Wenye nyumba hawatasalimika na kosa la madawa ya kulevya!

[MsemajiUkweli]

Wenye nyumba hawako salama ikiwa wapangaji wao ni wahusika wa dawa za kulevya. Ni muhimu kulijua hili ili kujihadhari na kile ambacho kinaweza kukuletea madhara. Sheria mpya ya kupambana na kuzuia dawa za kulevya “The Drug Control and Enforcement Act, No 5 of 2015” imeeleza kwa mapana uhusika wa watu wa kada mbalimbali katika dawa za kulevya.

Tunachotakiwa kujua ni kuwa uhusika haumlengi tu yule mwenyewe mhusika halisi bali umeelekezwa mbali na hata kufika kwa wenye nyumba au wamiliki wa nyumba/eneo.

Pia uhusiano katika sheria hii haumlengi tu mwenye nyumba na mpangaji wake, bali pia mwenye nyumba na wale walio katika nyumba yake wawe watoto, mke, ndugu, rafiki n.k., madhali ni watu wako katika nyumba yako au eneo unalomiliki basi watakuhusu katika hili.

Hata hivyo kabla ya kuona hatia ya mwenye nyumba/eneo tutizame kwanza ni vitu gani vinaitwa dawa za kulevya ili kama unajihadhari ujue lipi la kujihadhari nalo.

1.NI VITU GANI VINAITWA DAWA ZA KULEVYA.
Sheria ya Kupambana na dawa za kulevya inataja aina nyingi mno ya vitu ambavyo imeviita dawa za kulevya. Vipo jamii ya kimiminika, jamii ya unga, jamii ya miti, majani, mbegu n.k.

Kifungu cha 2 cha sheria hiyo kinachosomwa sambamba na Schedule ya 1 ya sheria hiyohiyo kimeorodhesha zaidi ya sampuli 100 ya vitu ambavyo vinahesabika kuwa ni dawa za kulevya hapa Tanzania. Humo imo pia bangi, mirungi, cocaine, heroine, mandrax, morphine, cannabis resin au opium,coca leaf, alphaprodine, etorphine n.k.

Ni vigumu kuzitaja kwa Kiswahili lakini pia ni vigumu kuzitaja zote kwa kuwa ziko zaidi ya mia. Muhimu ni kuwa jihadhari na mienendo ya wapangaji au wale uliowaweka katika nyumba/eneo lako.

Pia ujue kuwa mirungi nayo ni dawa za kulevya tofauti na wengi wanavyodhani kuwa ni kiburudisho cha starehe halali kama ilivyo sigara au vingine.

2. HATIA YA MWENYE NYUMBA IKIWA MPANGAJI ANAHUSIKA NA DAWA ZA KULEVYA.
Kifungu cha 19( 1 ) cha sheria hiyo kinakataza mmiliki wa muda au wa kudumu kuruhusu eneo lake kutumika kwa namna yoyote katika shughuli yoyote ya dawa za kulevya.

Mmiliki wa muda anaweza kuwa muangalizi wa nyumba labda ameachiwa jukumu hilo na mmiliki halisi au anaweza kuwa mpangaji aliyempangisha mpangaji mwingine( sublease). Wote hawa wanaweza kuwa na hatia katika kifungu hiki.

Mmiliki wa kudumu ndiye mmiliki halisi wa nyumba/eneo. Huyu naye anawajibika katika kifungu hiki.

3.VITU GANI USIRUHUSU VIFANYIKE KATIKA NYUMBA/ENEO LAKO.
Kifungu hicho cha 19 kimeeleza vitu hivyo. Kinasema maandalizi yoyote ya shughuli za madawa ya kulevya yasifanyike kwenye nyumba/eneo lako, matumizi yoyote kwa mfano kuvuta bangi, kujidunga, kunusa, kulamba, au kula. Kuuza au kununua. Kutumika kama eneo la kutengenezea dawa, Kutumia nyumba kama kituo cha kufukishia dawa na aina nyingine yoyote ya shughuli hiyo.

4.ADHABU KWA WENYE MAENEO/NYUMBA.
Kifungu cha 19( 2 ) kimeainisha adhabu ya faini ya Shilingi zisizopungua milioni tano au kifungo kisichopungua miaka mitatu jela, au vyote viwili.

Kwa makala haya ni vema sana kwa wenye nyumba kujihadhari na shughuli zinazofanywa na wapangaji au yeyote anayekaa katika nyumba/maeneo yao. Usiseme simo na hali unajua kinachoendelea, kwa mujibu wa sheria hii umo.

