Kwa kuwa amekuwa mlei (kisheria) matendo yote anayoyafanya ya daraja takatifu (la kiaskofu) yatakuwa valid kwa sababu ya character ambayo haifutiki LAKINI yatakuwa illegal na yasiyotambulikana na Kanisa. Kumbe akisoma Misa mbele ya Kanisa Misa hiyo haitambuliwi kama Misa halali hata kama katika undani wake itakuwa valid. Akipadirisha au kutoa uaskofu wale waliopewa wanahesabiwa ni walei Tu mbele ya Kanisa (au wenye daraja la nyuma kabla ya huyu jamaa kuwapa hili la sasa) hata kama katika undani wake watakuwa wamepata daraja husika kama alifanya kile ambacho Kanisa hukifanya kwa uhalali wa sakramenti. Kumbe hawatatambuliwa kama ni mapadri au maaskofu, matendo yao watakayoyafanya yatakuwa hayana effect mbele ya Kanisa.
Kama ni mtihani ume-pass with honors. Umenipunguzia kazi kuwaelimisha wana JF. Hukukosea hata nukta na mimi niliuliza makusudi. Congratulations.
Sasa tuanzie hapo. Hivyo ndivyo makanisa ya mashariki yalivyoanza yale tunayoyaita Orthodox. Kwamba upadri wao, uaskofu wao na sakramenti zao hazikutambulika kwenye kanisa. Tena baadhi yao ni kutokana na kutofautiana kiimani. Mfano kuna kanisa walitengana kwenye mtaguso wa Chaledean nafikiri. Kutokana na fundisho la kiimani.
Kwa Millingo siyo hivyo. Milingo hana ugomvi na imani au doctrine yoyote ya kanisa Katoliki. Yeye ana ugomvi na suala la kuoa tu. Kila kitu kinabaki palepale. BIkira Maria ni yuleyule hana matatizo naye. Kanuni ya imani ni ileile.
Hivyo Millingo na wafuasi wake tatizo lao ni moja tu, useja. Kwamba mapadri wangeruhusiwa kuoa tena sheria waliyojiwekea basi asingekuwa na tatizo.
Umesema kwamba upadrisho na uaskofu anaotoa Millingo ni valid yaani halali lakini tu haukubaliki ndani ya kanisa. Milingo hana shida ya kukubalika ndani ya kanisa. Analijua hilo na Vatican wanalijua hilo.
Kinahotokea kwa Milingo ndivyo ilivyokuwa yale makanisa ya Orthodox ambayo leo tunahangaika kuwaita "Makanisa dada". Milingo akipata wafuasi hakuna atakayeshindwa kuita kanisa lake kanisa dada hapo mbeleni.
Milingo ni tofauti na Father Nkwera au Martin Luther. Hawa wawili hawakuwa na maaskofu wa kuurithisha uaskofu kwenye vikundi vyao. Ndiyo maana wakatoliki wanawatazama walutheri kwa jicho tofauti na wakatoliki wa mashariki. Kwamba walutheri hawana apostolic succession au hawana maaskofu halali lakini wanakubali wa-Orthodox wana maaskofu halali lakini hawakubaliki kanisani kama Milingo na wenzake wasivyokubalika.
Martin Luther yeye alikuwa ni padri tu hivyo yeye na wenzake alipokufa walikosa kuirithisha ile sakramenti ya daraja ambayo Milingo tayari ameishaitoa kwa zaidi ya watatu ambao na watairithisha kama Orthodox walivyofanya baada ya ile inayoitwa Great Schism.
Padri Nkwera akifa basi labda atokee askofu apadrishe mtu mwingine ndani ya kikundi cha wanamaombi. Vinginevyo kikundi hicho kinaweza kikose mtu mwenye daraja takatifu kama padri au askofu. Ndiyo maana kuna mmoja alitoa wazo humu tukamcheka alipoleta hoja kwamba Milingo ampe uaskofu padri Nkwera ili kikundi chake kipata mapadri milele.
Hiyo ndiyo effect ya uaskofu ambao ni ukuhani milele haufutiki. Milingo na hicho kikundi chake tunapaswa tukitahadhari kwa kukiangali kwa jicho hilo la future kuliko kushabikia kwamba sasa wamemaliza kana kwamba yanayotokea Vatican hayajui na kuna mtu wa kumfundisha.