Afrika Kusini kujiondoa mahakama ya ICC

[jorochere95]

Afrika Kusini imeanzisha mchakato wa kujiondoa kutoka uanachama wa mahakama ya kimataifa ya uhalifu wa kivita.

Wanadiplomasia wa Afrika kusini wamearifu umoja wa mataifa juu ya uamuzi huo na kuilaumu ICC kwa kuzilenga zaidi nchi za Afrika.

Uamuzi wa Afrika kusini kujiondoa ulitokana na shinikizo ilikumbana nazo mwaka uliopita za kuitaka imkamate rais wa Sudan Omar al Bashir wakati wa mkutano wa muungano wa nchi za Afrika mjini Johannesburg.

Septemba mwaka jana, mahakama nchini nchini Afrika Kusini iliinyima serikali ya nchi hiyo ruhusa ya kukata rufaa uamuzi ulioishutumu kwa kukosa kumkamata Bw Bashir alipohudhuria kongamano hilo mwezi Juni mwaka 2015.

Serikali ilitaka kukata rufaa uamuzi wa Mahakama Kuu ikisema Bashir alikuwa na kinga ya urais kwa sababu yeye ni kiongozi wa taifa.

Lakini Jaji Hans Fabricius alisema rufaa hiyo haiwezi kufanikisha chochote.

Aliongeza kuwa Afrika Kusini ni mwanachama wa Mkataba wa Roma uliounda mahakama hiyo, na kwamba mkataba huo unabatilisha sheria zozote ambazo huenda zingempa kinga Bashir asikamatwe na kushtakiwa.

Kiongozi huyo wa Sudan amekuwa akisakwa na Mahakama ya kimataifa ya uhalifu wa kivita ICC kwa tuhuma za kutekeleza mauaji ya halaiki na makosa ya uhalifu wa kivita Darfur.

Kiongozi huyo aliyechukua mamlaka kupitia mapinduzi ya kijeshi mwaka 1989 amekanusha madai hayo.

Chanzo: BBC

Haiwezekani ! Wao walishindwa kumtetea Gaddafi iweje wajitoe ICC ?Kura ya maoni ipite kwa wananchi tuone kama watashinda !

 

[navajo]

Mijitu hata haielimiki, hivi kama hiyo mahakama kama kweli ya kimataifa....bush na blair si tushanyonga sasahivi...

 

[hometown]

Mh sasa waafrika wajiandae na dhuruma ,ya kila aina katika tawala ,zetu yaani mtawala atatawala apendavyo hakuna pa kumtishia !!!!

 

[Isanga family]

Damu ya Gadaffi inawalilia hela zote na msaada waliopupata kutoka kwa Gadaffi,Zuma alishindwa kumuokoa Gadaffi na kumpa hifadhi ya kikimbizi Zuma kazi anayo ana kesi 780 zipo mahakamani zikimsubiri pamoja na zile za kina Shabir sheikh kazi anayo kweli...