Waziri Mkuu: Mji Mkuu Dodoma kuthibitishwa kisheria

[kalulukalunde]

SERIKALI inatarajia kupeleka bungeni muswada wa kuitambua Dodoma kama makao makuu ya nchi ili uweze kuthibitishwa kisheria.

Muswada huo utawasilishwa katika bunge la Septemba mwaka huu.

Waziri Mkuu, Kassim Majaliwa alisema hayo jana mjini hapa wakati akizungumza na viongozi wa serikali, Taasisi, Watendaji na wananchi wa mkoa wa Dodoma kuelezea azma ya serikali kuhamia Dodoma.

Pia alitoa siku 14 kwa Mamlaka ya Ustawishaji Makao Makuu (CDA) kuwasilisha mapendekezo ya awali namna watakavyopendekeza mpango wa serikali kuhamia Dodoma. Waziri Mkuu alisema katika bunge lijalo muswada wa sheria ya serikali kuhamia Dodoma utapelekwa bungeni ili azma ya Rais John Magufuli na serikali yake uwe na nguvu kisheria.

Pia aliendelea kueleza: “Kazi inayofuata serikalini baada ya tamko la Rais Magufuli la serikali kuhamia Dodoma katika bunge lijalo ni kuwasilisha muswada wa sheria bungeni kabla ya kuanzishwa sheria, maamuzi kadhaa yamefanywa ikiwemo mikakati ya serikali ili kuimarisha uhamiaji huo,” alisema.

“Uamuzi wa kuhamia Dodoma na kuufanya mji huo kuwa makao makuu ya serikali imekuwa ni ndoto ya baba wa taifa na kudumu wakati wote wa awamu za serikali zilizofuata na hadi sasa serikali ya awamu ya tano utatekelezwa,” alisema.

Waziri Mkuu aliendelea kubainisha kwamba, “Rais John Magufuli na Makamu wa Rais pamoja na viongozi wengine wa chama wamesimamia ndoto ya baba wa taifa, na sasa inakwenda kutimia.

Alisema maagizo ya Rais ya Serikali kuhamia Dodoma ni halisi na hakuna namna nyingine kwani maagizo yametolewa na ni wajibu wa kila mmoja wetu kuyaamini na kuanza kuyatekeleza.

Aliendelea kusisitiza kwamba, “Mimi tayari niko Dodoma nina ofisi, nina nyumba na hata ile kauli yangu ya miezi miwili niliyotoa jana mbele ya Rais wakati wa sherehe za mashujaa, ililenga kwa watumishi wengine walio chini yangu kujipanga kuhamia Dodoma lakini, mimi tayari nipo na nitaendelea kufanya shughuli zangu nikiwa hapa Dodoma.

Alisema wageni wote watakaotaka kukutana na viongozi wakuu wa nchi, wakiwamo makatibu wakuu, mabalozi na watendaji wengine itawabidi kufika Dodoma.

Amesema, “wageni wote watakaomtaka Waziri Mkuu, pamoja na Makamu wa Rais waje watukute Dodoma na hayo ndio maagizo ya Rais Magufuli,” alisema. Alisema wizara zote zina nyumba, mawaziri na makatibu wakuu wana nyumba na ofisi hapa Dodoma kwa hiyo haitakuwa kazi ngumu kwao kuhamia Dodoma.

Waziri Mkuu alisema, Rais anapotoa maelekezo lazima yatimizwe ni utaratibu uliojengwa kwa watumishi wa umma.

Atoa siku 14

Alitoa siku 14 kwa serikali mkoa wa Dodoma kukaa na taasisi zake hususani Mamlaka ya Ustawishaji Makao Makuu (CDA) kuandaa na kutoa mpango kazi wake na kuuwasilisha kwa Waziri Mkuu ili aone watakavyotekeleza mpango huo kwa haraka na ufasaha.

“Ndani ya siku 14 nipate proposal ya kwanza namna mtakavyotekeleza naagiza kiundwe kikosi kazi chini yenu kitakachowajumuisha makundi yote.Baada ya siku 14 nipate mpango wenu,” alisema.

