ili kuutendea haki mshororo (thread) huu, maneno 'ujinga wa' kwenye kichwa cha habari yarekebishwe kwa 'hekima za'. Kwa sababu Ngassa ameonesha busara kubwa sana kukataa kwenda Sudan. Angalia sababu hizi, miongoni mwa nyinginezo: (1) alijua kwamba mpango wowote wenye Rage ndani yake si mpango ni gundu. Nitajie mpango mmoja tu wa Rage, hasa kwenye michezo, hasa ndani ya Simba, uliokaa sawa nami nitakuambia siku za kupatikana fedha ya Okwi! (2) alimwangalia Sunzu walipokuwa wote Simba ambaye alitokea hukohuko Sudan kwenye timu yenye hali inayofanana na ya El Mireikh. Alipombaini ni hoahehahe kuliko yeye, akajua Sudan hakuna jipya. (3) Alijua kwamba riziki popote, lakini kwanza nyumbani. Si lazima Sudan kama Tanzania inapatikana. (4) ingawa aliahidiwa mshiko si haba El Mireikh, lakini akajua mipango si matumizi. Moja shika wende si kumi nenda uje. Asiyelijua hilo amwulize Okwi. (5) alijua inayovutaniwa na washindani wawili ni kamba ya mchezoni, si mchezaji mpira. Alijua kuvutwa katikati ya Azam na Simba kungemnyofoa yeye. (6) alijua kwamba ligi ya Sudan inahusisha pia Darfur ambako mchezaji anatakiwa kuwa makini zaidi kwenye roho yake moja kuliko pointi tatu za timu. (7) alijua kwamba wanaomn'gan'ganiza kwenda Sudan - waandishi, mawakala na viongozi wa timu walio pia wafanyabiashara - walitaka kujinufaisha kwa mgongo wake. Maana kama maslahi yako Sudan basi vyombo vya habari pia viko huko, wachezaji wa kutafutiwa timu pia wako, kadhalika na timu zinazohitaji viongozi sambamba na fursa za biashara. Kwa nini wasitangulie wao, au angalau kuahidi kuambatana naye?
kwa hivyo wanaomwona Ngassa Mjinga kwa kukataa kuuzwa utumwani, huenda wanahitaji miwani ya vioo badala ya mbao wanayoitumia kumwangalia!