Sheria inasema hivi;
19(2) Mtu yeyote ambaye-

(a) anavuta, ananusa au vinginevyo anatumia madawa au vitu vyovyote vya kulevya;

(b) bila uhalali na sababu ya kuridhisha atakutwa katika nyumba yoyote chumba au mahali kwa lengo la kuvuta, kunusa au vinginevyo anatumia madawa au vitu vya kulevya;

(c) atakuwa anamiliki au yumo au anaendesha jengo lolote au anasafirisha, anaruhusu litumiwe kwa lengo la-

(i) kutayarisha afyumi kwa kuvuta au kuuza au kuvuta, kunusa au vinginevyo kutumia madawa au vitu vyovyote vya kulevya; au

(ii) kutengeneza,kuzalisha,kuuza au kuvuta,kunusa au vinginevyo kutumiwa kwa madawa au vitu vyovyote vya kulevya; au

(d) ana katika umiliki bomba lolote au chombo kingine kwa matumizi yanayohusiana na uvutaji, unusaji au vinginevyo kutumia afyumi, bangi, heroini au koka au chombo chochote kilichotumika kuhusiana na uvutaji, unusaji au vinginevyo kutumia afyumi, bangi, heroni au koka au chombo chochote kinachotumika katika kutengeneza afyumi au dawa nyingine yoyote au kitu cha kulevya kwa kuvuta , atatenda kosa na akihukumiwa atatakiwa kulipa faini ya shilingi milioni moja au kifungo cha miaka kumi au vyote faini na kifungo.

Chanzo: Mdau Bashir Yakub

 

[Rweye]

Acha watu waendelee kuhangaika na vyeti vya Makonda halafu wapuuzie hizi habari muhimu za hivi, watajuta

 

[mitale na midimu]

mkuu vipi kwa mazingira ambayo umepangisha nyumba nzima na wewe unaishi mahala pengine au mkoa mwingine na kodi unapokea kwa benk. Yule uliyempangisha akajihusisha bila wewe kujua maana biashara hizo zinafanywa kwa uficho wa hali ya juu. Sheria inasemaje katika mazingira hayo.

 

[Ndalama]

Mkuu, its you again

Hivi Club Billicanas ilikuwa ya NHC? ya Mh KUB?

 

[cocochanel]

Hizi ndizo habari magazeti ya Tanzania yanabidi kuandika ili wananchi wajue sheria, bali wao wko kwenye udaku zaidi.

 

[MsemajiUkweli]

mkuu vipi kwa mazingira ambayo umepangisha nyumba nzima na wewe unaishi mahala pengine au mkoa mwingine na kodi unapokea kwa benk. Yule uliyempangisha akajihusisha bila wewe kujua maana biashara hizo zinafanywa kwa uficho wa hali ya juu. Sheria inasemaje katika mazingira hayo.

Mkuu;
Nimekuwekea pale juu sheria kama inavyosomeka kwa kiswahili.

 

[IROKOS]

Mkuu, its you again

Hivi Club Billicanas ilikuwa ya NHC? ya Mh KUB?

... Hahaaa JF bwanaa, so inabidi yule jamaa wa NHC naye aitwe sambamba na Mbowe siyo?

 

[chikundi]

mkuu vipi kwa mazingira ambayo umepangisha nyumba nzima na wewe unaishi mahala pengine au mkoa mwingine na kodi unapokea kwa benk. Yule uliyempangisha akajihusisha bila wewe kujua maana biashara hizo zinafanywa kwa uficho wa hali ya juu. Sheria inasemaje katika mazingira hayo.

Kosa ni lake kwani umempa umiliki wa muda kupitia mkataba mliosndikishiana

 

[MsemajiUkweli]

Mkuu, its you again

Hivi Club Billicanas ilikuwa ya NHC? ya Mh KUB?

Mkuu;
Club Billicanas ilikuwa inamilikiwa na Mbowe Hotels Ltd.

Mmiliki wa Jengo alikuwa NHC.

 

[mitale na midimu]

Kosa ni lake kwani umempa umiliki wa muda kupitia mkataba mliosndikishiana

Kuhusu suala la UMILIKI WA MUDA kupitia mkataba.
Kuna tofauti gani kati ya mtu aliyepanga kwenye nyumba ambayo upo na mtu ambaye amepanga kwenye nyumba ambayo mwenye nyumba yuko remote zingatia sheria hii pia kwenye ufafanuzi mkuu

 

[chikundi]

Kuhusu suala la UMILIKI WA MUDA kupitia mkataba.
Kuna tofauti gani kati ya mtu aliyepanga kwenye nyumba ambayo upo na mtu ambaye amepanga kwenye nyumba ambayo mwenye nyumba yuko remote zingatia sheria hii pia kwenye ufafanuzi mkuu

Nyumba ambayo upo inaangaliwa mazingira yake kwa mfano kama ni pande mbili zisizoingiliana hata km nyumba ni moja. Kumbuka hata kama wote wapangaji lkn mwenzako anauza madawa kwa uwazi hutoi taarifa pia ni kosa kifupi sheria inataka kila mmoja awe mlinzi wa mwenzie(vigilant)

 

[Ndalama]

Mkuu;
Club Billicanas ilikuwa inamilikiwa na Mbowe Hotels Ltd.