Mabalozi kujenga ofisi Dodoma

Alisema mabalozi wameonesha nia ya kujenga ofisi zao Dodoma na wanaendelea kuzungumza nao ili makao makuu ya serikali yawe ni kweli na kutambulika kote na wakitoka nje ya nchi watue kwanza Dodoma.

Maagizo kwa CDA

Alisema CDA itambue eneo la makazi ya serikali kuu kwa maana ya ofisi za wizara na taasisi zake, makazi ya watumishi na huduma za biashara, elimu na taratibu zote za kisheria za kulitwaa zinatumika kwa haraka tayari kwa matumizi.

Pia kuwepo kwa mfumo moja wa upatikanaji wa viwanja vya matumizi mbalimbali na ujulikane uwe wazi bila urasimu na uwekwe kwenye mfumo wa kompyuta na uuzaji wa viwanja uwe hivyo uwe wa kielektroniki kuepusha udanganyifu wa madalali.

“Sitaki kusikia viwanja vinapatikana katika mfumo usio rasmi mpaka wapitie kwa wakuu wa mikoa, wilaya, meya na kumfanya kila mtu anatoa kiwanja,” alisema.

Pia alishauri serikali na taasisi zake na hasa zisizo za kibiashara zielekezwe eneo jipya la makazi rasmi ya serikali na sio kuwapa viwanja Dodoma huko ni kurudia makosa ya Dar es Salaam kwa kuchanganya serikali na biashara na kusababisha foleni.

Waziri Mkuu aliitaka CDA na serikali ya mkoa kuhakikisha wanatenga maeneo maalumu kwa ajili ya bandari kavu, kituo kikuu cha biashara, eneo maalum la wajasiriamali kuendelea kuongeza eneo la viwanda na huduma mbalimbali za biashara mahoteli, mabenki elimu na afya pamoja na kuongeza kasi ya kupima viwanja kwa ajili ya makazi, viwanda na taasisi.

Aliwataka Tanroads kukarabati barabara zilizopo chini na kubuni ringroads kwa ajili ya kuepusha foleni sizizo za lazima na kuzitaka taasisi nyingine kuboresha huduma kama mamlaka ya majisafi na majitaka.

Kwa upande wake Mkuu wa Mkoa wa Dodoma, Jordan Rugimbana alisema atahakikisha anawasilisha mapendekezo ndani ya siku 10.

Chanzo: Habari Leo

 

[HNIC]

Delay tactics zishaanza

 

[Nampurukano]

Makao makuu ya nchi tumeambiwa ni dodoma toka enzi za mwalimu, sasa hizo proposal sijui miswada inakujaje.... mlikuwa mnatudanganya

 

[Yiyu Sheping]

Maelekezo mazuri na yenye ufafanuzi wa kutosha ila hapo kwenye eneo la bandari kavu ndio kwenye utatata au kwa vile dodoma hamna bandari ya bahari?

 

[KWEZISHO]

Jambo zuri tunawatakia kila akheri ila utekelezaji uzingatie bajeti ya serikali

 

[maramia]

Mbona hata kwenye ramani inaonyesha ni Dodoma. Mbona kwenye mtihani wa darasa la saba mwaka 1975 kulikuwa na swali liliouliza, Makao makuu ya Tanzania ni:
A. Arusha
B. Dodoma
C. Iringa
D. Mwanza
Hivi hspa jibu ni nini au miaka yote hii tumekuwa tukidanganywa? Nchi hii jamani!!

 

[bowlibo]

Tumedanganywa sana na tutaendelea kudanganywa mpaka serikali ya ccm itakapotoka madarakani.

Kama nikifa kabla hawajatoka madarakani basi nitakuwa sawa na aliyezaliwa jangwani na kufa akiwa bado hajaiona ardhi yenye kijani

 

[G55-MGODI]

Serikali imesema itapeleka muswada bungeni ili kuipitisha sheria itakayoipa mamlaka Dodoma kuwa makao makuu ya nchi.
#source habarileo.

