga wafanyakazi wote.
Lubigisa amesema kufungwa kwa mtambo huo kumesababisha madhara makubwa kwa wafanyakazi na Serikali kwa jumla, ikiwa ni pamoja na familia zao kuathirika kiuchumi, elimu, afya na kisaikolojia.
Amesema pia vijiji 14 vinavyozunguka mgodi vitaathirika kiuchumi, kielimu, afya, miundombinu ya barabara na mapato ya Serikali. Amesema makandarasi wanaofanya kazi katika mgodi huo nao wameathirika, hivyo ameiomba Serikali kuharakisha mazungumzo ili kuepusha madhara zaidi.
Akiwaaga wafanyakazi, meneja mkuu Crew anayeondoka baada ya kufanya kazi katika mgodi huo kwa miaka miwili amesema hakuna anayefurahia hatua iliyopo lakini akawataka wafanyakazi kuendelea kuwa na imani kuwa mazungumzo yanayoendelea baina ya uongozi na Serikali yataleta muafaka na kampuni kuendelea na uzalishaji.
mwananchi
Njia hii imeelezwa itatoa kiasi kidogo cha dhahabu tofauti na uchimbaji wa awali wa mtambo mkubwa uliokuwa ukizalisha makinikia yenye dhahabu nyingi zaidi.
Meneja mkuu wa mawasiliano kutoka Acacia, Asa Mwaipopo alisema hayo jana Jumamosi wakati wa hafla ya kuwaaga wafanyakazi 2,000 waliopunguzwa. Wafanyakazi hao wamepunguzwa kutokana na mgodi kupunguza uzalishaji baada ya Serikali kuzuia usafirishaji wa makinikia kwenda nje ya nchi.
Mwaipopo amesema kati ya wafanyakazi 2,000 waliopunguzwa, 1,200 ni waajiriwa wa Bulyanhulu na 800 ni kutoka kwenye kampuni za kandarasi zinazofanya kazi katika mgodi huo.
Amesema katika mfumo mpya wa mtambo wa uzalishaji kwa kutumia kemikali ya sayanaidi wataajiri upya wafanyakazi 150 wa kampuni na wengine 150 kutoka kwenye kampuni za kandarasi ambao watakuwa wakifanya usafi, ulinzi na huduma ya chakula.
Mwaipopo amesema mtambo mkubwa uliokuwa ukitumika kwa uzalishaji umekamilisha kazi jana Jumamosi, hivyo kufikia mwisho wa uzalishaji wa makinikia katika mgodi huo.
Amesema licha ya mgodi kupunguza uzalishaji na wafanyakazi lakini ulipaji wa ushuru wa huduma kwa halmashauri na kodi za Serikali utaendelea ijapokuwa ni kwa kiwango kidogo.
Mwaipopo amesema shughuli za kijamii zilizokuwa zimepangwa zitaendelea kufanyika katika wilaya za Msalala, Kahama na Nyang’wale. Amesema ni matumaini ya kampuni kuwa mazungumzo yanayoendelea kati yao na Serikali yataleta matunda ya kuanza kazi tena kwa mgodi huo.
Kuhusu wafanyakazi waliopunguzwa, amesema licha ya kuagana nao wamewapa mafunzo ya ujasiriamali na kuwaandaa kisaikolojia kwa kuwafunza namna ya kuishi maisha mbadala tofauti na waliyokuwa nayo wakati wa ajira.
Mwakilishi wa vyama vya wafanyakazi katika mgodi huo, Kazimili Lubigisa amesema jana Jumamosi ilikuwa siku maalumu ya kumuaga Meneja Mkuu wa mgodi huo, Graham Crew lakini kwa masikitiko na hali ambayo haikutarajiwa ilikuwa siku ya kuwaaga wafanyakazi wote.
Lubigisa amesema kufungwa kwa mtambo huo kumesababisha madhara makubwa kwa wafanyakazi na Serikali kwa jumla, ikiwa ni pamoja na familia zao kuathirika kiuchumi, elimu, afya na kisaikolojia.
Amesema pia vijiji 14 vinavyozunguka mgodi vitaathirika kiuchumi, kielimu, afya, miundombinu ya barabara na mapato ya Serikali. Amesema makandarasi wanaofanya kazi katika mgodi huo nao wameathirika, hivyo ameiomba Serikali kuharakisha mazungumzo ili kuepusha madhara zaidi.
Akiwaaga wafanyakazi, meneja mkuu Crew anayeondoka baada ya kufanya kazi katika mgodi huo kwa miaka miwili amesema hakuna anayefurahia hatua iliyopo lakini akawataka wafanyakazi kuendelea kuwa na imani kuwa mazungumzo yanayoendelea baina ya uongozi na Serikali yataleta muafaka na kampuni kuendelea na uzalishaji.
mwananchi
