JamiiTalks
JF Advocacy Team
- Aug 7, 2018
- 693
- 1,162
Viongozi huunda mataifa yetu, jamii, na mashirika. Tunahitaji viongozi bora watusaidie kutuongoza na kufanya maamuzi muhimu makubwa ambayo yanafanya ulimwengu kusonga mbele.
Kiongozi bora ana sifa zifuatazo:-
Maono
Kiongozi ni lazima awe na maono ambayo ni tofauti wengine. Lazima awe na uwezo wa kuona vitu ambavyo watu wengine hawana uwezo wa kuviona.
Uwajibikaji
Kiongozi bora lazima aweze kuwajibika. Kuwajibika katika kutenda kazi na kusaidia watu. Pia kuwa tayari kung’atuka pale itakapoonekana kuwa ameshindwa kutekeleza matakwa ya watu wake.
Uwezo wa kukabidhi madaraka
Kiongozi bora hafanyi majukumu yote peke yake huwapa nafasi watu wengine kufanya kazi.
Kujiamini
Kujiamini ni sifa kubwa katika kufanya mambo mengi. Ili uweze kujiamini ni lazima pia uwe na mtazamo chanya. Bila kujiamini na kuwa na mtazamo chanya na wenye kujenga sahau kuwa kiongozi mkubwa na bora.
Kuwa na uwezo wa kubadili mwelekeo
Kuna wakati kiongozi hulazimika kubadili mwelekeo wa nguvu zake ama sera zake. Kama kiongozi bora kuwa na uwezo huo kutakusaidia sana katika kufanya maamuzi. Ni wakati gani wa kutumia nguvu kubwa, wakati gani utumie nguvu ndogo.
Ushawishi
Kwa watu wengine, "ushawishi" huhisi kama neno chafu. Lakini kuweza kuwashawishi watu kupitia ushiriki ni sehemu ya kuwa kiongozi mwenye msukumo na mzuri. Ushawishi ni tofauti kabisa na ujanja ujanja.
Ujasiri
Badala ya kuzuia shida au kuruhusu mizozo kuongezeka, ujasiri huwawezesha viongozi kupiga hatua na kusongesha mambo katika mwelekeo sahihi.
Heshima
Kuwatendea watu kwa heshima kila siku ni moja ya mambo muhimu sana ambayo kiongozi anaweza kufanya. Itapunguza mvutano na mizozo, itaunda uaminifu, na kuboresha ufanisi.