Swali langu, Mie toka nizaliwe naitambua dodoma kama makao makuu ya Tanzania, Je ilikuwa sio kisheria? Au wana maana gani hadi kupeleka bungeni tena?

 

[Erick tryphone]

Swali zuri sana

 

[misasa]

Pm kataja vitu na vyenye mantiki ila nina wasi wasi na utekelezaji wake

 

[Akasankara]

Mimi nidhani kuondoa na kuufuta kabisa umasikini TANZANIA kisheria, kumbe ni kuuthibitisha mji wa DODOMA kisheria? what the heck is that?

 

[HOMOSAPIEN]

Miundombinu ya Dodoma ni jipu nafikiri ni muhimu kushughulikia kwanza hili tatizo kabla ya serikali yote kuhamia Dodoma vinginevyo yatakuwa mateso kwa watumishi

 

[kijani11]

Kumbe kisheria Dar ndio makao makuu.. Nilikuwa sijui hilo.

 

[swalehe shiza]

Pm kaanza kiwewe cha kuhamia Dom alijua kazi rahisi?

 

[OSOKONI]

Kumbe walitaka kuhama bila sheria? Nimesikia wizara ya kilimo inahamia wiki ijayo mh! nchi hii mambo ya sheria na utawala bora bado sana!

 

[Nashengena]

Mimi nidhani kuondoa na kuufuta kabisa umasikini TANZANIA kisheria, kumbe ni kuuthibitisha mji wa DODOMA kisheria? what the heck is that?

Ukiangalia priorities za mpango wa miaka mitano hata hilo la Dodoma halipo, priorty ya kwanza ni viwanda, cha pili ni elimu ambayo itaendana na maendeleo ya viwanda. Na viwanda vinavypewa kipaumbele ni vele vya processing, kama vya ngozi, mazao, chuma, juisi etc. na elimu inayopewa kipaumebel ni mambo ya utafiti na technician etc. Sasa hili la kuhamia Dodoma limetoka wapi? Is is a priorty for Tanzanians.

Swala la afya na lishe ambalo ndio ambalo ni muhimu kwa kuzalisha watu wenye akili naona linapigwa chenga. Tanzania tutanedelea kuwa taifa la ajabu sababu ya kukosa viongozi ambao hawana strategic directions. Ningefurahi sana kama ningeona vipaumblele vinaendana na mpango wa miaka mitano lakini wapi. Je serikali ikihamia Dodoma ndio viwanda vinakuja au elimu imeboreshwa?

 

[lukindo]

Maelekezo mazuri na yenye ufafanuzi wa kutosha ila hapo kwenye eneo la bandari kavu ndio kwenye utatata au kwa vile dodima hamna bandari ya bahari?

Suala la bandari, kwa jinsi ninavyoiona kasi ya JPM na hii ccm mpya sio ajabu ikachimbwa channel ya maji hapa kuunganisha Dodoma na Dar!

 

[OSOKONI]

Mbona hata kwenye ramani inaonyesha ni Dodoma. Mbona kwenye mtihani wa darasa la saba mwaka 1975 kulikuwa na swali liliouliza, Makao makuu ya Tanzania ni:
A. Arusha
B. Dodoma
C. Iringa
D. Mwanza
Hivi hspa jibu ni nini au miaka yote hii tumekuwa tukidanganywa? Nchi hii jamani!!

Aliyetunga swali hili hakuwa makini angeweka Dar es salaam miongoni mwa majibu, watahiniwa wote wangechagua Dar es salaam

 

[Threesixteen Himself]

Makao makuu ya nchi tumeambiwa ni dodoma toka enzi za mwalimu, sasa hizo proposal sijui miswada inakujaje.... mlikuwa mnatudanganya

!
!
Wewe hujui Sarakasi za hao jamaa

 

[nyumba kubwa]

Hapo sawa...na ukizingatia yote aliyoorodhesha Mh. waziri mkuu tunahitaji kama miaka 10 au zaidi kuhamia Dodoma...
Ila ni nzuri kuwa na nia ya dhati