Mmiliki wa Jengo alikuwa NHC.

So itabidi wahusike wote mmiliki wa Jengo na mmiliki wa Club?

 

[Rweye]

... Hahaaa JF bwanaa, so inabidi yule jamaa wa NHC naye aitwe sambamba na Mbowe siyo?

Mkuu, its you again

Hivi Club Billicanas ilikuwa ya NHC? ya Mh KUB?

Mkuu sheria inamsema ama mmiliki wa kudumu ama wa muda. Sasa kama mmiliki ni NHC alimpangisha wa muda (Mbowe) jengo likiwa safi halafu huyu aliyepangishwa wa muda akaamua kufanya yake tofauti na makubaliano unafikiri nani ana makosa?

Mmiliki wa muda hawezi kukwepa hili, anaingia moja kwa moja na NHC ataitwa kama shahidi tu (mmiliki)

 

[Sexer]

Mkuu sheria inamsema ama mmiliki wa kudumu ama wa muda. Sasa kama mmiliki ni NHC alimpangisha wa muda (Mbowe) jengo likiwa safi halafu huyu aliyepangishwa wa muda akaamua kufanya yake tofauti na makubaliano unafikiri nani ana makosa?

Mmiliki wa muda hawezi kukwepa hili, anaingia moja kwa moja na NHC ataitwa kama shahidi tu (mmiliki)

kwan mwenye nyumba hupangisha chumba na dawa za kulevya ndani? teh! teh! hii yote kutetea hao unaodhani unawatetea

 

[Dr Akili]

Lazima tukubali kuwa ni ngumu sana kumhusisha Mbowe katika kosa hili hata kama ni ukweli kuwa wateja wengi wa Billicanas Club walikuwa ni watumiaji wa madawa na machangudoa. Labda kuwe na mengine tusiyoyajua.

Moja ya vitu ambavyo vingeweza kumhusisha Mbowe kiurahisi ni ushahidi wa kama ni kweli yeye ni mtumiaji wa hayo madawa kulingana na vipimo vya mkemia mkuu. Kwa kumpa taarifa kabla ya kumpima, na yeye kuwapiga danadana na kuvuta muda, hata kama alikuwa anayatumia atakuwa ameshayaacha na hivyo kama watampima sasa vipimo hivyo vitakuwa negative. Let us just wait and we shall see.

Lakini cha mhimu hilo varangati alilolianzisha Makonda, hata kama lilikiuka baadhi ya sheria, limesaidia sana kuwafanya wengi waachane na utumiaji wa madawa haya. Na lengo letu kuu la sheria zetu ni watu kuachana na matumizi ya madawa haya. Lengo letu si kuwafunga jela au kuwatoza faini kubwa watumiaji wa dawa hizi bali ni kuwafanya waachane nayo ili wawe raia wema. Mbinu aliyotumia Makonda lilikuwa linawezesha kufikia lengo letu hili.

Hivyo kama kuna sheria alizokiuka Makonda ili kufikia lengo hili kuu, basi sheria hizo ni vizuri zikarekebishwa kwani tumezitunga wenyewe na tunaweza kuzirekebisha katika kushughulikia vita hii ya madawa. Hiii ya kimya kimya kwa kuogopa hizo sheria zingine itaturudisha status quo.

 

[Umba Tuku]

Huu ni ujinga sheria za ajab ajab na watu wanaona sawa tu

 

[niah]

Mkuu;
Nimekuwekea pale juu sheria kama inavyosomeka kwa kiswahili.

Kwa hiyo mmiliki wa muda si ndiye mpangaji? Hivyo mwenye nyumba anakuwa yupo nje ya hiyo sheria? Imagine naishi nje ya nchi mpangaji ndo akahusishwa na hili janga, mimi itanihusuje according to what you wrote, mmiliki wa muda na mwenye nyumba wanahusika. Kama tafsiri itakuwa kama na mwenye nyumba wa kudumu anahusishwa, basi wapangaji wa nyumba za serikali watashtakiwa na wenye nyumba ambaye ni NHC, NSSF nk. Naomba msaada.

 

[Adharusi]

Bashir Yakubu huyu mhaya ana makeke sana